ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ТУХМИПАРВАРӢ"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи тухмипарварӣ" (Ахбори Маҷлиси Олии Ҷумҳурии Тоҷикистон, соли 2002, №11, мод. 693) тағйироти зерин ворид карда шаванд:

1. Дар моддаи 17:

- қисмҳои дуюм, сеюм дар таҳрири зайл баён карда шаванд:

"Фаъолияти истеҳсоли тухмии элита ва репродуктивӣ аз ҷониби шахсони воқеӣ ва ҳуқуқӣ дар асоси иҷозатнома (литсензия) амали карда мешавад.

Иҷозатнома (литсензия) барои фаъолияти истеҳсоли тухмии элита ва репродуктивӣ бо тартиби муқаррарнамудаи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" дода мешавад.";

- қисмҳои чоруму панҷум хориҷ карда шуда, қисми шашум қисми чорум ҳисоб карда шавад.

2. Моддаи 30 хориҷ карда шавад.

3. Аз сархати сеюми қисми якуми моддаи 35 калимаҳои ", инчунин оиди фурӯши тухмӣ" хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.