Бо Карори Хукумати ЧТ аз 30.01.2007с. № 37 бе эътибор дониста шуд

Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 2 апрели соли 2002 № 155 "Дар бораи тарифҳои қувваи барқ ва гармӣ"

Дар асоси моддаи 52 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади истифодаи самараноки нерӯи барқ аз тарафи аҳолӣ Ҳукумати Ҷумҳурии Тоҷикистон қарор мекунад:

1. Сархати ҳафтуми ҷадвали Тарифҳои қувваи барқ ва гармӣ, ки бо қарори Ҳукумати Ҷумҳурии Тоҷикистон аз 2 апрели соли 2002 № 155 "Дар бораи тарифҳои қувваи барқ ва гармӣ" тасдиқ шудааст, дар таҳрири зайл ифода карда шавад:

+------------------------------------------------+-------------------ҷ
|            Қувваи барқ                         | дирам барои як    |
|                                                | кВт. соат         |
+---------------------------Т--------------------+-------------------+
|Аз 1 апрели соли 2006 тарифҳои қувваи барқ      |                   |
|барои аҳолӣ (бо назардошти андоз аз арзиши      |                   |
|изофашуда) ҳангоми истифодаи меъёри 250 кВт.соат|                   |
|дар як моҳ;                                     |   1,6             |
+------Т-----------------------------------------+-------------------+
|барои ҳар як кВт.соат зиёда аз меъёри           |                   |
|муайянгардида                                   |   2,7             |
+------------------------------------------------+-----------------Т-+

2. Агентии давлатии сиёсати зиддимонополӣ ва дастгирии соҳибкории назди Ҳукумати Ҷумҳурии Тоҷикистон якҷоя бо Вазорати энергетикаи Ҷумҳурии Тоҷикистон ба Нархномаи № 09-01-2003 "Тарифҳои қувваи барқ ва гармӣ" тағйироти дахлдор ворид намоянд.

3. Вазорати энергетикаи Ҷумҳурии Тоҷикистон ва Агентии давлатии сиёсати зиддимонополӣ ва дастгирии соҳибкории назди Ҳукумати Ҷумҳурии Тоҷикистон бо тариқи воситаҳои ахбори омма дар бораи моҳият ва зарурияти ҷорӣ намудани тарифҳои мазкур ба аҳолии ҷумҳурӣ иттилоот диҳанд.