Бо қарори Ҳукумати ҶТ аз 30.03.2010с. № 166 аз эътибор соқит дониста шуд

Ҳукумати Ҷумҳурии Тоҷикистон

КАРОР

Дар бораи ворид намудани тағйироту иловаҳо ба Оинномаи Бонки давлатии амонатгузории Ҷумҳурии Тоҷикистон "Амонатбонк"

Ҳукумати Ҷумҳурии Тоҷикистон қарор мекунад:

Ба Оинномаи Бонки давлатии амонатгузории Ҷумҳурии Тоҷикистон "Амонатбонк", ки бо қарори Ҳукумати Ҷумҳурии Тоҷикистон аз 27 январи соли 1999 № 6 тасдиқ гардидааст, тағйироту иловаҳо зайл ворид карда шаванд:

1. Дар банди 1-и матни тоҷикӣ калимаи "депозитҳо" ба калимаи "амонатҳ" иваз карда шавад.

2. Дар сарсатри дуюм банди 5 калимаҳои "нуқтаҳои ваколатдор" ба калимаҳои "шӯъбаҳо" иваз карда шаванд.

3. Дар бандҳои 5, 19, 32, 39 ва 46-и матни тоҷикӣ калимаи "баланс" ба калимаи "тавозун" иваз карда шавад.

4. Дар сарсатри якуми банди 6 ва банди 7 калимаҳои "нуқтаҳои ваколатдори" ба калимаи "шӯъбаҳо" иваз карда шавад.

5. Дар банди 10-и матни тоҷикӣ калимаҳои "муқаррароти қонун" ба калимаҳои "муқаррарнамудани қонунгузории Ҷумҳурии Тоҷикистон" иваз карда шаванд.

6. Дар банди 11- и матни тоҷикӣ калимаҳои "дар вақту замон" бо калимаҳои "сари вақт" иваз карда шаванд ва баъд аз калимаи "қарзгиранда" калимаи "гарав" илова карда шавад.

7. Дар банди 12-и матни тоҷикӣ калимаҳои "муқаррароти қонуни Ҷумҳурии Тоҷикистон "Дар бораи бонкҳо ва фаъолияти бонкӣ" ва "Дар бораи Бонки миллии Тоҷикистон" ба калимаҳои "Кодекси граждании Ҷумҳурии Тоҷикистон ва дигар қонунҳои Ҷумҳурии Тоҷикистон" иваз карда шаванд.

8. Дар зербанди "в" банди 15-и матни тоҷикӣ калимаи "ставкаҳои" ба калимаи "меъёрҳои" иваз карда шавад.

9. Дар зербанди "а" банди 16-и матни тоҷикӣ калимаҳои "муомилот бо" ба калимаи "ҷойгиркунии" иваз карда шавад.

10. Дар сарсатри дуюми банди 17 пеш аз калимаи "Бонк" калимаҳои "мувофиқи Кодекси граждании Ҷумҳурии Тоҷикистон" илова карда шавад.

11. Дар зербанди "в" банди 19 калимаҳои "қонун, ҷарима намояд" ба калимаҳои "муқаррарнамудаи қонунгузории Ҷумҳурии Тоҷикистон ба фурӯш бароварда, маблағи қарзӣ, асосӣ ва фоизҳои онро барқарор намояд" иваз карда шаванд.

12. Дар банди 20-и матни тоҷикӣ калимаи "Асрори" ба калимаи "Сирри" иваз карда шавад.

13. Дар банди 23-и матни тоҷикӣ калимаи "Садорати" ба калимаи "Раёсати" иваз карда шавад.

14. Дар зербанди "г" банди 37-и матни тоҷикӣ калимаи "депозитҳои" ба калимаи "амонатҳои" иваз карда шавад.

15. Дар банди 39 зербанди "п" дорои мазмуни зайл илова карда шавад:

"Раёсати бонк ба бахшҳои вилоятию минтақавӣ ва шӯьбаҳои шаҳрию ноҳиявӣ ҳуқуқи кредит доданро медиҳад".

16. Дар сарсатри дуюми банди 43-и матни тоҷикӣ калимаи "додгоҳҳо" ба калимаи "судҳ" иваз карда шавад.

17. Дар бандҳои 16 ва 50-и матни тоҷикӣ калимаи "литсензия" ба калимаи "иҷозатнома" иваз карда шавад.