ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи металлҳои қиматбаҳо ва сангҳои қиматбаҳо"

Моддаи 1. Ба Қонуни Ҷумҳурии Тоҷикистон аз 12 майи соли 2001 "Дар бораи металлҳои қиматбаҳо ва сангҳои қиматбаҳо" (Ахбори Маҷлиси Олии Ҷумҳурии Тоқикистон, с.2001, №4 мод. 194) тағйиру иловаҳои зайл ворид карда шаванд:

1. Дар моддаи 2:

- сархати чордаҳум дар таҳрири зайл ифода карда шавад:

"истеҳсоли металлҳои қиматбаҳо - ҳосил кардани металлҳои қиматбаҳо аз маъданҳои истихроҷшуда, маҷмӯи маъданҳо, хокаҳои ғанишуда (консентратҳо) ва дигар ниммаҳсулотҳо, инчунин шикасталораҳо ва партовҳое, ки дорои металлҳои қиматбаҳо мебошанд;";

- сархати нуздаҳум дар таҳрири зайл илова карда шавад:

"муомилоти металлҳои қиматбаҳо ва сангҳои қиматбаҳо -фаъолияти вобаста ба даст овардани натиҷаи ниҳоии маҳсулот, холис кардани металлҳои қиматбаҳо ва рекуперсатсияи сангҳои қиматбаҳо, аз аҳолӣ харидани маснуоти заргарӣ ва дигар маснуоти аз металлу сангҳои қиматбаҳо сохташудаи рӯзгор ва шикастапораҳои онҳо, хариду фурӯши яклухт ва чакана, инчунин гузаронидани амалиёти бонкӣ бо металлҳои қиматбаҳо ва сангҳои қиматбаҳо;".

2. Дар моддаи 3:

- дар қисми 3 калимаҳои "иҷозатномаи (литсензияи)" ба калимаи "иҷозатномаи" ва калимаҳои "дар асоси Қонуни Ҷумҳурии Тоҷикистон "Дар бораи сарватҳои зеризаминӣ" дода шудааст" ба калимаҳои "дар асоси Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" дода шудаанд" иваз карда шаванд;

- аз қисми 4 калимаҳои "дар литсензияҳо барои истихроҷи онҳо," хориҷ карда шаванд;

- ҷумлаи якуми сархати дуюми қисми 5 дар таҳрири зайл ифода карда шавад;

"мақомоту ташкилотҳои дорои ваколати махсус барои хариди металлҳои қиматбаҳо ва сангҳои киматбаҳо танҳо ба шарти пешакӣ бастани қарордодҳои хариду фурӯш бо субъектҳои истихроҷ ва истеҳсоли металлҳои қиматбаҳо (дар мӯҳлати на камтар аз се моҳ то рӯзи пешбинишудаи харид) ва бо субъектҳои истихроҷи сангҳои қиматбаҳо (дар мӯҳлати на камтар аз панҷ моҳ то рӯзи пешбинишудаи харид) ва додани пешпардохт (байона) аз ҳисоби пардохтпулии шартномавӣ аз ҳуқуқи имтиёзноки харид истифода бурда метавонанд. Ҳуқуқи хариди имтиёзнок ба мақомои ташкилотҳои зикрёфта дар доираи маблағе, ки Қонуни Ҷумҳурии Тоҷикистон "Дар бораи буҷети давлатии Ҷумҳурии Тоҷикистон" ҳар сол муайян мекунад, дода мешавад."

3. Дар моддаи 4:

- дар қисми 1 калимаҳои "ҳамин конун ва қонунҳои дигар" ба калимахои "Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" иваз карда шаванд калимаи "(литсензия)" хориҷ карда шавад;

- дар қисми 3 баъди калимаҳои "Ҷумҳурии Тоҷикистон" калимаҳои "инчунин бо корҳонаҳои ваколатдори истихроҷ ва коркарди маъдан" илова карда шаванд.

4. Дар моддаи 10:

- сархати ҳафтуми қисми 2 дар таҳрири зайл баён карда шавад;

"ичозатномадиҳии фаъолияти вобаста бо муомилоти металлҳои қиматбаҳо ва сангҳои қиматбаҳо;".

5. Дар моддаи 11:

- банди 4 хориҷ карда шавад;

- сархати ёздаҳуми банди 5 бо мазмуни зайл илова карда шавад:

"тартиби хариди шикастапораҳо ва партовҳои металлҳои қиматбаҳо, маснуот аз онҳо, инчунии сангҳои қиматбаҳои қаблан истифодашуда;".

6. Дар моддаи 12:

- банди чоруми қисми 2 дар таҳрири зайл баён карда шавад:

"экспертиза ва ташхиси назоратии сангҳои киматбаҳо";

- банди ҳафтуми қисми 2 дар таҳрири зайл ифода карда шавад:

"7) экспертиза, ташхис ва баҳодиҳии шикастапораҳои металлҳои қиматбаҳо, маснуоти заргар) ва дигар маснуоти аз металлҳои қиматбаҳо ва сангҳои қиматбаҳо тайер кардашуда;".

7. Моддаи 14 дар таҳрири зайл баён карда шавад:

"Моддаи 14. Иҷозатномадиҳӣ барои истифодаи сарватҳои зеризаминӣ, конҳои металлҳои қиматбаҳо ва сангҳои қиматбаҳо ва фаъолияти вобаста ба муомилоти металлҳои қиматбаҳо сангҳои қиматбаҳо

Иҷозатномадиҳӣ барои истифодаи сарватҳои зеризаминӣ, конҳои металлҳои қиматбаҳо сангҳои қиматбаҳо ва фаъолияти вобаста ба муомилоти металлҳои қиматбаҳо ва сангҳои қиматбаҳо тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" анҷом дода мешавад.".

8. Моддаҳои 15, 16, 17, 18 хориҷ карда шаванд.

9. Дар моддаи 19:

- аз қисми 3 калимаҳои "иҷозатномаҳо ва" хориҷ карда шаванд.

10. Дар моддаи 24:

- дар қисми 1 калимаи "давлат" ба калимаҳои "субъекти истихроҷи онҳо" иваз карда шавад;

- сархати якуми қисми 2 дар таҳрири зайл ифода карда шавад:

"2. Аз ҳудуди Ҷумҳурии Тоҷикистон баровардани маъдан, хокаҳои ғанишудаи ашёи хом маводи дорои металлҳои қиматбаҳо ва сангҳои киматбаҳо танҳо дар холати набудани иқтидори саноатӣ ва технологияи коркарди фоидаовари онҳо дар дохили кишвар, ки аз тарафи Ҳукумати Ҷумҳурии Тоҷикистон муайян мешавад, амалӣ мегардад.";

- қисми 3 хориҷ карда шавад.

11. Дар моддаи 26:

- дар сархати якум ва чоруми қисми 2 калимаи "ревизия" ба калимаи "тафтиш" иваз карда шавад.

12. Дар моддаи 28:

- дар сархати дуюми қисми 1 калимаҳои "сигнализатсия ва алоқа" ба калимахои "асбобҳои махсуси садодиҳанда ва алоқа" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.