Қарори Маҷлиси намояндагони Маҷлиси Олии Ҷумҳурии Тоҷикистон

Оид ба қабул намудани Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2006"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

1. Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2006" қабул карда шавад.

2. Дурнамои Буҷети давлатии Ҷумҳурии Тоҷикистон барои солҳои 2007-2008 маъқул дониста шавад.

3. Кумитаҳои Маҷлиси намояндагони Маҷлиси Олии Ҷумҳурии Тоҷикистон дар доираи салоҳияти худмазорати иҷрои буҷетро ба роҳ монда, истифодаи мақсадноку самарабахши маблағҳои буҷетиро аз ҷониби маблағгирандагон таҳлил ва ҳангоми зарурат натиҷаи таҳлилро барои барраси ба Маҷлиси намояндагони Маҷлиси Олии Ҷумҳурии Тоҷикистон пешниҳод намоянд.

4. Ҳукумати Ҷумҳурии Тоҷикистон:

- Буҷети давлатии тасдиқшудаи Ҷумҳурии Тоҷикистонро барои соли 2006 аз рӯи даромад ба маблағи 1510000 ҳазор сомони бо назардошти баргардонидани андоз аз арзиши иловашуда ба маблағи 10000 ҳазор сомони ва аз рӯи хароҷот ба маблағи 1542000 ҳазор сомони, бо барзиёдии хароҷот нисбат ба даромад (каср) ба маблағи 42000 ҳазор сомони барои иҷро қабул намояд;

- маблағгузории чорабиниҳои дар буҷет пешбинишударо дар доираи маблағи тасдиқшуда мутаносибан баробари даромади воқеи таъмин намояд;

- ҳангоми қабул намудани қарорҳое, ки дар дурнамои миёнамӯҳлат аз ҳисоби захираҳои молиявии давлат маблағгузориро талаб менамоянд, нишондиҳандаҳои пешбининамудаи дурнамои Буҷети давлатии Ҷумҳурии Тоҷикистонро барои солҳои 2007-2008 ба инобат гирад;

- барои кам кардани бақияпулии корхона ва ташкилотҳо оид ба пардохти андози солҳои гузашта бо назардошти зарурати кандани қарзи то 1 январи соли 2006 ҷамъгардидаи ташкилотҳои буҷети дар назди ташкилотҳо - кредиторҳо, сарфи назар аз шакли моликият, чораҳо андешад;

- истифодаи мақсадноки маблағҳои фонди инноватсионии Ширкати саҳҳомии холдингии кушодаи "Барқи тоҷик"-ро аз тарафи Вазорати энергетикаи Ҷумҳурии Тоҷикистон ва 60 фоизи маблағи аз додани сертификат бадастомада, ки ба ихтиёри Агентии стандартизатсия, метрология, сертификатсия ва бозрасии савдои назди Вазорати иқтисод ва савдои Ҷумҳурии Тоҷикистон мононда мешавад, аз тарафи Агентии мазкур таъмин намояд;

- оид ба пардохти музди истифодаи барқ, газ, алоқа, хизматрасонии коммунали ва дигар хизматрасониҳо аз тариқи бонкҳои Ҷумҳурии Тоҷикистон чораҳо андешад;

- тавассути воситаҳои ахбори омма дар ҳар се моҳ оид ба рафти иҷрои Буҷети давлатии Ҷумҳурии Тоҷикистон барои соли 2006 ахбор диҳад.

5. Бонки миллии Тоҷикистон:

- якҷоя бо Бонки давлатии амонатгузории Ҷумҳурии Тоҷикистон "Амонатбонк", Вазорати даромадҳо ва пардохтҳои давлатии Ҷумҳурии Тоҷикистон ва бонкҳои тиҷоратии ҷумҳури аз рӯи меъёрҳои муқаррарнамудаи моддаҳои 4 ва 5 Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2006" андозу даромадҳоро сари вақт ба буҷети ҷумҳурияви ва буҷетҳои маҳалли гузаронад;

- аз рӯи амалиёти вобастаба хизматрасонии ӯҳдадориҳои қарзии Ҷумҳурии Тоҷикистон ба сифати агенти Вазорати молияи Ҷумҳурии Тоҷикистон амал карда, иҷрои ҳисобу китоб ва пардохтҳоро оид ба ӯҳдадориҳои қарзии давлатии Ҷумҳурии Тоҷикистон таъмин намояд;

- барои сари вақт иҷро кардани пардохтҳои асъории Буҷети давлатии Ҷумҳурии Тоҷикистон барои соли 2006 мубодилаи маблағҳои буҷетиро ба асъори хориҷи мувофиқи дархости Вазорати молияи Ҷумҳурии Тоҷикистон аз рӯи қурби расмии бозори байнибонкии асъор таъмин намояд.