ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқ намудани тартиб ва ҳайати комиссия оид ба аккредитатсияи давлатии муассисаҳои илмӣ

Мутобиқи моддаи 5 Қонуни Ҷумҳурии Тоҷикистон аз 21 майи соли 1998 № 598 "Дар бораи илм ва сиёсати давлатӣ оид ба илму техника" ва бо мақсади ба низом даровардани фаъолияти муассисаҳои илмӣ, баланд бардоштани дараҷаи илмии таҳқиқотҳои бунёдӣ ва амалӣ, Ҳукумати Ҷумҳурии Тоҷикистон қарор мекунад:

1. Тартиби замимагардидаи аккредитатсияи давлатии муассисаҳои илмӣ ва ҳайати комиссия оид ба аккредитатсияи давлатии муассисаҳои илмӣ тасдиқ, карда шавад.

2. Комиссия оид ба аккредитатсияи давлатии муассисаҳои илмӣ аз соли 2000-ум cap карда, тибқи тартиботи мазкур аккредитатсияи давлатии муассисаҳои илмии ҳамаи шаклҳои моликиятро гузаронад.