ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ба тобеияти Агентии таъмини амволи махсуси назди Вазорати иқтисод ва савдои Ҷумҳурии Тоҷикистон гузаронидани заводи таъмиру механикии шаҳри Чкалов

Мутобиқи моддаи 232 Кодекси гражданин Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Заводи таъмиру механикии шаҳри Чкалов аз тобеияти Вазорати саноати Ҷумҳурии Тоҷикистон ба тобеияти Агентии таъмини амволи махсуси назди Вазорати иқтисод ва савдои Ҷумҳурии Тоҷикистон гузаронида шавад.

2. Банди 20 фасли 1 аз Номгӯи корхонаҳои давлатӣ, муассисаҳо ва ҷамъиятҳои саҳомие, ки фаъолиятро дар асоси созишномаҳои дуҷониба бо Вазорати саноати Ҷумҳурии Тоҷикистон анҷом медиҳанд, ки бо қарори Ҳукумати Ҷумҳурии Тоҷикистон аз 4 марти соли 2002 № 87 "Дар бораи Вазорати саноати Ҷумҳурии Тоҷикистон" тасдиқ шудааст, хориҷ карда шавад.

3. Кумитаи давлатии идораи амволи давлатии Ҷумҳурии Тоҷикистон ба маълумоти баҳисобгири тағйироти дахлдор ворид намояд.