ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ЭНЕРГЕТИКА"

Моддаи 1. Ба Қонуни Ҷумҳурии Тоҷикистон аз 29 ноябри соли 2000 "Дар бораи энергетика" (Ахбори Маҷлиси Олии Ҷумҳурии Тоҷикистон, соли 2000, №11, мод. 504) тағйироти зайл ворид карда шаванд:

1. Қисми дуюми моддаи 5 дар таҳрири зайл баён карда шавад:

"Иҷозатномадиҳии фаъолият дар соҳаи энергетика тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" анҷом дода мешавад.".

2. Сархати панҷуми моддаи 6 хориҷ карда шавад.

3. Сархати ҳафтуми қисми панҷуми моддаи 7 дар таҳрири зайл баён карда шавад:

"амали намудани назорат оид ба риояи шарту талаботи иҷозатномавӣ;".

Моддаи 2. Қонуни мазкур пас аз интишори расмӣ мавриди амал қарор дода шавад.