Ҳукумати Ҷумҳурии Тоҷикистон

ҚАРОР

Дар бораи тасдиқ намудани Нақшаи чорабиниҳо оид ба татбиқи шартҳои Кредити дуюми Бонки Умумиҷаҳонӣ барои ислоҳоти сохторӣ (КСП-2)

Бо мақсади таъмин намудани иҷрои саривақтӣ ва босифати шартҳои Кредити дуюми Бонки Умумиҷаҳонӣ барои ислоҳоти сохторӣ (КСП-2) Ҳукумати Ҷумҳурии Тоҷикистон қарор мекунад:

1. Нақшаи замимашудаи чоробиниҳо оид ба татбиқи шартҳои Кредити дуюми Бонки Умумиҷаҳонӣ барои ислоҳоти сохторӣ (КСП-2) тасдиқ карда шавад.

2. Роҳбарони вазоратҳо, кумитаҳои давлатӣ, идораҳо, муассисаҳо ва ташкилотҳо, воҳидҳои сохтории Дастгоҳи иҷроияи Президенти Ҷумҳурии Тоҷикистон дар муддати муқарраршуда, иҷрои чорабиниҳои дар Нақша пешбинишударо таъмин намоянд.

3. Вазорати иқтисод ва савдои Ҷумҳурии Тоҷикистон аз рӯи иҷрои Нақшаи чорабиниҳо оид ба татбиқи шартҳои Кредити дуюми Бонки Умумиҷаҳонӣ барои ислоҳоти сохторӣ (КСП-2) назорат ҷорӣ намояд ва аз натиҷаи он то 10 майи соли 2002 ба Ҳукумати Ҷумҳурии Тоҷикистон гузориши ҷамъбастӣ пешниҳод намояд.