ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ФАЪОЛИЯТИ ОПЕРАТИВӢ-ҶУСТУҶӯӢ"

Моддаи 1. Ба Қонуни Ҷумҳурии Тоҷикистон аз 23 майи соли 1998 "Дар бораи фаъолияти оперативӣ-ҷустуҷӯӣ" (Ахбори Маҷлиси Олии Ҷумҳурии Тоҷикистон, соли 1998, № 10, моддаи 146; соли 1999, № 11, моддаи 278; соли 2003, № 8, моддаи 453) тағйироти зайл ворид карда шавад:

1. Дар матни Қонун рақамгузории бобҳо бо рақамҳои араби ишора карда шуда, калимаи "байналхалқӣ" бо калимаи "байналмилалӣ" иваз карда шавад.

2. Дар қисми якуми моддаи 4 калимаҳои "санадҳои меъёри-ҳуқуқии" ба калимаҳои "санадҳои меъёрии ҳуқуқӣ" иваз карда шаванд.

3. Қисми ҳафтуми моддаи 6 дар таҳрири зайл ифода карда шавад:

"Иҷозатномадиҳи оид ба коркард, истеҳсол, фурӯш, ба даст овардани воситаҳои махсуси техникии барои гирифтани маълумотҳои махфӣ таъиншуда бо мақсади фурӯш ва воридот ба Ҷумҳурии Тоҷикистон, содирот берун аз ҳудуди он ба шахсони воқеӣ ва ҳуқуқӣ, ки барои амали намудани фаъолияти оперативӣ-ҷустуҷӯӣ ваколатдор нестанд, тибқи тартиби муқаррарнамудаи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" ба амал бароварда мешавад.".

4. Сархати ҳафтуми қисми якуми моддаи 13 дар таҳрири зайл баён карда шавад:

"воҳидҳои оперативии Гвардияи миллии Ҷумҳурии Тоҷикистон.".

5. Дар банди 3 қисми якуми моддаи 15 калимаи "васоити" ба калимаи "воситаҳои" иваз карда шавад.

6. Дар қисми дуюми моддаи 19 калимаҳои "Мақомоти ҳокимияти давлатии маҳаллӣ" ба калимаҳои "Мақомоти маҳаллии ҳокимияти давлатӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.