Бо қарори Ҳукумати ҶТ аз 13.03.2015 № 149 аз эътибор соқит дониста шуд.

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи таъсиси филиали Донишгоҳи технологии Тоҷикистон дар шаҳри Кӯлоб

Мутобиқи моддаи 24 Қонуни Ҷумҳурии Тоҷикистон "Дар бораи маориф" Ҳукумати Ҷумҳурии Тоҷикистон қарор мекунад:

1. Дар шаҳри Кӯлоб филиали Донишгоҳи технологии Тоҷикистон таъсис дода шавад.

2. Донишгоҳи технологии Тоҷикистон дар соли 2004 ва солҳои минбаъда дар доираи маблағҳо ва контингенти умуми тайёр намудани 60 мутахассисро дар филиали навтаъсиси шаҳри Кӯлоб таъмин намояд.

3. Вазорати саноати Ҷумҳурии Тоҷикистон дар якҷояги бо Вазорати маорифи Ҷумҳурии Тоҷикистон ҳамаи масъалаҳои ташкилию ҳуқуқиеро, ки ба таъсиси филиали мазкур тааллуқ доранд, ҳал намоянд.