Бо қарори Ҳукумати ҶТ аз 5.07.2014 № 463 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи квотаҳои воридоти спирти этилӣ ва машрубот ба Ҷумҳурии Тоҷикистон дар соли 2000

Мутобиқи қарорҳои Ҳукумати Ҷумҳурии Тоҷикистон аз 19 феврали соли 1999 рақами 48 "Дар бораи маҷмӯи андешаҳо оид ба танзими давлатии истеҳсолу муомилоти спирти этилӣ ва машрубот" ва аз 7 апрели соли 1999 рақами 131 "Дар бораи маҷмӯи андешаҳо оид ба танзими давлатии истеҳсолу муомилоти спирти этилӣ ва машрубот", Ҳукумати Ҷумҳурии Тоҷикистон қарор мекунад:

1. Квотаҳои воридоти спирти этили ва машрубот ба Ҷумҳурии Тоҷикистон дар соли 2000 ба миқдори мувофиқи замима муқаррар карда шаванд.

2. Квотаҳои муқарраркардашудаи спирти этили ва машрубот ба ихтиёри Корпоратсияи саноати озуқа ва боғу токпарварӣ "Хурокворӣ" барои минбаъд тақсим карда додан ба корхонаҳои тобеъ ва дигар корхонаю субектҳои кории мушаххас дода шаванд.

3. Ба Корпоратсияи саноати озука ва боғу токпарварии "Хурокворӣ" бо таври истисно барои ворид намудани спирти этили ва машрубот дар асоси тендерӣ, бо ҷалб намудани маблағҳои ширкатҳо ва корхонаҳои ватанию хориҷӣ сарфи назар аз шакли моликияташон, дар асоси шароити барои тарафҳо фоидаовар иҷозат дода шавад.

4. Кумитаи гумруки назди Ҳукумати Ҷумҳурии Тоҷикистон аз тариқи воситаҳои ахбори умум дар хусуси манъ будани воридоти спирти этили ва машрубот ба Ҷумҳурии Тоҷикистон аз ҷониби ташкилоту корхонаҳо, сарфи назар аз шакли моликияташон, ки квотаҳои дахлдор надоранд, иттилоот диҳад.

Квотаҳои воридоти спирти этилӣ ва машрубот ба Ҷумҳурии Тоҷикистон дар соли 2000

(хазор декалитр)

+-------------------------------------------+---------ҷ
|    НАМУДИ МАХСУЛОТ                        | МИКДОР  |
+-------------------------------------------+---------+
|    Спирти этили                           |  1200   |
+-------------------------------------------+---------+
|    Арак ва махсулоти араки                |    20   |
+-------------------------------------------+---------+
|    ЧИН. РОМ, накеъ ва ликёрхо             |    10   |
+-------------------------------------------+---------+
|    Коньяк                                 |    10   |
+-------------------------------------------+---------+
|    Пива                                   |    10   |
+-------------------------------------------+---------+
|    Май (вино)                             |    10   |
+-------------------------------------------+---------+
|    Шампон                                 |    10   |
+-------------------------------------------+---------+