Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба қарори Ҳукумати Ҷумҳурии Тоҷикистон аз 11 июни соли 2001 № 252 "Дар бораи Инспексияи наклиётии назди Вазорати нақлиёти Ҷумҳурии Тоҷикистон"

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Шумораи кормандони ҳайати хизматрасони Инспексияи нақлиётии назди Вазорати наклиёти Ҷумҳурии Тоҷикистон ба миқдори 20 воҳид, аз ҷумла дастгоҳи марказӣ 12 воҳид ва шӯъбаҳои тобеи он 8 воҳид ихтисор карда шавад.

2. Сархати якуми банди 2 қарори Ҳукумати Ҷумҳурии Тоҷикистон аз 11 июни соли 2001 № 252 "Дар бораи Инспексияи нақлиётии назди Вазорати нақлиёти Ҷумҳурии Тоҷикистон" дар таҳрири зайл ифода карда шавад:

"Шумораи ниҳоии кормандони Инспексияи нақлиётии назди Вазорати нақлиёти Ҷумҳурии Тоҷикистон ба миқдори 230 воҳид (бе ҳайати хизматрасон), аз он ҷумла дастгоҳи марказӣ ба миқдори 44 воҳид муқаррар карда шавад".