Ҳукумати Ҷумҳурии Тоҷикистон

ҚАРОР

Дар бораи беҳтар намудани вазъи Китобхонаи миллии Ҷумҳурии Тоҷикистон ба номи Абулқосим Фирдавсӣ

Нақши бузурги Китобхонаи миллии Ҷумҳурии Тоҷикистон ба номи Абулқосим Фирдавсиро дар тарбияи маънавии сокинони мамлакат, рушду такомули илму фарҳанг, ҷамъоварӣ, ҳифз ва тарғиби мероси миллӣ ва умумибашарӣ ба эътибор гирифта, мутобики Қонуни Ҷумҳурии Тоҷикистон "Дар бораи фарҳанг" Ҳукумати Ҷумҳурии Тоҷикистон қарор мекунад:

1. Вазорати фарҳанги Ҷумҳурии Тоҷикистон барои беҳтар намудани вазъи кунунии Китобхонаи миллии Ҷумҳурии Тоҷикистон ба номи Абулқосим Фирдавсӣ, ҳифзу нигоҳдории захираҳои китобҳо, автоматикунонӣ ва компютеркунонии равандҳои асосии фаъолияти китобхона ва таъмири асосии бинои он чораҳои зарурӣ андешад.

2. Аз соли 2004 шурӯъ карда, давра ба давра масъалаи бунёди маркази интернет, пайваст шудан ба шабакаҳои электронӣ, дарёфти иттилооти библиографӣ аз китобхонаҳои ҷаҳониро хал карда, китобхонаро ба таҷҳизоти техникии муосир таъмин намояд.

3. Бо мақсади ҳамкориҳои фарҳангӣ робитаро бо китобхонаҳои бузургтарин, аз ҷумла бо китобхонаҳои Федератсияи Россия, ӯзбекистон, Қазокистон ва Қирғизистон таҳким бахшида, масъалаи мубодилаи китобҳоро миёни кишварҳои номбурда тақвият бахшад.

4. Вазорати фарҳанги Ҷумҳурии Тоҷикистон якҷоя бо Вазорати молияи Ҷумҳурии Тоҷикистон, Вазорати иқтисод ва савдои Ҷумҳурии Тоҷикистон Барномаи рушди минбаъдаи китобхонаҳои ҷумҳуриро, аз ҷумла Китобхонаи миллии Ҷумҳурии Тоҷикистон ба номи Абулқосим Фирдавсиро таҳия ва ба тасдиқи Ҳукумати Ҷумҳурни Тоҷикистон пешниҳод намояд.