ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйиру илова ба Ҳайати Комиссияи Байниидоравии мубориза ба муқобили хариду фурӯши одамон

Мувофиқи моддаи 6 Қонуни Ҷумҳурии Тоҷикистон "Дар бораи мубориза ба муқобили хариду фурӯши одамон" Ҳукумати Ҷумҳурии Тоҷикистон қарор мекунад:

Ба Ҳайати Комиссияи байниидоравии мубориза ба муқобили хариду фурӯши одамон, ки бо қарори Ҳукумати Ҷумҳурии Тоҷикистон аз 4 январи соли 2005 № 5 "Дар бораи Комиссияи байниидоравии мубориза ба муқобили хариду фурӯши одамон" тасдиқ шудааст, тағйиру иловаи зерин ворид карда шаванд:

сархати якум дар таҳрири зерин ифода карда шавад:

"Мудири Шӯъбаи мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон - Раиси Комиссияи байниидорави";

ба рӯйхати аъзои Комиссияи байниидорави сархати дуюм бо мазмуни зерин илова карда шавад:

"Мудири Шӯъбаи кафолатҳои конститутсионии ҳуқуқи шаҳрвандони Дастгоҳи иҷроияи Президенти Ҷумҳурии Тоҷикистон".