Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 1 қарори Ҳукумати Ҷумҳурии Тоҷикистон аз 31 декабри соли 2003 № 583 "Дар бораи тамғаҳои аксизӣ барои маҳсулоти тамоку ва машрубот" калимаҳои "Тартиби замимагардидаи" ба калимаҳои "Қоидаҳои замимагардидаи" иваз карда шаванд.

2. Ба Тартиби фурӯш ва истифодаи тамғаҳои аксизӣ барои маҳсулоти тамоку ва машрубот, ки бо қарори Ҳукумати Ҷумҳурии Тоҷикистон аз 31 декабри соли 2003 № 583 "Дар бораи тамғаҳои аксизӣ барои маҳсулоти тамоку ва машрубот" тасдиқ шудааст, тағйиру иловаҳои зайл ворид карда шаванд:

- дар ном ва матн калимаи "Тартиб" ба калимаи "Қоидаҳои" иваз карда шавад;

- дар банди 6 баъди калимаҳои "воридкунандагони мол" калимаҳои "то ворид кардани онҳо ба қаламрави гумруки Ҷумҳурии Тоҷикистон" илова карда шаванд;

- аз банди 8 сархатҳои якум ва дуюм хориҷ карда шаванд.

3. Дар матни русии банди 6 қарори Ҳукумати Ҷумҳурии Тоҷикистон аз 31 декабри соли 2004 № 497 "Оид ба назорати истеҳсол ва муомилоти маҳсулотҳои зераксизӣ" калимаи "постановление" ба калимаҳои "пункт 2 постановления" иваз карда шавад.

4.Қарори мазкур аз 1 июли соли 2006 мавриди амал қарор дода шавад.