ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ФАЪОЛИЯТИ ОБУҲАВОШИНОСӢ"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи фаъолияти обуҳавошиносӣ" (Ахбори Маҷлиси Олии Ҷумҳурии Тоҷикистон, соли 2002, №11, мод.741) тағйироти зайл ворид карда шаванд:

1. Сархати ҳаштуми моддаи 5 хориҷ карда шавад.

2. Дар моддаи 7:

аз сархати чорум калимаҳои "ва ба ҳолати муҳити зист дар асоси иҷозатнома (литсензия) мушоҳида мекунанд" хориҷ карда шаванд;

сархати ҳафтум хориҷ карда шавад.

3. Моддаи 11 дар таҳрири зайл баён карда шавад:

"Моддаи 11. Иҷозатномадиҳии фаъолияти обуҳавошиносӣ

Иҷозатномадиҳии фаъолияти обуҳавошиносии субъектҳое, ки ба сохтори давлатии обуҳавошиносии Ҷумҳурии Тоҷикистон дохил намешаванд, тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" амалӣ карда мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.