Ҳукумати Ҷумҳурии Тоҷикистон

ҚАРОР

Дар бораи нишондиҳандаҳои дурнамои рушди иҷтимоию иқтисодии Ҷумҳурии Тоҷикистон барои соли 2007 ва параметрҳои асосии дурнамои рушди иҷтимоию иқтисодии Ҷумҳурии Тоҷикистон барои солҳои 2008-2009

Дар асоси моддаи 4 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо ва барномаҳои инкишофи иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Нишондиҳандаҳои дурнамои рушди иҷтимоию иқтисодии Ҷумҳурии Тоҷикистон барои соли 2007 (тибқи замимаҳои 1 ва 2) тасдиқ карда шаванд.

2. Параметрҳои асосии дурнамои рушди иҷтимоию иқтисодии Ҷумҳурии Точикистон барои солҳои 2008-2009 (тибқи замимаи 3) маъқул дониста шавад.

3. Вазорати молияи Ҷумҳурии Тоҷикистон ҳангоми мураттаб сохтани лоиҳаи Буҷети давлатии Ҷумҳурии Тоҷикистон барои соли 2007 нишондиҳандаҳои дурнамои рушди иҷтимоию иқтисодии Ҷумҳурии Тоҷикистон барои соли 2007-ро ба инобат гирад.

4. Вазорати иқтисод ва савдои Ҷумҳурии Тоҷикистон якҷоя бо вазорату идораҳо ва мақомоти иҷроияи маҳаллии ҳокимияти давлатӣ ҳар семоҳа рафти татбиқи нишондиҳандаҳои дурнамои рушди иҷтимоию иқтисодии Ҷумҳурии Тоҷикистон барои соли 2007-ро таҳлил намуда, ҳангоми зарурат, ҷиҳати ворид намудани тағйирот ба Ҳукумати Ҷумҳурии Тоҷикистон таклифҳо пешниҳод намояд.

5. Назорати иҷрои ин қарор ба зиммаи Вазорати иқтисод ва савдои Ҷумҳурии Тоҷикистон вогузор карда шавад.