Бо қарори Ҳукумати ҶТ аз 28.12.2006с. № 602 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои Департаменти авиатсияи граждании Ҷумҳурии Тоҷикистон

Бо мақсади иҷрои Фармони Президенти Ҷумҳурии Тоҷикнстон аз 5 апрели соли 2004 № 1311 "Дар бораи такмили системаи идораи давлати дар авиатсияи граждании Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомномаи Департаменти авиатсияи граждании Ҷумҳурии Тоҷикистон ва сохтори дастгоҳи идораи Департаменти авиатсияи граждании Ҷумҳурии Тоҷикистон тасдиқ карда шаванд (замима мегарданд).

2. Шумораи умумии кормандони дастгоҳи Департаменти авиатсияи граждании Ҷумҳурии Тоҷикистон бо дарназардоштн ҳайати хизматрасон ба миқдори 30 воҳид муқаррар карда шавад.

3. Ба Департаменти авиатсияи граждании Ҷумҳурии Тоҷикистон иҷозат дода шавад, ки як муовин ва ҳайати мушовара иборат аз 7 нафар дошта бошад.

4. Ба Департаменти авитасияи граждании Ҷумҳурии Тоҷикистон лимити автомобилҳои сабукрави хизмати ба миқдори 3 воҳид муқаррар карда шавад.

5. Маблағгузории Департаменти авиатсияи граждании Ҷумҳурии Тоҷикистон аз ҳисоби маблағҳои буҷети ҷумҳурияви анҷом дода шавад.

Шароити пардохти музди меҳнати кормандони мақомоти идораи давлати ба дастгоҳи Департаменти авиатсияи граждании Ҷумҳурии Тоҷикистон ҷори карда шавад.

6. Вазорати нақлиёти Ҷумҳурии Тоҷикистон:

- кормандони Департаменти авиатсияи граждани ба миқдори 11 воҳид, шӯъбаи литсензиякунони ва нозироти дар нақлиёти ҳавоии Инспексияи нақлиётиро ба миқдори 5 воҳид ҳамаги 16 воҳид бо хароҷоти фондн музди меҳнат ба Департаменти авиатсияи граждании Ҷумҳурии Тоҷикистон гузаронад;

- дар мӯҳлати як моҳ мувофиқи тартиби муқарраргардида шумораи кормандони дастгоҳи маркази, сохтор ва Низомномаи бо қарори Ҳукумати Ҷумҳурии Тоҷикистон аз 29 декабри соли 2000 № 485 "Дар бораи Вазорати нақлиёти Ҷумҳурии Тоҷикистон" тасдиқгардида, инчунин шумораи кормандони дастгоҳи марказии Инспексияи нақлиётии назди Вазорати нақлиёти Ҷумҳурии Тоҷикистонро, ки бо қарори Ҳукумати Ҷумҳурии Тоҷикистон аз 11 июни соли 2001 № 252 "Дар бораи Инспексияи нақлиётии назди Вазорати нақлиёти Ҷумҳурии Тоҷикистон" тасдиқ шудааст, мутобиқ гардонад.

7. Кумитаи давлатии идораи амволи давлатии Ҷумҳурии Тоҷикистон ба ҷойгиронии Департаменти авиатсияи граждании Ҷумҳурии Тоҷикистон пешниҳод манзур намояд.