Бо Қарори Ҳукумати ҶТ аз 02.04.2009с. № 204 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи тасдиқ намудани Тартиби воридот ва содироти маводи доруворӣ ва молҳои тиббӣ дар Ҷумҳурии Тоҷикистон

Мутобиқи Қонуни Ҷумҳурии Тоҷикистон "Дар бораи маводи доруворӣ ва фаъолияти фарматсевтӣ" Ҳукумати Ҷумҳурии Тоҷикистон қарор мекунад:

1. Тартиби воридот ва содироти маводи доруворӣ ва молҳои тиббӣ дар Ҷумҳурии Тоҷикистон тасдиқ карда шаванд (Қарори Ҳукумати ҶТ аз 1.09.2005с. № 337).

2. Вазорати даромадҳо ва пардохтҳои давлатии Ҷумҳурии Тоҷикистон ҳуҷҷатҳоро оид ба воридот ва содироти маводи доруворӣ ва молҳои тиббӣ тибқи Тартиби тасдиқгардида ба расмият дарорад.

3. Муайян карда шавад, ки иҷозатномаҳои пештара ба шахсони воқеӣ оид ба фаъолияти фарматсевтӣ додашуда, то тамомшавии мӯҳлати амалашон эътибор доранд.