ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ҲИФЗИ ИТТИЛООТ"

Моддаи 1. Ба Қонуни Ҷумҳурии Тоҷикистон аз 2 декабри соли 2002 "Дар бораи ҳифзи иттилоот" (Ахбори Маҷлиси Олии Ҷумҳурии Тоҷикистон, соли 2002, №11, моддаи 696) тағйироти зайл ворид карда шавад:

1. Аз сархати шашуми қисми якуми моддаи 9 калимаҳои "барои ҳуқуқи ба ҷо овардани корҳои хизматрасонӣ" хориҷ карда шаванд.

2. Моддаи 10 дар таҳрири зайл баён карда шавад:

"Моддаи 10. Иҷозатномадиҳии (литсензиякунонии) фаъолият дар соҳаи ҳифзи иттилоот

Иҷозатномадиҳии (литсензиякунонии) фаъолият дар соҳаи ҳифзи иттилоот тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" анҷом дода мешавад".

3. Аз сархати чоруми қисми панҷуми моддаи 15 калимаҳои "ва додани иҷозатномаҳо" хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.