ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ШАРТНОМАҲОИ БАЙНАЛМИЛАЛИИ ҶУМҲУРИИ ТОҶИКИСТОН"

Моддаи 1. Ба Қонуни Ҷумҳурии Тоҷикистон аз 11 декабри соли 1999 "Дар бораи шартномаҳои байналмилалии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, соли 1999, № 12, мод. 348; соли 2001, №7, мод. 484) тағйиру иловаҳои зерин ворид карда шаванд:

1. Дар моддаи 2 ва минбаъд дар тамоми матни Қонуни амалкунанда калимаи "имзокунии" ба калимаи "имзои" иваз карда шавад.

2. Дар моддаи 3:

дар банди якум пас аз калимаҳои "мақоми дигари идоракунии давлати (шартномаи байниидорави)" калимаҳои "бо розигии Ҳукумати Ҷумҳурии Тоҷикистон" илова карда шаванд;

дар банди дуюм баъд аз калимаҳои "дар бораи ба" калимаи "имзокуни" ба калимаи "имзо" иваз карда шавад;

зербанди "а)" - и банди сеюм дар таҳрири зайл ифода карда шавад:

"а) "тасдиқ" - тарзи изҳори ризоияти Ҷумҳурии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон ба ҳатми будани шартномаи байналмилали, ки аз тарафи намояндаи ваколатдори он ба имзо расидааст ва тарзи изҳори ризоияти Ҷумҳурии Тоҷикистон ба ҳатми будани шартномаи байналмилали, ки ба ҷуз имзо тарзи дигари тасдиқи иловагии онро пешбини мекунад.".

3. Дар моддаи 4:

дар қисми якум калимаи "ҷузъи" ба калимаи "қисми" иваз карда шавад;

қисми дуюм дар таҳрири зайл ифода карда шавад:

"Агар қонунҳои ҷумҳури ба санадҳои ҳуқуқии байналмилалии эътирофшуда мутобиқат накунанд, меъёрҳои шартномаҳои байналмилали амал мекунанд.".

4. Дар қисми сеюми моддаи 6 пас аз калимаи "вазифаҳояшон" пайвандаки "ва" хориҷ карда шавад.

5. Дар моддаи 7, қисми якуми моддаи 9, моддаи 10 ва қисми якуми моддаи 25 калимаҳои "Маҷлиси намояндагон" ба калимаҳои "Маҷлиси намояндагони Маҷлиси Олии Ҷумҳурии Тоҷикистон" иваз карда шаванд.

6. Дар моддаи 8:

банди ҳаштуми қисми якум дар таҳрири зайл ифода карда шавад:

"8. Шартномаҳо дар бораи додугирифти қарзҳои давлати, ёрии иқтисоди, имтиёзҳои андозбанди ва кӯмакҳои дигар бо давлатҳои хориҷи;";

банди понздаҳуми қисми якум дар таҳрири зайл ифода карда шавад:

"15. Шартномаҳои байналмилалии Ҷумҳурии Тоҷикистон, ки тарафҳо ҳангоми бастани онҳо оид ба тартиби тасдиқи минбаъдаашон (ратификатсия) қарор қабул кардаанд.";

қисми дуюм хориҷ карда шавад.

7. Дар қисми чоруми моддаи 16 калимаҳои "рад кардани" ба калимаҳои "эътироз нисбати" иваз карда шаванд.

8. Қисми дуюми моддаи 23 дар таҳрири зайл ифода карда шавад:

"Назорати умумии иҷрои шартномаҳои байналмилалии Ҷумҳурии Тоҷикистон, аз ҷумла тарафи кишвари хориҷиро Вазорати корҳои хориҷии Ҷумҳурии Тоҷикистон анҷом медиҳад.".

Моддаи 2. Қонуни мазкур пас аз интишори расми мавриди амал қарор дода шавад.