ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ АЛОҚАИ БАРҚӢ"

Моддаи 1. Ба Қонуни Ҷумҳурии Тоҷикистон аз 10 майи соли 2002 "Дар бораи алоқаи барқӣ" (Ахбори Маҷлиси Олии Ҷумҳурии Тоҷикистон, с. 2002, № 4, қисми 2, мод.323) тағйиротҳои зайл ворид карда шаванд:

1. Дар қисми якуми моддаи 10:

- сархати якум хориҷ карда шавад.

- аз сархати ҳаштум калимаҳои "бо дарназардошти таъмини маҷбурии иҷрои муқаррароти иҷозатнома аз тарафи иҷозатномадиҳанда бо роҳи андешидани чораҳо мувофиқи қонунгузории ҷорӣ" хориҷ карда шаванд.

2. Аз қисми сеюми моддаи 15 калимаҳои "мутобиқи Қонуни мазкур" хориҷ карда шаванд.

3. Дар моддаи 16:

- қисми якум дар таҳрири зайл баён карда шавад:

"Иҷозатномадиҳии фаъолият дар соҳаи алоқаи барқӣ мувофиқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" амалӣ карда мешавад.";

- қисмҳои шашум ва ҳафтум хориҷ карда шаванд.

Моддаи 2. Қонуни мазкур пас аз интишори расмиаш мавриди амал қарор дода шавад.