ҚОНУНИ ҶУМҲУРИИ ТОҶИКИСТОН

"ДАР БОРАИ ВОРИД НАМУДАНИ ИЛОВАҲО БА КОДЕКСИ ИҶРОИ ҶАЗОИ ҶИНОЯТИИ ҶУМҲУРИИ ТОҶИКИСТОН"

Моддаи 1. Ба Кодекси иҷрои ҷазои ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 6 августи соли 2001 (Ахбори Маҷлиси Олии Ҷумҳурии Тоҷикистон, соли 2001, № 7, мод. 505; соли 2003, № 12, мод. 683; соли 2004, № 7, мод. 455) қабул гардидааст, иловаҳои зерин ворид карда шаванд:

1. Дар қисми 2 моддаи 78 баъд аз калимаҳои "махсусан хавфнок;" калимаҳои "маҳкумшудагоне, ки якумра аз озоди маҳрум сохта шудаанд;" илова карда шаванд.

2. Ба банди "б" қисми 3 моддаи 80 баъди калимаҳои "ки барояшон" калимаҳои "ҷазои якумра аз озоди маҳрум сохтан таъин гардидааст ё" илова карда шаванд.

3. Ба банди "б" қисми 1 моддаи 100 баъди калимаҳои "дар намуди" калимаҳои "якумра аз озоди маҳрум сохтан таъин гардидааст ё" илова карда шаванд.

4. Ба моддаи 113 қисми 5 бо мазмуни зайл илова карда шавад:

"5. Маҳбусоне, ки ҷазои якумра аз озоди маҳрум сохтанро адо мекунанд, омодагии касбиро бевосита дар истеҳсолот мегиранд.".

5. Ба қисми 1 моддаи 133 баъди калимаҳои "ки барояшон" калимаҳои "ҷазои якумра аз озоди маҳрум сохтан таъин гардидааст ё" илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.