ҲУКУМАТИ ҶУМҲУРИИ ТОҶИКИСТОН

ҚAPOP

Дар бораи ворид намудани тағйирот ба Қарори Ҳукумати Ҷумҳурии Тоҷикистон аз 1 октябри соли 2004 № 408

Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 1 октябри соли 2004 № 408 "Дар бораи таъсиси Маркази идораи Лоиҳаи рушди инфраструктураи маҳалли (коммунали) дар Ҷумҳурии Тоҷикистон" тағйироти зерин ворид карда шаванд:

Дар банди 1 қарор сархати дуюми дорои мазмуни зайл илова карда шавад:

"Корхонаи воҳиди давлатии "Хоҷагии манзилию коммунали" агентии иҷроияи Лоиҳаи мазкур муайян карда шавад".

2. Дар Оинномаи Маркази идораи Лоиҳаи рушди инфраструктураи маҳалли (коммунали) дар Ҷумҳурии Тоҷикистон, ки бо қарори мазкур тасдиқ карда шудааст, тағйироти зерин ворид карда шаванд:

Сархати сеюми банди 8 дар таҳрири зайл баён карда шавад:

"ташкили фаъолияти Марказ бо вазорату идораҳо, мақомоти иҷроияи маҳалии ҳокимияти давлати ва ташкилотҳои ғайриҳукуматии манфиатдор ва корхонаи воҳиди давлатии "Хоҷагии манзилию коммунали";

банди 19 дар таҳрири зайл баён карда шавад:

"19. Натиҷаҳои фаъолияти Марказ дар ҳисоботҳои ҳармоҳа, семоҳа ва солона, ки ба Ҳукумати Ҷумҳурии Тоҷикистон, Вазорати молияи Ҷумҳурии Тоҷикистон, Маркази ҳамоҳангсозии кӯмаки берунаи Дастгоҳи иҷроияи Президенти Ҷумҳурии Тоҷикистон, Корхонаи воҳиди давлатии "Хоҷагии манзилию коммунали" ва Бонкн Умумиҷаҳони пешниҳод карда мешаванд, инъикос меёбанд".