ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ЯРОҚ"

Моддаи 1. Ба Қонуни Ҷумҳурии Тоҷикистон аз 1 феврали соли 1996 "Дар бораи яроқ" (Ахбори Маҷлиси Олии Ҷумҳурии Тоҷикистон, соли 1996, № 4, мод.57; соли 2001, № 4, мод. 152; соли 2003, № 4, мод. 143; соли 2004, № 12, қ.1, мод. 695; соли 2005, № 3, мод. 115) иловаҳои зайл ворид карда шаванд:

1. Дар қисми якуми моддаи 3 баъди калимаи "бонкҳо" калимаҳои ", Агентии таъмини амволи махсуси назди Вазорати иқтисод ва савдои Ҷумҳурии Тоҷикистон" илова карда шаванд.

2. Дар қисми дуюми моддаи 21 баъди калимаҳои "Агентии назорати маводи нашъаовари назди Президенти Ҷумҳурии Тоҷикистон" калимаҳои "Агентии таъмини амволи махсуси назди Вазорати иқтисод ва савдои Ҷумҳурии Тоҷикистон" илова карда шаванд.

Моддаи 2. Қонуни мазкур пас аз интишори расмӣ мавриди амал Қарор дода шавад.