ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи балансҳои барҳамдиҳии Ҷамъияти саҳомии шакли кушодаи "Тоҷикдеҳоткимиё" ва Ширкати давлатии холдингии "Ғалла"

Мутобиқи қарори Ҳукумати Ҷумҳурии Тоҷикистон аз 5 феврали соли 2003 № 52 "Оид ба тадбирҳои татбиқи Фармони Президенти Ҷумҳурии Тоҷикистон аз 18 январи соли 2003 № 964 "Дар бораи баъзе тағйиротҳо дар системаи идораи давлати" Ҳукумати Ҷумҳурии Тоҷикистон қарор мекунад:

1. Баланси барҳамдиҳии Ҷамъияти саҳомии шакли кушодаи "Тоҷикдеҳоткимиё" аз рӯи дорои ва маҷмӯи қарзҳо то 1 майи соли 2003 ба маблағи 13489442 сомони, аз ҷумла қарзи дебитори ба маблағи 13394527 сомони, қарзи кредитори ба маблағи 13402494 сомони қарзи бонки ба маблағи 16328 сомони ва баланси барҳамдиҳии Ширкати давлатии холдингии "Ғалла" аз рӯи дорои ва маҷмӯи қарзҳо то 1 майи соли 2003 ба маблағи 55378658 сомони, аз ҷумла қарзи дебитори ба маблағи 13441538 сомони, қарзи кредитори ба маблағи 54481996 сомони тасдиқ карда шавад.

2. Воситаҳои асоси ва гардон, қарзҳои дебитори ва кредитори, қарзи бонки ва дигар амвол, инчунин ҳуҷҷатҳои Ҷамъияти барҳамдодашудаи саҳомии шакли кушодаи "Тоҷикдеҳоткимиё" ба Корхонаи давлатии муҳофизати растаниҳо ва химикунонии кишоварзи ва Ширкати давлатии холдингии "Ғалла" ба Корхонаи воҳиди давлатии "Ғалла"-и Вазорати кишоварзии Ҷумҳурии Тоҷикистон супорида шавад.

3. Барои рӯёнидани қарзҳои дебитори ва пардохти қарзҳои кредитори дар сохтори Вазорати кишоварзии Ҷумҳурии Тоҷикистон Идораи дорои бо 4 воҳиди шумораи штати таъсис дода, лимити автомашинаи хизмати ба миқдори 1 воҳид ҷудо карда шавад.

4. Маблағгузории Идораи дороии Вазорати кишоварзии Ҷумҳурии Тоҷикистон аз ҳисоби маблағҳои буҷети ҷумҳурияви амали карда шавад.

5. Ба қарори Ҳукумати Ҷумҳурии Тоҷикистон аз 5 майи соли 2004 № 199 "Дар бораи Вазорати кишоварзии Ҷумҳурии Тоҷикистон" тағйироту иловаҳои зайл ворид карда шаванд:

- дар сархати якуми банди 2 рақами "112" ба рақами "116" иваз карда шавад;

- дар сархати сеюми банди 2 рақами "7" ба рақами "8" иваз карда шавад;

- ба Сохтори дастгоҳи марказии Вазорати кишоварзии Ҷумҳурии Тоҷикистон, ки бо қарори дар боло зикршуда тасдиқ карда шудааст, сархати ёздаҳум бо мазмуни зерин илова карда шавад:

"Идораи дорои"