Ҳукумати Ҷумҳурии Тоҷикистон

ҚАРОР

Масъалаҳои Иттиҳодияи истеҳсолии "Тоҷиксемент"

Бо мақсади таъмини кори самараноку дурусти Иттиҳодияи истеҳсолии "Тоҷиксемент" ва саривақт таъмин намудани иншооти муҳими ҷумҳурӣ бо сементи баландсифат, Ҳукумати Ҷумҳурии Тоҷикистон қарор мекунад:

1. Иттиҳодияи истеҳсолии "Тоҷиксемент" аз ҷумлаи корхонаи тобеи Корпоратсияи "Маводи сохтмон" бароварда, ба идораи оперативии Ҳукумати Ҷумҳурии Тоҷикистон дода шавад.

2. Каримов Маҳмадраҳим директори генералии Иттиҳодияи истеҳсолии " Тоҷиксемент " -таъин карда шавад.

3. Иттиҳодияи истеҳсолии "Тоқиксемент":

- истифодаи мақсадноки маҳсулоти истеҳсолшаванда ва дар навбати аввал ба иншооти муҳими ҷумҳурӣ расонидани сементро таъмин намояд:

бо тартиби муқарраргардида Низомномаи Иттиҳодияи истеҳсолии "Тоҷиксемент"-ро барои тасдиқ ба Ҳукумати Ҷумҳурии Тоҷикистон пешниҳод намояд.