ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи давлатии "Тарбияи ватанпарастии ҷавонони Тоҷикистон барои солҳои 2002-2005"

Бо мақсади такмили фаъолияти мақомоти идораи давлати ва ҳокимияти иҷроия дар маҳалҳо (ҳукуматҳо) дар самти тарбияи ватанпарастии ҷавонон, Ҳукумати Ҷумҳуртти Тоҷикистон қарор мекунад:

1. Барномаи давлатии "Тарбияи ватанпарастии ҷавонони Тоҷикистон барои солҳои 2002-2005" тасдиқ карда шавад (замима мегардад).

2. Кумитаи кор бо ҷавонони назди Ҳукумати Ҷумҳурии Тоҷикистон ҳамоҳангсози татбиқи Барномаи давлатии "Тарбияи ватанпарастии ҷавонони Тоҷикистон барои солҳои 2002-2005" муқаррар карда шавад.

3. Раисони Вилояти Мухтори Кӯҳистони Бадахшон, вилоятҳо, шаҳру ноҳияҳо дар доираи татбиқи чорабиниҳои Барномаи давлатии "Тарбияи ватанпарастии ҷавонони Тоҷикистон барои солҳои 2002-2005" барномаҳои маҳаллии тарбияи ватанпарастии ҷавононро таҳия ва амали гардонанд.

4. Маблағгузории чорабиниҳо оид ба татбиқи Барномаи мазкур дар соли 2002 дар доираи маблағҳои дар Буҷети давлати барои мақомоти идораи давлати, ҳокимияти иҷроия дар маҳалҳо (ҳукуматҳо) ва ташкилотҳои дар татбиқи Барнома иштироккунанда пешбинишуда ва ҳамчунин тавассути ҷалби маблағҳои ғайрибуҷети анҷом дода шавад.

5. Вазорати иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон ҳангоми таҳияи Дурнамои рушди иҷтимоию иқтисодии ҷумҳури ва буҷети давлати барои солҳои 2003-2005 ҷиҳати татбиқи ин Барнома, бо назардошти имкониятҳои молияви ва пешниҳоди Кумитаи кор бо ҷавонони назди Ҳукумати Ҷумҳурии Тоҷикистон, маблағ пешбини намоянд.