ҲУКУМАТИ ҶУМҲУРИИ ТОҶИКИСТОН
ҚАРОР
Дар бораи таъсиси Муассисаи "Маркази татбиқи Лоиҳаи бақайдгирӣ ва системаи кадастри замин"
(қарори Ҳукумати ҶТ аз 02.05.2013 №223)
Мутобиқи моддаи 52 Кодекси граждании Ҷумҳурии Тоҷикистон ва ҷиҳати таъмини иҷрои Созишномаи гранти бо мақсади тараққиёт, ки байни Ҷумҳурии Тоҷикистон ва Ассотсиатсияи рушди байналмилали аз 16 марти соли 2012, №Н 758 - TJ ба имзо расидааст, Ҳукумати Ҷумҳурии Тоҷикистон қарор мекунад ():
1. Муассисаи "Маркази татбиқи Лоиҳаи бақайдгирӣ ва системаи кадастри замин" таъсис ва Оинномаи замимагардидаи он тасдиқ карда шавад ().
Мақоми ваколатдори давлатии батанзимдарории муносибатҳои вобаста ба замин агентии иҷроияи Лоиҳаи мазкур муайян карда шавад ().
2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷоя бо Мақоми ваколатдори давлатии батанзимдарории муносибатҳои вобаста ба замин бинои заруриро барои ҷойгир намудани Муассисаи "Маркази татбиқи Лоиҳаи бақайдгирӣ ва системаи кадастри замин" ва марказҳои кадастри замини минтақавӣ, шаҳрӣ ва ноҳиявии он ҳамчун саҳми Ҳукумати Ҷумҳурии Тоҷикистон ҷудо намояд ().
3. Муассисаи "Маркази татбиқи Лоиҳаи бақайдгирӣ ва системаи кадастри замин" дар мувофиқа бо Мақоми ваколатдори давлатии батанзимдарории муносибатҳои вобаста ба замин, Вазорати молияи Ҷумҳурии Тоҷикистон ва Бонки Умумиҷаҳонӣ сохтор, ҷадвали басти мансабҳо, номгӯи маблағи хароҷотро барои нигоҳдории дастгоҳи Муассисаи "Маркази татбиқи Лоиҳа ва системаи кадастри замин" ва марказҳои минтақавӣ, шаҳрӣ ва ноҳиявии он, таҳия ва тасдиқ намояд ().
4. Мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳо, вазорату идораҳои дахлдор вазифадор карда шаванд, ки барои амалӣ намудани Лоиҳа ба Муассисаи "Маркази татбиқи Лоиҳаи бақайдгирӣ ва системаи кадастри замин" мусоидат намоянд ().
Раиси
ҲукуматиҶумҳурии Тоҷикистон Э. Раҳмонов
аз 19 сентябри соли 2005 № 354
ш. Душанбе
ҲУКУМАТИ ҶУМҲУРИИ ТОҶИКИСТОН
ҚАРОР
Дар бораи таъсиси муассисаи давлатии "Маркази татбиқи лоиҳаи бақайдгирӣ ва системаи кадастри замин баҳри тараққиёти устувори соҳаи кишоварзӣ"
Мутобиқи моддаи 52 Кодекси граждании Ҷумҳурии Тоҷикистон ва ҷиҳати таъмини иҷрои Созишномаи гранти бо мақсади тараққиёт, ки байни Ҷумҳурии Тоҷикистон ва Ассотсиатсияи рушди байналмилали аз 20 июни соли 2005 № Н 157 TJ ба имзо расидааст, Ҳукумати Ҷумҳурии Тоҷикистон қарор мекунад:
1. Муассисаи давлатии "Маркази татбиқи Лоиҳаи бақайдгири ва системаи кадастри замин баҳри тараққиёти устувори соҳаи кишоварзи" таъсис ва Оинномаи замимагардидаи он тасдиқ карда шавад.
Кумитаи давлатии заминсозии Ҷумҳурии Тоҷикистон агентии иҷроияи Лоиҳаи мазкур муайян карда шавад.
2. Кумитаи давлатии идораи амволи давлатии Ҷумҳурии Тоҷикистон якҷоя бо Кумитаи давлатии заминсозии Ҷумҳурии Тоҷикистон бинои заруриро барои ҷойгир намудани Муассисаи давлатии "Маркази татбиқи Лоиҳаи бақайдгири ва системаи кадастри замин баҳри тараққиёти устувори соҳаи кишоварзи" ҳамчун саҳми Ҳукумати Ҷумҳурии Тоҷикистон ҷудо намояд.
3. Муассисаи давлатии "Маркази татбиқи Лоиҳаи бақайдгири ва системаи кадастри замин баҳри тараққиёти устувори соҳаи кишоварзи" бо мувофиқаи Кумитаи давлатии заминсозии Ҷумҳурии Тоҷикистон, Вазорати молияи Ҷумҳурии Тоҷикистон ва Бонки Умумиҷаҳони сохтор, ҷадвали штати ва сметаи хароҷоти нигаҳдории дастгоҳи Маркази мазкурро таҳия ва тасдиқ намояд.
4. Вазорати молияи Ҷумҳурии Тоҷикистон ҳар сол дар буҷети давлати маблағҳои заруриро барои таъмини саҳми Ҳукумати Ҷумҳурии Тоҷикистон ҷиҳати татбиқи Лоиҳаи бақайдгири ва системаи кадастри замин баҳри тараққиёти устувори соҳаи кишоварзи пешбини намояд.
Раиси
ҲукуматиҶумҳурии Тоҷикистон Э. Раҳмонов
аз 19 сентябри соли 2005 № 354
ш. Душанбе
