Бо қарори Ҳукумати ҶТ аз 29.09.2017 № 455 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи хазинаи осорхонаҳои Ҷумҳурии Тоҷикистон

Бо мақсади такмили минбаъдаи фаъолияти осорхонаҳо, таъмини ҳифз ва истифодаи муносиби ёдгорҳои таърихӣ ва фарҳангӣ дар Ҳукумати Ҷумҳурии Тоҷикистон қарор мекунад:

1. Низомномаи пешниҳодшудаи Хазинаи осорхонаҳо тасдиқ карда шавад.

2. Ба Вазоратҳо, кумитаҳои давлатӣ ва дигар идораҳои Ҷумҳурии Тоҷикистон супорида шавад, ки барои намоиш ба хазинаи осорхонаҳо намунаҳои, мошин, механизмҳо ва моделҳоро, ки тараққиёти илм, техника, дастовардҳои ҷумҳуриро инъикос менамоянд, бепул чудо кунанд.

Муқаррар карда шавад, ки ин намунаҳо ба хазинаи осорхонаҳо бо мувофиқаи вазоратҳо, ташкилотҳои манфиатдор чудо карда мешаванд. Арзиши нигораҳои ҷудокардашуда бо тартиби муқарраргардида аз ҳисоби вазоратҳо, кумитаҳо ва дигар ташкилотҳову муассасиҳо бароварда мешавад.

3. Ба кумитаи гумруки назди Ҳукумати Ҷумҳурии Тоҷикистон супорида шавад, ки минбаъд ашӣёи мусодиршудаи дарои аҳамияти таърихӣ ва арзиши бепул ба осорхонаи ба мутаҳидаи таърихию кишваршиносӣ ва санъати тасвирӣ диҳад.

4. Масъулияти ҳифзи коллекцияҳо ва аъёи алоҳида, ки дар осорхонаҳо ва муассисаҳои тобеи онҳо маҳфузанд ва ба Хазинаи осорхонаҳои Ҷумҳурии Тоҷикистон дохил мешаванд, ба дӯши вазоратҳо, кумитаҳои давлатӣ, идораҳои Ҷумҳурии Тоҷикистон вогузор карда шавад.