ҲУКУМАТИ ҶУМҲУРИИ ТОҶИКИСТОН

ҚАРОР

Дар хусуси ворид намудани тағйироту иловаҳо ба тартиби бақайдгирии давлатии воситаҳои механикии нақлиёт ва ядакҳо

Ҳукумати Ҷумҳурии Тоҷикистон қарор мекунад:

Ба Тартиби бақайдгирии давлатии воситаҳои механикии нақлиёт ва ядакҳо, ки бо қарори Ҳукумати Ҷумҳурии Тоҷикистон аз 23 октябри соли 1999 № 441 "Дар бораи тасдиқи Тартиби бақайдгирии давлатии воситаҳои механикии нақлиёт ва ядакҳо" тасдиқ шудааст, тағйироту иловаҳои зерин ворид карда шаванд:

Дар банди 6:

Сархати дуюм дар таҳрири зайл баён карда шавад:

"Воситаҳои нақлиёте, ки дар қайди Федератсияи Россия буда, ба ҷумҳури ворид карда шудаанд, ба мӯҳлати то 3 моҳ, то аз ҷои қайди асоси гирифтани тасдиқнома оид ба мавҷуд набудани маҳдудият ё ҳабс ба воситаи нақлиёти номбурда, муваққатан ба қайд гирифта мешаванд. Дар сурати нагирифтани тасдиқнома дар мӯҳлати зикршуда, воситаҳои нақлиёт бо гузоштани қайд дар ҳуҷҷатҳои бақайдгири ба қайди доими гирифта мешаванд. Иичунин қайди мақомоти бақайдгирии пешина дар бораи аз қайд баровардан асос шуда метавонад."

Сархати сеюм бо мазмуни зайл илова карда шавад:

"Дар ҳама ҳолат, ҳангоми бақайдгирии воситаҳои нақлиёти ба Ҷумҳурии Тоҷикистои воридшуда шаҳодатномаи гумрук талаб карда мешавад. Ҳангоми бақайдгири ё аз қайд баровардани (дар мақомоти бақайдгири) автомобилҳои сабукрави дар мавқеи 8702 ва 8703 Номгӯи молии фаъолияти иқтисодии берунии давлатҳои аъзои Иттиҳоди иқтисодии Евразия таснифшудаи барои фаъолияти истеҳсоли ё фаъолияти дигари тиҷорати таъиннагардида, ҳамчунин нусхаи тасдиқкардашудаи варақаи бори гумруки (ВБГ) бо мӯҳри рақамдори шахсии шахси мансабдори мақомоти гумрук, ки барасмиятдарории гумрукиро гузаронидааст, талаб карда мешавад."

Сархати дуюм ва сеюми қисми дуюми банди 13 дар таҳрири зайл баён карда шавад:

"Боҷи гумруки пардохта шудааст, барои дигар шудани молик иҷозати гумрук тақозо намешавад."

"Муваққатан бо мақсади ________________________________                                                                           (мақсади ворид намудан)

ба мӯҳлати то__________________ворид карда шудааст, барои дигар шудани молик иҷозати гумрук

             (рӯз, моҳ, сол)

тақозо мешавад."

Дар банди 95 калимаҳои "барои ба мӯҳлати аз панҷ шабонарӯз то як сол" ба калимаҳои "бо ӯҳдадори дар хусуси баргардонидани воситаи нақлиёт" иваз карда шаванд.

Дар сархати дуюми банди 96 калимаҳои "аз як сол аз лаҳзаи бақайдгири" ба калимаҳои "аз мӯҳлати дар ваколатномаи нотариали тасдиқнамуда, муайян карда шуда" иваз карда шаванд.

Дар сархати дуюми банди 97 калимаҳои "аз ҳисоби БДА хориҷ намудани" ба калимаи "бақайдгирии доими" иваз карда шуда, баъд аз калимаҳои "муовинони ӯ," калимаҳои "сардори шӯъбаи бақайдгирию имтиҳоноти" илова карда шавад.