Бо Қарори Ҳукумати ҶТ аз 28.12.2006 с. № 604 бе эътибор дониста шуд.

Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба қарори Ҳукумати Ҷумҳурии Тоҷикистон аз 7 августи соли 1997 № 349 "Дар бораи Вазорати фарҳанги Ҷумҳурии Тоҷикистон"

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукуматп Ҷумҳурии Тоҷикистон қарор мекунад:

1. Шумораи кормандони ҳайати хизматрасони дастгоҳи марказии Вазорати фарҳанги Ҷумҳурии Тоҷикистон ба микдори 3 воҳид ихтисор карда шавад.

2. Ба қарори Ҳукумати Ҷумҳурии Тоҷикистон аз 7 августи соли 1997 № 349 "Дар бораи Вазорати фарҳанги Ҷумҳурии Тоҷикистон" тағйиротҳои зерин ворид карда шаванд:

банди 2 дар таҳрири зерин ифода карда шаванд:

"Сохтори дасггоҳи марказии Вазорати фарҳанги Ҷумҳурии Тоҷикистон дар таҳрири нав мувофиқи замима тасдиқ карда шавад".

сархати аввали банди 2 дар таҳрири зайл ифода карда шавад:

"Шумораи ниҳоии кормандони дастгоҳи марказии Вазорати фарҳанги Ҷумҳурии Тоҷикистон ба миқдори 65 воҳид (бе ҳайати хизматрасон) муқаррар карда шавад".

Сохтори дастгоҳи марказии Вазорати фарҳанги Ҷумҳурии Тоҷикистон

1. Роҳбарият

2. Раёсати санъат

3. Раёсати фарҳанг

4. Раёсати табъу нашр ва матбуот

5. Раёсати иқтисод ва банақшагирӣ

6. Раёсати танзими техникӣ ва хизматрасонӣ

7. Шӯъбаи ҳисоботи муҳосибавӣ ва баҳисобгирӣ

8. Шӯъбаи котибот ва матбуот

9. Шӯъбаи илм, муассисаҳои таълимӣ ва пешгӯӣ намудани кадрҳо

10. Шӯъбаи робитаҳои байналмилалӣ

11. Шӯъбаи ҳуқуқ, ҳифзи муаллиф ва ҳуқуқҳои вобаста

12. Шӯъбаи ҳифзи ёдгориҳои таърихӣ ва фарҳангӣ