ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи таъсиси Муассисаи "Маркази татбиқи Лоиҳаи бақайдгирӣ ва системаи кадастри замин"

Мутобиқи моддаи 52 Кодекси граждании Ҷумҳурии Тоҷикистон ва ҷиҳати таъмини иҷрои Созишномаи гранти бо мақсади тараққиёт, ки байни Ҷумҳурии Тоҷикистон ва Ассотсиатсияи рушди байналмилали аз 16 марти соли 2012, №Н 758 - TJ ба имзо расидааст, Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 02.05.2013 №223):

1. Муассисаи "Маркази татбиқи Лоиҳаи бақайдгирӣ ва системаи кадастри замин" таъсис ва Оинномаи замимагардидаи он тасдиқ карда шавад (қарори Ҳукумати ҶТ аз 02.05.2013 №223).

Мақоми ваколатдори давлатии батанзимдарории муносибатҳои вобаста ба замин агентии иҷроияи Лоиҳаи мазкур муайян карда шавад (қарори Ҳукумати ҶТ аз 02.05.2013 №223).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷоя бо Мақоми ваколатдори давлатии батанзимдарории муносибатҳои вобаста ба замин бинои заруриро барои ҷойгир намудани Муассисаи "Маркази татбиқи Лоиҳаи бақайдгирӣ ва системаи кадастри замин" ва марказҳои кадастри замини минтақавӣ, шаҳрӣ ва ноҳиявии он ҳамчун саҳми Ҳукумати Ҷумҳурии Тоҷикистон ҷудо намояд (қарори Ҳукумати ҶТ аз 02.05.2013 №223).

3. Муассисаи "Маркази татбиқи Лоиҳаи бақайдгирӣ ва системаи кадастри замин" дар мувофиқа бо Мақоми ваколатдори давлатии батанзимдарории муносибатҳои вобаста ба замин, Вазорати молияи Ҷумҳурии Тоҷикистон ва Бонки Умумиҷаҳонӣ сохтор, ҷадвали басти мансабҳо, номгӯи маблағи хароҷотро барои нигоҳдории дастгоҳи Муассисаи "Маркази татбиқи Лоиҳа ва системаи кадастри замин" ва марказҳои минтақавӣ, шаҳрӣ ва ноҳиявии он, таҳия ва тасдиқ намояд (қарори Ҳукумати ҶТ аз 02.05.2013 №223).

4. Мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳо, вазорату идораҳои дахлдор вазифадор карда шаванд, ки барои амалӣ намудани Лоиҳа ба Муассисаи "Маркази татбиқи Лоиҳаи бақайдгирӣ ва системаи кадастри замин" мусоидат намоянд (қарори Ҳукумати ҶТ аз 02.05.2013 №223).