ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ САРҲАДИ ДАВЛАТИИ ҶУМҲУРИИ ТОҶИКИСТОН"

Моддаи 1. Ба Қонуни Ҷумҳурии Тоҷикистон аз 1 августи соли 1997 "Дар бораи Сарҳади давлатии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с. 1997, № 15-16, мод. 254; № 23-24, мод. 333; с. 2001, № 4, мод. 197, мод. 203; с. 2002, № 4 қ. 1, мод. 200) тағйиру иловаҳои зерин ворид карда шаванд:

1. Дар қисми дуюми моддаи 17 калимаҳои "дар масофаи 50 километр" ба калимаҳои "дар масофаи 25 километр" иваз карда шаванд.

2. Қисми якуми моддаи 19 дар таҳрири зайл баён карда шавад:

"Ба минтақаи сарҳади дохил шудани шаҳрвандони хориҷӣ ва шахсони бешаҳрвандӣ, бе рухсати Вазорати корҳои хориҷӣ ва мақомоти корҳои дохилӣ манъ мебошад, агар санадҳои меъёрии ҳуқуқии Ҷумҳурии Тоҷикистон тартиби дигарро пешбинӣ накарда бошанд".

Моддаи 2. Қонуни мазкур пас аз интишори расмӣ мавриди амал қарор дода шавад.