Ҳукумати Ҷумҳурии Тоҷикистон

ҚАРОР

Дар хусуси комиссияи кории Ҷумҳурии Тоҷикистон оид ба татбиқи қарорҳо дар хусуси ҳамроҳшавии Ҷумҳурии Тоҷикистон ба Шартномаи таъмиқи ҳамгироӣ дар соҳаҳои иқтисодӣ ва гуманитарӣ аз 29 марти соли 1996 ва ба созишномаҳои Иттиҳоди гумрукӣ

Бо мақсади татбиқи Қарори Шӯрои байнидавлатии Ҷумҳуриҳои Беларусь, Қазоқистон, Қирғизистон ва Федерацияи Россия аз 28 апрели соли 1998 "Дар бораи ҳамроҳшавии Ҷумҳурии Тоҷикистон ба Шартномаи таъмиқи ҳамгироӣ дар соҳаҳои иқтисодӣ ва гуманитарӣ аз 29 марти соли 1996 ва созишномаҳо дар бораи Иттиҳоди гумрукӣ", таъмини иштироки фаъолона ва самарабахши коршиносон дар маҷлисҳои гурӯҳи кории Кумитаи ҳамгироӣ ҷиҳати баррасӣ ва таҳияи лоиҳаи ҳуҷҷатҳо дар доираи Иттиҳоди гумрукӣ, Ҳукумати Ҷумҳурии Тоҷикистон қарор мекунад:

1. Комиссияи кории Ҷумҳурии Тоҷикистон оид ба татбиқи қарорҳо дар хусуси ҳамроҳшавии Ҷумҳурии Тоҷикистон ба Шартномаи таъмиқи ҳамгироӣ дар соҳаҳои иқтисодӣ ва гуманитарӣ аз 29 марти соли 1996 ва ба созишномаҳои Иттиҳоди гумрукӣ дар ҳайати замимагардида таъсис дода шавад.

2. Ба Раиси Комиссия, бо мувофиқаи вазорату идораҳои Ҷумҳурии Тоҷикистон ҳуқуқ дода шавад, ки ба фаъолияти худ дигар кормандони масъулро ҷалб намояд, инчунин ҷиҳати иштироки коршиносон дар маҷлисҳои гурӯҳи кории Кумитаи ҳамгироӣ таклифҳо пешниҳод намояд.

3. Роҳбари комиссия оид ба натиҷаи ҷаласаҳои Кумитаи ҳамгироӣ ба Ҳукумати Ҷумҳурии Тоҷикистон дар хусуси корҳои анҷомдодашуда ахборот диҳад.

Ҳайати комиссияи кории Ҷумҳурии Тоҷикистон оид ба татбиқи қарорҳо дар хусуси ҳамроҳшавии Ҷумҳурии Тоҷикистон ба Шартномаи таъмиқи ҳамгироӣ дар соҳаҳои иқтисодӣ ва гуманитарӣ аз 29 марти соли 1996 ва ба созишномаҳои Иттиҳоди гумрукӣ

Каримов Р. Раиси Кумитаи гумруки назди Ҳукумати Ҷумҳурии Тоҷикистон (Раис)

Махмудов И.И. Муовини аввали вазири иқтисод ва робитаҳои иқтисодии хориҷии Ҷумҳурии Тоҷикистон

Имомназаров А.К. Муовини Раиси Кумитаи гумруки назди Ҳукумати Ҷумҳурии Тоҷикистон (муовини раис)

Маракушина Т.А. Мудири шӯъбаи назорати асъори дастгоҳи иҷроияи Президенти Ҷумҳурии Тоҷикистон (муовини раис)

Зоиров А.А. Муовини Вазири адлияи Ҷумҳурии Тоҷикистон

Хасанов М.Х. Муовини Вазири молияи Ҷумҳурии Тоҷикистон

Давлатов Ш.Ф Мудири сектори шӯъбаи адлияи Дастгоҳи иҷроияи Президенти Ҷумҳурии Тоҷикистон

Наботов М.Ғ. Мудири сектори шӯъбаи мудофиаи Ҷумҳурии Тоҷикистон

Раҳимова М.Т. Сармутахассиси шӯъбаи робита бо кишварҳои ИДМ-и дастгоҳи иҷроияи Президенти Ҷумҳурии Тоҷикистон

Соҳибов Н.Ш. Сармутахассиси шӯъбаи нақлиёт ва алоқаи дастгоҳи иҷроияи Президенти Ҷумҳурии Тоҷикистон

Саидов Н.Ш. Сардори раёсати кор бо ИДМ-и Вазорати корҳои хориҷии Ҷумҳурии Тоҷикистон

Акрамов Р.А. Сардори раёсати сиёсати андозситонӣ ва банақшагирии даромади давлатии Кумитаи андози назди Ҳукумати Ҷумҳурии Тоҷикистон

Хусейнзода У.Ш. Сардори Идораи Вазорати маорифи Ҷумҳурии Тоҷикистон

Нарзикулов Р. Сардори инспекцияи назди Кумитаи ҳифзи сарҳади давлатии назди Ҳукумати Ҷумҳурии Тоҷикистон, полковник

Султонов З.С. Сариқтисодчии Идораи робитаҳои молиявии байналхалқии Бонки миллии Тоҷикистон

Имомов С.И. Сардори Идораи ҳуқуқии Вазорати корҳои хориҷии Ҷумҳурии Тоҷикистон

Саидов А.С. Сардори Идораи назорати техникии назди Кумитаи оид ба телевизион ва радиошунавонии назди Ҳукумати Ҷумҳурии Тоҷикистон