ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ МАҚОМОТИ АМНИЯТИ ДАВЛАТӢ"

Моддаи 1. Қисми панҷуми моддаи 23 Қонуни Ҷумҳурии Тоҷикистон аз 22 майи соли 1998 "Дар бораи мақомоти амнияти давлатӣ" (Ахбори Маҷлиси Олии Ҷумҳурии Тоҷикистон, соли 1998, № 10, мод. 107; № 23-24, мод. 358; с. 2000, № 11, мод. 519 ва 529; с. 2001, № 4, мод. 134) дар таҳрири зайл ифода карда шавад:

"Таъминоти пулии кормандони мақомоти амнияти давлатӣ аз маоши моҳонаи вазифавӣ ва маоши моҳона барои рутбаи ҳарбӣ, ки маоши моҳонаи таъминоти пулии кормандони мақомоти амнияти давлатиро ташкил медиҳад ва аз иловапулӣ барои собиқаи хизмат иборат мебошад. Андоза ва тартиби пардохти таъминоти пулии кормандони мақомоти амнияти давлатӣ аз тарафи Президенти Ҷумҳурии Тоҷикистон муқаррар карда мешавад.".

Моддаи 2. Қонуни мазкур аз 1 апрели соли 2006 мавриди амал қарор дода шавад.