Бо қарори Ҳукумати
Ҷумҳурии Тоҷикистон
аз 4 марти соли 2002 № 91
тасдиқ шудааст
Оинномаи Корхонаи воҳиди давлатии "Тоҷикгаз"
МУҚАРРАРОТИ УМУМӢ
1. Оинномаи мазкур ташкил ва тартиби фаъолияти Корхонаи воҳиди давлатии "Тоҷикгаз"- ро, ки минбаъд "Корхона" номида мешавад, муқаррар менамояд.
2. Мутобиқи қарори Ҳукумати Ҷумҳурии Тоҷикистон аз 11 апрели соли 2001 № 139 Корхона тавассути ҷудо намудани корхонаҳои давлатии хоҷагии газ аз Консерни давлатии "Тоҷиккоммунсервис" таъсис дода шудааст.
3. Ҳуқуқу ӯҳдадориҳои Консерни давлатии азнавташкилшудаи "Тоҷиккоммунсервис" тибқи баланси тақсимотӣ ба Корхона мегузарад.
4. Муассиси Корхона Ҳукумати Ҷумҳурии Тоҷикистон мебошад, ки минбаъд "Муассис" номида мешавад.
5. Номи расмии Корхона ба забони тоҷикӣ:
номи пурра:
-Корхонаи воҳиди давлатии "Тоҷикгаз".
Номи мухтасар:
-КВД "Тоҷикгаз"
Номи расмии Корхона ба забони русӣ:
номи пурра:
- Государственное унитарное предприятие "Тоҷикгаз".
Номи мухтасар:
- ГУП "Тоҷикгаз".
6. Маҳалли ҷойгиршавии Корхона: Ҷумхурии Точикистон, шаҳри Душанбе, хиёбони Рӯдакӣ 6.
МАҚОМИ ҲУҚУҚИИ КОРХОНА
7. Корхона дар асоси Конститутсияи (Сарқонуни) Ҷумҳурии Тоҷикистон, Кодекси граждании Ҷумҳурии Тоҷикистон, дигар санадҳои меъёрию ҳуқуқӣ ва ҳамин Оиннома фаъолият мекунад.
8. Корхона шахси ҳуқуқӣ буда, фаъолияти хоҷагидориро ба амал мебарорад, дорои баланси мустақил, суратҳисоб ва ҳисобҳои дигар дар бонкҳо, мӯҳр бо тасвири рамзҳои давлатии Ҷумҳурии Тоҷикистон ва номи Корхона, бланк ва штамп мебошад.
9. Корхона аз лаҳзаи тибқи тартиби муқарраргардида бақайдгирии давлатӣ мақоми шахси ҳуқуқиро соҳиб мешавад.
10. Корхона аз номи худ ҳуқуқҳои амволӣ ва ҳуқуқҳои шахсии ғайриамволиро ба даст меорад, дорои масъулият мебошад ва ҳақ дорад дар мақомоти судӣ ба сифати даъвогар ва ҷавобгар баромад кунад.
11. Иншоот, таҷҳизот ва амволи таъиноти истеҳсолӣ ва таъиноти дигари хоҷагии газ, ки ба баланси Корхона дода мешаванд, моликияти ҷумҳуриявӣ буда, ба Корхона дар асоси ҳуқуқи пешбурди хоҷагидорӣ марбутанд.
Нисбат ба Корхона ҳуқуқи идораи маҷмӯи саҳмияҳои давлатии ҷамъиятҳои саҳомии шакли кушода (ҶСШК), ки дар хоҷагии газ фаъолиятро анҷом медиҳанд, нигоҳ дошта мешавад.
Муносибатҳои мутақобила байни Корхона ва ҶСШК дар асоси шартномавӣ сурат мегирад.
12. Корхона вобаста ба ӯҳдадориҳояш бо тамоми моликияти худ ҷавобгар мебошад. Корхона вобаста ба ӯҳдадориҳои Муассис ва Муассис низ вобаста ба ӯҳдадориҳои Корхона ҷавобгар намебошанд.
13. Корхона масъалаҳои таъсиси корхонаҳоро ба сифати шахси ҳуқуқӣ бо ҳуқуқи корхонаи фаръӣ ҳал менамояд. Мақсад ва мавзӯи фаъолияти онҳо, таҷдиди сохтор ва барҳамдиҳии онҳоро муайян, инчунин Оинномаҳои онҳоро тасдиқ менамояд, роҳбарони корхонаҳоро таъин мекунад. Назорати тибқи таъинот истифода бурдани амволи ба Корхона додашуда ва ҳифзи онро анҷом медиҳад. Ҳуқуқ дорад амволро гашта гирад ё онро байни дигар шахсони ҳуқуқии таъсисёфта мутобиқи салоҳдиди худ аз нав тақсим намояд, ҳамчунин ҳуқуқ дорад аз истифодаи амволи таҳти пешбурди хоҷагидории Корхона қарордошта қисми даромадро ба даст орад.
Номенклатураи мансабҳои роҳбарони корхонаҳоро, ки аз ҷониби Корхона бо бастани қарордод оид ба кироя ба кор таъин ё аз вазифа озод карда мешаванд, муайян менамояд.
Корхона ҳуқуқ дорад, дар сурати аз ҷониби роҳбар иҷро нанамудани қарордоди басташудаи кироя ба кор роҳбари муваққатии корхонаро таъин намояд.
14. Корхона метавонад филиал ва намояндагиҳоеро таъсис диҳад, ки шахсони ҳуқуқӣ намебошанд, ба онҳо амвол ҷудо намояд ва дар ҳудуди Ҷумҳурии Тоҷикистон ва берун аз он низомномаашонро тасдиқ кунад.
15. Корхона ҳуқуқ дорад якҷоя бо соҳибкорони инфиродӣ, корхонаҳои хориҷӣ ва шахсони ҳуқуқӣ корхонаҳо ва истеҳсолоти муштарак таъсис диҳад, онҳоро сармоягузорӣ намояд.
16. Корхона ҳуқуқ ва манфиатҳои умумии корхонаҳоеро, ки мустақиман тобеи он мебошанд, дар мақомоти ҳокимияти иҷроия дар маҳалҳо (ҳукуматҳо), инчунин дар мақомоти идораи давлатӣ ва ташкилотҳои байналмилалӣ таъмин ва ҳифз менамояд.
МАҚСАД ВА МАВЗӯИ ФАЪОЛИЯТИ КОРХОНА
17. Корхона бо мақсади бо гази табиӣ ва моеъ таъмин намудани истеъмолкунандагон таъсис дода шудааст.
18. Корхона ташкилоти тиҷоратии дорои қобилияти махсуси ҳуқуқӣ, ҳамчунин ҳуқуқу масъулиятҳои шаҳрвандӣ мебошад, ки барои анҷом додани навҳои мухталифи фаъолият заруранд.
Корхона фаъолияти зеринро анҷом медиҳад:
интиқол ва фурӯши гази табиӣ ва моеъ ба истеъмолкунандагоншахсони ҳуқукӣ ва воқеӣ;
- содирот ва воридоти гази табиӣ ва моеъ, таҷҳизот ва технология барои интиқол ва баҳисобгирии газ;
- ташкили системаи интиқоли газ дар қаламрави Ҷумҳурии Тоҷикистон;
- таъмири системаҳхои интиқоли газ ва системаи истифодабарии газ, ҷиҳозонии биноҳои истиқоматӣ, корхонаю муассисаҳо бо таҷҳизоти замонавӣ, асбобҳои ченаки газ;
- сохтмони стансияҳои компрессорӣ барои фурӯши газ ба сифати сӯзишвории воситаҳои нақлиёт.
Корхона вобаста ба фаъолияти зикршуда:
- дар доираи салоҳияти худ самтҳои асосии инкишофи соҳаро муайян менамояд ва барномаҳои рушди онро ба амал мебарорад;
- бо дарназардошти инкишофи муносибатҳои бозаргонӣ шаклу усулҳои нави идоракуниро дар соҳаи газ таҳия менамояд;
- корхоро бо усули навбатдорию экспедитсионӣ ташкил мекунад;
- дар асоси шартномавӣ вазифаҳои фармоишгарро иҷро мекунад;
- маблағгузориҳои асосиро ба таври самаранок истифода мебарад ва назорати истифодаи дурусти онро дар корхонаҳои тобеъ анҷом медихад;
- барои истифодаи самараноки нерӯи истеҳсолии корхонаҳои тобеъ шароити иқтисодӣ, ташкилӣ ва ғайраро фароҳам месозад;
- сатҳи фоиданокиро то 10 % ба ҳамаи намудҳои хизматрасонӣ муайян менамояд;
- тибқи тартиби муқарраргардида фондҳо ва захираҳои муттамаркази Корхонаро ҷиҳати равонасозии онҳо ба самтҳои афзалиятноки рушди хоҷагии газ ташкил намуда, тарбияи кадрҳо, бозомӯзӣ ва такмили ихтисоси онҳоро созмон медиҳад;
- семинарҳо, симпозиумҳо ва конференсияҳо мегузаронад.
19. Тасдиқи нархномаҳо, барои фурӯши гази табиӣ ба аҳолӣ, корхонахои саноатӣ, коммуналӣ ва маишӣ дар асоси қарори Ҳукумати Ҷумҳурии Тоҷикистон аз 14 феврали соли 2001 №75 аз тарафи Агентии давлатии сиёсати зиддимонополӣ ва дастгирии соҳибкории назди Ҳукумати Ҷумҳурии Тоҷикистон, мувофиқи ҳуҷҷатҳои пешниҳоднамудаи КВД "Тоҷикгаз" анҷом дода мешавад.
20. Навъи фаъолияте, ки бояд литсензия карда шавад, баъди тибқи тартиби муқаррарнамудаи қонунгузорӣ гирифтани литсензия ба амал бароварда мешавад.
21. Тибқи тартиби дар Ҷумҳурии Тоҷикистон муқарраргардида ва мувофиқи ҳамин Оиннома Корхона ҳуқуқ дорад, дигар навъи фаъолиятеро, ки қонунгузорӣ манъ накардааст, анҷом диҳад.
22. Даромад бо асъори хориҷӣ, ки Корхона дар натиҷаи фаъолияти иқтисодии хориҷӣ ба даст овардааст, баъди пардохти андоз ба буҷет мувофиқи қонунгузории Ҷумҳурии Тоҷикистон аз ҷониби он мустақилона истифода мегардад.
23. Нигоҳдории дастгоҳи марказии Корхона ҳар сол ба миқдори 2,5% аз ҳисоби маблағгузаронӣ аз арзиши хизматрасонӣ вобаста ба интиқоли гази Ҷумҳурии ӯзбекистон аз ҳудуди Ҷумҳурии Тоҷикистон сурат мегирад. Баробари ин, феҳрести хароҷотҳо барои нигаҳдории дастгоҳи марказӣ ва Фонди музди меҳнат ҳар сол пас аз мувофиқат бо Вазорати молияи Ҷумҳурии Тоҷикистон амалӣ мегардад.
Ҳангоми бо сабабҳои объективӣ тағйир ёфтани ҳаҷми интиқоли гази ӯзбекистон ё хароҷот барои нигоҳдории дастгоҳи марказӣ маблағгузаронии фоизӣ метавонад бо мувофиқаи Муассис тағйир дода шавад.
24. Корхона ҳуқуқ дорад, дар доираи мақсаду вазифаҳои худ ва мувофиқи қонунгузории Ҷумҳурии Тоҷикистон мустақилона фаъолияти иқтисоди хориҷиро анҷом диҳад. Барои ин мақсадҳо Корхона метавонад:
- амалиёти содироту воридотиро амалӣ намояд;
- бо розигии Муассис бо иштироки сармоягузорони хориҷӣ корхонаҳои муштарак ва дигар корхонаҳо таъсис дихад;
- бо ташкилот ва фирмаҳои кишварҳои хориҷӣ ҳамкории илмию техникӣ ва истеҳсолиро анҷом диҳад;
- дар намоишгоҳҳо, ярмаркаҳо ва биржаҳои байналмилалӣ ҳам дар қаламрави Ҷумҳурии Тоҷикистон ва ҳам берун аз он иштирок кунад.
Фонди оинномавии корхона
25. Фонди оинномавии Корхона, аз ҷумла фонди оинномавии корхонаҳои фаръии дар таркиби он шомилбуда 13735290 сомониро ташкил медиҳад. Фонди оинномавии маҷмӯи саҳмияҳои давлатии ҷамъиятҳои саҳомии шакли кушода 9751205 сомониро ташкил медиҳад.
26. Кам кардани Фонди оинномавии Корхона танҳо баъди огоҳонии хаттии ҳамаи кредиторон, ки ҳуқуқ доранд, дар чунин ҳолат қатъ ё иҷрои пеш аз мӯҳлати ӯҳдадориҳои дахлдор ва ҷуброни зарари ба онҳо расонидашударо талаб намоянд, иҷозат дода мешавад.
27. Тағйир додани Фонди оинномавии Корхона тибқи тартиби муқаррарнамудаи қонун иҷозат дода мешавад.
ҲУҚУҚ ВА ВАЗИФАҲОИ МУАССИС, ИДОРАКУНИИ КОРХОНА
28. Муассис ҳуқуқ дорад:
- дар идоракунии умури Корхона иштирок намояд;
- дар бораи фаъолияти Корхона маълумот гирад, аз ҷумла бо маълумоти баҳисобгирии муҳосибавӣ ва ҳисоботӣ, инчунин ҳуҷҷатҳои дигар шинос шавад;
- самтҳои асосии фаъолияти Корхонаро муайян намояд;
- Ба Оинномаи Корхона тағйироту иловаҳо ворид намояд, ҳаҷми фонди оинномавии онро тағйир диҳад;
- роҳбари Корхона ва муовинони ӯро ба вазифа таъин ва аз вазифа озод намояд;
- ҳисоботи молиявии солона ва баланси муҳосибавии Корхонаро тасдиқ кунад, тартиби тақсим намудани фоида ва ҷуброни зарарро муайян созад, ҳисобот ва хулосаи комиссияро тасдиқ намояд;
- дар бораи азнавташкилдиҳӣ е барҳамдиҳии Корхона мувофиқи қонунгузории Ҷумҳурии Тоҷикистон қарор қабул кунад.
Муассис вазифадор аст:
- Фонди оинномавии Корхонаро тибқи тартиб, ҳаҷм ва мӯҳлате, ки дар қонунгузорӣ ва ҳамин Оиннома пешбннӣ шудааст, ташкил диҳад;
- ӯҳдадориҳоеро, ки нисбат ба Корхона тибқи тартиби муқаррарнамудаи қонунгузорӣ ба зимма гирифтааст, иҷро намояд;
- оид ба фаъолияти Корхона маълумоти махфиро ошкор накунад.
29. Мақоми идоракунии Корхона Роҳбарият мебошад, ки онро Директори генералӣ сарварӣ менамояд ва фаъолияташро дар асоси яккасардорӣ анҷом медиҳад. Директори генералӣ, ки бе эътимоднома аз номи Корхона амал мекунад, манфиатҳои онро дар муносибат бо дигар шахсони ҳуқуқӣ ва воқеӣ ҳимоя менамояд.
30. Директори генералии Корхона:
- фаъолияти Корхонаро роҳбарӣ менамояд;
- ӯҳдадориҳоро байни муовинони Директори генералӣ, бо ҳуқуқи ба онҳо интиқол додани як қисми ӯҳдадориҳои худ, тақсим менамояд;
- дар доираи салоҳияти худ фармону фармоиш содир менамояд;
- аз номи Корхона бо дигар шахсони ҳуқуқӣ ва воқеӣ, сарфи назар аз шакли моликият ва маҳалли ҷойгиршавӣ шартномаҳо, созишномаҳо ва дигар санадҳои ҳуқуқиро ба имзо мерасонад;
- аз номи Корхона нисбат ба шахсони ҳуқуқӣ ва воқеӣ эътироз ва даъво пешниҳод мекунад, эътимоднома медиҳад;
- ҳуҷҷатҳои пулӣ, ҳисоботӣ ва дигар ҳуҷҷатҳоро имзо мекунад;
- манфиати Корхонаро дар мақомоти идораи давлатӣ, ташкилотҳои ҷамъиятӣ ва дигар ташкилотҳо ҳимоя менамояд;
- ба сохтори Корхона тағйирот ворид мекунад, теъдод ва хароҷоти нигаҳдории онро тасдиқ менамояд;
- усули пардохти музди меҳнат, навъи мукофотонӣ (подош)-ро оид ба натиҷаҳои сол муайян месозад;
- дар асоси қарордод кормандони Корхонаро ба кор қабул мекунад ва тибқи тартиби муқарраргардида тадбирҳои мукофотонӣ ва муҷозоти интизомиро меандешад;
- қарордодҳо ба имзо мерасонад ва дар мавриди таъин ба мансаб ва озод намудан аз кор мутобиқи номенклатураи кормандони корхонаҳое, ки ба таркиби Корхона шомиланд, фармон содир менамояд;
- тибқи тартиби муқарраргардида оид ба воҳидҳои сохторӣ, ҷадвали штатӣ ва маошҳои хизматии кормандони корхонаҳо низомномаҳоро тасдиқ менамояд.
31. Директори генералии Корхона тибқи тартиби муқарраргардида аз ҷониби Ҳукумати Ҷумҳурии Тоҷикистон ба вазифа таъин ва аз вазифа озод карда мешавад.
Муовини аввал ва муовинони Директори генералии Корхона бо пешниҳоди Директори генералии Корхона аз ҷониби Ҳукумати Ҷумҳурии Тоҷикистон ба вазифа таъин ва аз вазифа озод карда мешаванд.
32. Корхона ба пешбурди фаъолияти хоҷагидории мустақилона ҳуқуқ дорад. Даромаде, ки аз фаъолияти хоҷагидории мустақилона ба даст омадааст, баъд аз пардохти андозҳои пешбининамудаи Кодекси андози Ҷумҳурии Тоҷикистон тибқи тартиби муқарраргардида сарф карда мешавад.
33. Корхона моддаҳои хароҷотро вобаста ба масраф ва даромади семоҳа ва солонаи молиявии Корхона баррасӣ ва тасдиқ намуда, натиҷаи фаъолияти истеҳсолию хоҷагидориро таҳлил менамояд, ҳисоботи семоҳа, солона ва балансҳои муҳосибавиро тасдиқ мекунад.
34. Корхона тибқи тартиби муқаррарнамудаи қонунгузории Ҷумҳурии Тоҷикистон ҳисоботдиҳии озоди муҳосибавию омориро пеш мебарад.
35. Мақоми идораи Корхона Директори генералӣ мебошад, ки ӯ бе эътимоднома аз номи Корхона амал карда, дар муносибат бо дигар ашхоси ҳуқуқӣ ва воқеӣ манфиатҳои Корхонаро намояндагӣ менамояд.
36. Директори генералии Корхона дорои салоҳиятҳои зерин мебошад:
- тасдиқи ҷадвади штатӣ ва сметаи хароҷот барои нигаҳдошти Корхона;
- содир намудани фармон ва дастурҳое, ки иҷрои онҳо барои ҳамаи кормандони Корхона ҳатмианд;
- банақшагирии фаъолияти Корхона бо дарназардошти риояи афзалиятнокии манфиатҳои Корхона;
- муайян намудани сохтори ташкилии Корхона
- қабул намудан ба кор ва аз кор озод кардани кормандони Дастгоҳи марказии Корхона;
- таъин ва аз кор озод намудани роҳбарони корхонаҳои тобеъ;
- муайян намудани шароити меҳнати кормандони Корхона, корхонаҳои тобеъ, филиалҳо ва намояндагиҳо;
- муайян намудани усули пардохти музди меҳнат, навъи мукофот (подош) вобаста ба натиҷаҳои фаъолияти солона;
- таҳия ва тасдиқи низомномаҳо оид ба мукофотпулии ҷорӣ ва дигар шаклҳои мукофотонии моддии кормандони Корхона;
- бастани шартномаҳо, аз ҷумла шартномаҳои меҳнатӣ;
- додани эътимоднома ҳангоми иҷрои фаъолияти молиявию хоҷагии Корхона;
- дар бонкҳо кушодани суратҳисобҳои ҷорӣ ва дигар ҳисобномаҳо, истифодаи ҳуқуқи ихтиёрдории маблағҳои Корхона дар доирае, ки барои анҷом додани фаъолияти хоҷагидории он заруранд.
37. Мувофиқи Қонуни Ҷумҳурии Тоҷикистон дар бораи энергетика Корхона ҳамчун воҳиди мустақили хоҷагидорӣ фаъолияти худро дар асоси шартномаи бо Вазорати энергетикаи Ҷумҳурии Тоҷикистон басташуда амалӣ мегардонад.
АМВОЛ, ФОНДҲО ВА ДАРОМАДИ КОРХОНА
38. Амволи Корхона аз амволе, ки Муассис ба он ҷиҳати пешбурди хоҷагидорӣ таҳвил намудааст, аз ҷумла маҳсулоти дар натиҷаи фаъолияти хоҷагидорӣ истеҳсолнамудаи Корхона, даромадҳои гирифта, саҳмгузории ихтиёрӣ ва хайрияи шахсони ҳуқуҷӣ, маблағҳои дигари дар натиҷаи фаъолияти Корхона бадастомада иборат мебошад.
39. Амволе, ки ба Корхона дар асоси ҳуқуқи пешбурди хоҷагидорӣ марбут аст, моликияти давлатӣ мебошад. Амволи мазкур ҷудонашаванда аст ва наметавонад ба саҳмҳо (ҳиссаҳо, пайҳо) тақсим карда шавад. Корхона ҳуқуқ надорад моликияти ғайриманқули зикршударо фурӯшад, ба гарав монад, ҳамчун саҳм ба сармояи оинномавии ҷамъиятҳои хоҷагидорӣ ва рафоқатҳ гузорад ё бе розигии Муассис онро бо тартиби дигар ихтёрдорӣ намояд. Амволи боқимондаи марбути Корхонаро, ба истиснои ҳолатҳое, ки қонунгузорӣ ё дигар санадҳои ҳуқуқӣ муайян кардаанд, он метавонад мустақилона ихтиёрдорӣ намояд.
40. Даромади Корхона аз ҳисоби фоидаи фаъолияти хоҷагидорӣ, баъд аз супоридани ҳамаи андозҳо ва пардохтҳои ҳатмӣ, хароҷоти истеҳсолӣ, дигар намуди хароҷоти ғайринақшавӣ ташаккул меёбад.
41. Тафтиши ҳолати молиявию хоҷагии Корхона тибқи тартиби муқарраргардида гузаронида мешавад.
42. Корхона ҳуқуқ дорад дар асоси шартномаҳои хоҷагидорӣ фаъолияти истеҳсолию хоҷагидории худро ба роҳ монад.
43.Корхона ва аъзои он метавонанд бино, иморат, таҷҳизот ва дигар амволро барои истифода иҷора гиранд, онҳоро харидорӣ намоянд.
44.Маблағҳои истифоданашуда вобаста ба таъминоти Корхона дар ҷамъбасти кори семоҳа (солона) ҷиҳати пурра намудани фондҳои Корхона (Фонди ҳавасмандгардонии моддӣ, Фонди рушди истеҳсолот, Фонди рушди иҷтимоӣ ва ғайра) ба семоҳаи (соли) оянда гузаронида мешаванд.
45. Фондҳои таъминоти махсуси истифоданашуда (фондҳои истифодабарӣ, ҷамъшаванда ва соҳаи иҷтимоӣ), инчунин фондҳои истифоданашуда (Фонди ҳавасмандгардонии моддӣ, Фонди рушди истеҳсолот, Фонди рушди иҷтимоӣ ва ғ.) оид ба натиҷаи сол ба соли оянда гузаронида мешаванд.
46. Амволи Корхона аз маблағҳои асосӣ ва гардони марбута, инчунин аз фондҳои дигар амволи ба корхона вобасташуда иборат буда, дар мувозинаи (баланси) он инъикос меёбад.
47. Корхона метавонад кредитҳои бонкиро истифода барад ва барои дар мӯҳлати муқарраргардида баргардонидани он ҷавобгар аст.
48. Корхона барои қарзҳои дохилӣ ва беруна, ки дар натиҷаи фаъолияташ ба вуҷуд омадаанд. ҷавобгар буда, пардохт онҳоро таъмин менамояд.
ҚАТЪ ГАРДИДАНИ ФАЪОЛИЯТИ КОРХОНА
49. Қатъ гардидани фаъолияти Корхона дар натиҷаи азнавташкилдиҳӣ ё барҳамдиҳии он рух медиҳад.
50. Азнавташкилдиҳии Корхона метавонад бо қарори Муассис мувофиқи Кодекси граждании Ҷумҳурии Тоҷикистон ба амал бароварда шавад. Ҳангоми азнавташкилдиҳии Корхона ҳамаи ҳуҷҷатҳо тибқи тартиби муайянгардида ба вориси ҳуқуқӣ интиқол дода мешаванд.
51. Барҳамдиҳии Корхона тибқи ҳолат ва тартиби муқаррарнамудаи Кодекси граждании Ҷумҳурии Тоҷикистон сурат мегирад.
52. Амволе, ки баъди қонеъ гардонидани талаботҳои қарздиҳандагон боқӣ мондааст, аз ҷумла аз ҳисоби воситаҳои худӣ харидоришуда, ба баланси Муассис гузаронида мешаванд.
53. Ҳангоми барҳамдиҳии Корхона ҳуҷҷатҳое, ки бояд доимо маҳфуз бошанд, ҳуҷҷатҳои дорои арзиши таърихӣ ва ҳуҷҷатҳо оид ба ҳайати шахсии кормандон тибқи тартиби муқарраргардида барои нигоҳдорӣ ба Бойгонии давлатӣ супорида мешаванд.
Бо қарори Ҳукумати
Ҷумҳурии Тоҷикистон
аз 4 марти соли 2002 № 91
тасдиқ шудааст
Оинномаи Корхонаи воҳиди давлатии "Тоҷикгаз"
МУҚАРРАРОТИ УМУМӢ
1. Оинномаи мазкур ташкил ва тартиби фаъолияти Корхонаи воҳиди давлатии "Тоҷикгаз"- ро, ки минбаъд "Корхона" номида мешавад, муқаррар менамояд.
2. Мутобиқи қарори Ҳукумати Ҷумҳурии Тоҷикистон аз 11 апрели соли 2001 № 139 Корхона тавассути ҷудо намудани корхонаҳои давлатии хоҷагии газ аз Консерни давлатии "Тоҷиккоммунсервис" таъсис дода шудааст.
3. Ҳуқуқу ӯҳдадориҳои Консерни давлатии азнавташкилшудаи "Тоҷиккоммунсервис" тибқи баланси тақсимотӣ ба Корхона мегузарад.
4. Муассиси Корхона Ҳукумати Ҷумҳурии Тоҷикистон мебошад, ки минбаъд "Муассис" номида мешавад.
5. Номи расмии Корхона ба забони тоҷикӣ:
номи пурра:
-Корхонаи воҳиди давлатии "Тоҷикгаз".
Номи мухтасар:
-КВД "Тоҷикгаз"
Номи расмии Корхона ба забони русӣ:
номи пурра:
- Государственное унитарное предприятие "Тоҷикгаз".
Номи мухтасар:
- ГУП "Тоҷикгаз".
6. Маҳалли ҷойгиршавии Корхона: Ҷумхурии Точикистон, шаҳри Душанбе, хиёбони Рӯдакӣ 6.
МАҚОМИ ҲУҚУҚИИ КОРХОНА
7. Корхона дар асоси Конститутсияи (Сарқонуни) Ҷумҳурии Тоҷикистон, Кодекси граждании Ҷумҳурии Тоҷикистон, дигар санадҳои меъёрию ҳуқуқӣ ва ҳамин Оиннома фаъолият мекунад.
8. Корхона шахси ҳуқуқӣ буда, фаъолияти хоҷагидориро ба амал мебарорад, дорои баланси мустақил, суратҳисоб ва ҳисобҳои дигар дар бонкҳо, мӯҳр бо тасвири рамзҳои давлатии Ҷумҳурии Тоҷикистон ва номи Корхона, бланк ва штамп мебошад.
9. Корхона аз лаҳзаи тибқи тартиби муқарраргардида бақайдгирии давлатӣ мақоми шахси ҳуқуқиро соҳиб мешавад.
10. Корхона аз номи худ ҳуқуқҳои амволӣ ва ҳуқуқҳои шахсии ғайриамволиро ба даст меорад, дорои масъулият мебошад ва ҳақ дорад дар мақомоти судӣ ба сифати даъвогар ва ҷавобгар баромад кунад.
11. Иншоот, таҷҳизот ва амволи таъиноти истеҳсолӣ ва таъиноти дигари хоҷагии газ, ки ба баланси Корхона дода мешаванд, моликияти ҷумҳуриявӣ буда, ба Корхона дар асоси ҳуқуқи пешбурди хоҷагидорӣ марбутанд.
Нисбат ба Корхона ҳуқуқи идораи маҷмӯи саҳмияҳои давлатии ҷамъиятҳои саҳомии шакли кушода (ҶСШК), ки дар хоҷагии газ фаъолиятро анҷом медиҳанд, нигоҳ дошта мешавад.
Муносибатҳои мутақобила байни Корхона ва ҶСШК дар асоси шартномавӣ сурат мегирад.
12. Корхона вобаста ба ӯҳдадориҳояш бо тамоми моликияти худ ҷавобгар мебошад. Корхона вобаста ба ӯҳдадориҳои Муассис ва Муассис низ вобаста ба ӯҳдадориҳои Корхона ҷавобгар намебошанд.
13. Корхона масъалаҳои таъсиси корхонаҳоро ба сифати шахси ҳуқуқӣ бо ҳуқуқи корхонаи фаръӣ ҳал менамояд. Мақсад ва мавзӯи фаъолияти онҳо, таҷдиди сохтор ва барҳамдиҳии онҳоро муайян, инчунин Оинномаҳои онҳоро тасдиқ менамояд, роҳбарони корхонаҳоро таъин мекунад. Назорати тибқи таъинот истифода бурдани амволи ба Корхона додашуда ва ҳифзи онро анҷом медиҳад. Ҳуқуқ дорад амволро гашта гирад ё онро байни дигар шахсони ҳуқуқии таъсисёфта мутобиқи салоҳдиди худ аз нав тақсим намояд, ҳамчунин ҳуқуқ дорад аз истифодаи амволи таҳти пешбурди хоҷагидории Корхона қарордошта қисми даромадро ба даст орад.
Номенклатураи мансабҳои роҳбарони корхонаҳоро, ки аз ҷониби Корхона бо бастани қарордод оид ба кироя ба кор таъин ё аз вазифа озод карда мешаванд, муайян менамояд.
Корхона ҳуқуқ дорад, дар сурати аз ҷониби роҳбар иҷро нанамудани қарордоди басташудаи кироя ба кор роҳбари муваққатии корхонаро таъин намояд.
14. Корхона метавонад филиал ва намояндагиҳоеро таъсис диҳад, ки шахсони ҳуқуқӣ намебошанд, ба онҳо амвол ҷудо намояд ва дар ҳудуди Ҷумҳурии Тоҷикистон ва берун аз он низомномаашонро тасдиқ кунад.
15. Корхона ҳуқуқ дорад якҷоя бо соҳибкорони инфиродӣ, корхонаҳои хориҷӣ ва шахсони ҳуқуқӣ корхонаҳо ва истеҳсолоти муштарак таъсис диҳад, онҳоро сармоягузорӣ намояд.
16. Корхона ҳуқуқ ва манфиатҳои умумии корхонаҳоеро, ки мустақиман тобеи он мебошанд, дар мақомоти ҳокимияти иҷроия дар маҳалҳо (ҳукуматҳо), инчунин дар мақомоти идораи давлатӣ ва ташкилотҳои байналмилалӣ таъмин ва ҳифз менамояд.
МАҚСАД ВА МАВЗӯИ ФАЪОЛИЯТИ КОРХОНА
17. Корхона бо мақсади бо гази табиӣ ва моеъ таъмин намудани истеъмолкунандагон таъсис дода шудааст.
18. Корхона ташкилоти тиҷоратии дорои қобилияти махсуси ҳуқуқӣ, ҳамчунин ҳуқуқу масъулиятҳои шаҳрвандӣ мебошад, ки барои анҷом додани навҳои мухталифи фаъолият заруранд.
Корхона фаъолияти зеринро анҷом медиҳад:
интиқол ва фурӯши гази табиӣ ва моеъ ба истеъмолкунандагоншахсони ҳуқукӣ ва воқеӣ;
- содирот ва воридоти гази табиӣ ва моеъ, таҷҳизот ва технология барои интиқол ва баҳисобгирии газ;
- ташкили системаи интиқоли газ дар қаламрави Ҷумҳурии Тоҷикистон;
- таъмири системаҳхои интиқоли газ ва системаи истифодабарии газ, ҷиҳозонии биноҳои истиқоматӣ, корхонаю муассисаҳо бо таҷҳизоти замонавӣ, асбобҳои ченаки газ;
- сохтмони стансияҳои компрессорӣ барои фурӯши газ ба сифати сӯзишвории воситаҳои нақлиёт.
Корхона вобаста ба фаъолияти зикршуда:
- дар доираи салоҳияти худ самтҳои асосии инкишофи соҳаро муайян менамояд ва барномаҳои рушди онро ба амал мебарорад;
- бо дарназардошти инкишофи муносибатҳои бозаргонӣ шаклу усулҳои нави идоракуниро дар соҳаи газ таҳия менамояд;
- корхоро бо усули навбатдорию экспедитсионӣ ташкил мекунад;
- дар асоси шартномавӣ вазифаҳои фармоишгарро иҷро мекунад;
- маблағгузориҳои асосиро ба таври самаранок истифода мебарад ва назорати истифодаи дурусти онро дар корхонаҳои тобеъ анҷом медихад;
- барои истифодаи самараноки нерӯи истеҳсолии корхонаҳои тобеъ шароити иқтисодӣ, ташкилӣ ва ғайраро фароҳам месозад;
- сатҳи фоиданокиро то 10 % ба ҳамаи намудҳои хизматрасонӣ муайян менамояд;
- тибқи тартиби муқарраргардида фондҳо ва захираҳои муттамаркази Корхонаро ҷиҳати равонасозии онҳо ба самтҳои афзалиятноки рушди хоҷагии газ ташкил намуда, тарбияи кадрҳо, бозомӯзӣ ва такмили ихтисоси онҳоро созмон медиҳад;
- семинарҳо, симпозиумҳо ва конференсияҳо мегузаронад.
19. Тасдиқи нархномаҳо, барои фурӯши гази табиӣ ба аҳолӣ, корхонахои саноатӣ, коммуналӣ ва маишӣ дар асоси қарори Ҳукумати Ҷумҳурии Тоҷикистон аз 14 феврали соли 2001 №75 аз тарафи Агентии давлатии сиёсати зиддимонополӣ ва дастгирии соҳибкории назди Ҳукумати Ҷумҳурии Тоҷикистон, мувофиқи ҳуҷҷатҳои пешниҳоднамудаи КВД "Тоҷикгаз" анҷом дода мешавад.
20. Навъи фаъолияте, ки бояд литсензия карда шавад, баъди тибқи тартиби муқаррарнамудаи қонунгузорӣ гирифтани литсензия ба амал бароварда мешавад.
21. Тибқи тартиби дар Ҷумҳурии Тоҷикистон муқарраргардида ва мувофиқи ҳамин Оиннома Корхона ҳуқуқ дорад, дигар навъи фаъолиятеро, ки қонунгузорӣ манъ накардааст, анҷом диҳад.
22. Даромад бо асъори хориҷӣ, ки Корхона дар натиҷаи фаъолияти иқтисодии хориҷӣ ба даст овардааст, баъди пардохти андоз ба буҷет мувофиқи қонунгузории Ҷумҳурии Тоҷикистон аз ҷониби он мустақилона истифода мегардад.
23. Нигоҳдории дастгоҳи марказии Корхона ҳар сол ба миқдори 2,5% аз ҳисоби маблағгузаронӣ аз арзиши хизматрасонӣ вобаста ба интиқоли гази Ҷумҳурии ӯзбекистон аз ҳудуди Ҷумҳурии Тоҷикистон сурат мегирад. Баробари ин, феҳрести хароҷотҳо барои нигаҳдории дастгоҳи марказӣ ва Фонди музди меҳнат ҳар сол пас аз мувофиқат бо Вазорати молияи Ҷумҳурии Тоҷикистон амалӣ мегардад.
Ҳангоми бо сабабҳои объективӣ тағйир ёфтани ҳаҷми интиқоли гази ӯзбекистон ё хароҷот барои нигоҳдории дастгоҳи марказӣ маблағгузаронии фоизӣ метавонад бо мувофиқаи Муассис тағйир дода шавад.
24. Корхона ҳуқуқ дорад, дар доираи мақсаду вазифаҳои худ ва мувофиқи қонунгузории Ҷумҳурии Тоҷикистон мустақилона фаъолияти иқтисоди хориҷиро анҷом диҳад. Барои ин мақсадҳо Корхона метавонад:
- амалиёти содироту воридотиро амалӣ намояд;
- бо розигии Муассис бо иштироки сармоягузорони хориҷӣ корхонаҳои муштарак ва дигар корхонаҳо таъсис дихад;
- бо ташкилот ва фирмаҳои кишварҳои хориҷӣ ҳамкории илмию техникӣ ва истеҳсолиро анҷом диҳад;
- дар намоишгоҳҳо, ярмаркаҳо ва биржаҳои байналмилалӣ ҳам дар қаламрави Ҷумҳурии Тоҷикистон ва ҳам берун аз он иштирок кунад.
Фонди оинномавии корхона
25. Фонди оинномавии Корхона, аз ҷумла фонди оинномавии корхонаҳои фаръии дар таркиби он шомилбуда 13735290 сомониро ташкил медиҳад. Фонди оинномавии маҷмӯи саҳмияҳои давлатии ҷамъиятҳои саҳомии шакли кушода 9751205 сомониро ташкил медиҳад.
26. Кам кардани Фонди оинномавии Корхона танҳо баъди огоҳонии хаттии ҳамаи кредиторон, ки ҳуқуқ доранд, дар чунин ҳолат қатъ ё иҷрои пеш аз мӯҳлати ӯҳдадориҳои дахлдор ва ҷуброни зарари ба онҳо расонидашударо талаб намоянд, иҷозат дода мешавад.
27. Тағйир додани Фонди оинномавии Корхона тибқи тартиби муқаррарнамудаи қонун иҷозат дода мешавад.
ҲУҚУҚ ВА ВАЗИФАҲОИ МУАССИС, ИДОРАКУНИИ КОРХОНА
28. Муассис ҳуқуқ дорад:
- дар идоракунии умури Корхона иштирок намояд;
- дар бораи фаъолияти Корхона маълумот гирад, аз ҷумла бо маълумоти баҳисобгирии муҳосибавӣ ва ҳисоботӣ, инчунин ҳуҷҷатҳои дигар шинос шавад;
- самтҳои асосии фаъолияти Корхонаро муайян намояд;
- Ба Оинномаи Корхона тағйироту иловаҳо ворид намояд, ҳаҷми фонди оинномавии онро тағйир диҳад;
- роҳбари Корхона ва муовинони ӯро ба вазифа таъин ва аз вазифа озод намояд;
- ҳисоботи молиявии солона ва баланси муҳосибавии Корхонаро тасдиқ кунад, тартиби тақсим намудани фоида ва ҷуброни зарарро муайян созад, ҳисобот ва хулосаи комиссияро тасдиқ намояд;
- дар бораи азнавташкилдиҳӣ е барҳамдиҳии Корхона мувофиқи қонунгузории Ҷумҳурии Тоҷикистон қарор қабул кунад.
Муассис вазифадор аст:
- Фонди оинномавии Корхонаро тибқи тартиб, ҳаҷм ва мӯҳлате, ки дар қонунгузорӣ ва ҳамин Оиннома пешбннӣ шудааст, ташкил диҳад;
- ӯҳдадориҳоеро, ки нисбат ба Корхона тибқи тартиби муқаррарнамудаи қонунгузорӣ ба зимма гирифтааст, иҷро намояд;
- оид ба фаъолияти Корхона маълумоти махфиро ошкор накунад.
29. Мақоми идоракунии Корхона Роҳбарият мебошад, ки онро Директори генералӣ сарварӣ менамояд ва фаъолияташро дар асоси яккасардорӣ анҷом медиҳад. Директори генералӣ, ки бе эътимоднома аз номи Корхона амал мекунад, манфиатҳои онро дар муносибат бо дигар шахсони ҳуқуқӣ ва воқеӣ ҳимоя менамояд.
30. Директори генералии Корхона:
- фаъолияти Корхонаро роҳбарӣ менамояд;
- ӯҳдадориҳоро байни муовинони Директори генералӣ, бо ҳуқуқи ба онҳо интиқол додани як қисми ӯҳдадориҳои худ, тақсим менамояд;
- дар доираи салоҳияти худ фармону фармоиш содир менамояд;
- аз номи Корхона бо дигар шахсони ҳуқуқӣ ва воқеӣ, сарфи назар аз шакли моликият ва маҳалли ҷойгиршавӣ шартномаҳо, созишномаҳо ва дигар санадҳои ҳуқуқиро ба имзо мерасонад;
- аз номи Корхона нисбат ба шахсони ҳуқуқӣ ва воқеӣ эътироз ва даъво пешниҳод мекунад, эътимоднома медиҳад;
- ҳуҷҷатҳои пулӣ, ҳисоботӣ ва дигар ҳуҷҷатҳоро имзо мекунад;
- манфиати Корхонаро дар мақомоти идораи давлатӣ, ташкилотҳои ҷамъиятӣ ва дигар ташкилотҳо ҳимоя менамояд;
- ба сохтори Корхона тағйирот ворид мекунад, теъдод ва хароҷоти нигаҳдории онро тасдиқ менамояд;
- усули пардохти музди меҳнат, навъи мукофотонӣ (подош)-ро оид ба натиҷаҳои сол муайян месозад;
- дар асоси қарордод кормандони Корхонаро ба кор қабул мекунад ва тибқи тартиби муқарраргардида тадбирҳои мукофотонӣ ва муҷозоти интизомиро меандешад;
- қарордодҳо ба имзо мерасонад ва дар мавриди таъин ба мансаб ва озод намудан аз кор мутобиқи номенклатураи кормандони корхонаҳое, ки ба таркиби Корхона шомиланд, фармон содир менамояд;
- тибқи тартиби муқарраргардида оид ба воҳидҳои сохторӣ, ҷадвали штатӣ ва маошҳои хизматии кормандони корхонаҳо низомномаҳоро тасдиқ менамояд.
31. Директори генералии Корхона тибқи тартиби муқарраргардида аз ҷониби Ҳукумати Ҷумҳурии Тоҷикистон ба вазифа таъин ва аз вазифа озод карда мешавад.
Муовини аввал ва муовинони Директори генералии Корхона бо пешниҳоди Директори генералии Корхона аз ҷониби Ҳукумати Ҷумҳурии Тоҷикистон ба вазифа таъин ва аз вазифа озод карда мешаванд.
32. Корхона ба пешбурди фаъолияти хоҷагидории мустақилона ҳуқуқ дорад. Даромаде, ки аз фаъолияти хоҷагидории мустақилона ба даст омадааст, баъд аз пардохти андозҳои пешбининамудаи Кодекси андози Ҷумҳурии Тоҷикистон тибқи тартиби муқарраргардида сарф карда мешавад.
33. Корхона моддаҳои хароҷотро вобаста ба масраф ва даромади семоҳа ва солонаи молиявии Корхона баррасӣ ва тасдиқ намуда, натиҷаи фаъолияти истеҳсолию хоҷагидориро таҳлил менамояд, ҳисоботи семоҳа, солона ва балансҳои муҳосибавиро тасдиқ мекунад.
34. Корхона тибқи тартиби муқаррарнамудаи қонунгузории Ҷумҳурии Тоҷикистон ҳисоботдиҳии озоди муҳосибавию омориро пеш мебарад.
35. Мақоми идораи Корхона Директори генералӣ мебошад, ки ӯ бе эътимоднома аз номи Корхона амал карда, дар муносибат бо дигар ашхоси ҳуқуқӣ ва воқеӣ манфиатҳои Корхонаро намояндагӣ менамояд.
36. Директори генералии Корхона дорои салоҳиятҳои зерин мебошад:
- тасдиқи ҷадвади штатӣ ва сметаи хароҷот барои нигаҳдошти Корхона;
- содир намудани фармон ва дастурҳое, ки иҷрои онҳо барои ҳамаи кормандони Корхона ҳатмианд;
- банақшагирии фаъолияти Корхона бо дарназардошти риояи афзалиятнокии манфиатҳои Корхона;
- муайян намудани сохтори ташкилии Корхона
- қабул намудан ба кор ва аз кор озод кардани кормандони Дастгоҳи марказии Корхона;
- таъин ва аз кор озод намудани роҳбарони корхонаҳои тобеъ;
- муайян намудани шароити меҳнати кормандони Корхона, корхонаҳои тобеъ, филиалҳо ва намояндагиҳо;
- муайян намудани усули пардохти музди меҳнат, навъи мукофот (подош) вобаста ба натиҷаҳои фаъолияти солона;
- таҳия ва тасдиқи низомномаҳо оид ба мукофотпулии ҷорӣ ва дигар шаклҳои мукофотонии моддии кормандони Корхона;
- бастани шартномаҳо, аз ҷумла шартномаҳои меҳнатӣ;
- додани эътимоднома ҳангоми иҷрои фаъолияти молиявию хоҷагии Корхона;
- дар бонкҳо кушодани суратҳисобҳои ҷорӣ ва дигар ҳисобномаҳо, истифодаи ҳуқуқи ихтиёрдории маблағҳои Корхона дар доирае, ки барои анҷом додани фаъолияти хоҷагидории он заруранд.
37. Мувофиқи Қонуни Ҷумҳурии Тоҷикистон дар бораи энергетика Корхона ҳамчун воҳиди мустақили хоҷагидорӣ фаъолияти худро дар асоси шартномаи бо Вазорати энергетикаи Ҷумҳурии Тоҷикистон басташуда амалӣ мегардонад.
АМВОЛ, ФОНДҲО ВА ДАРОМАДИ КОРХОНА
38. Амволи Корхона аз амволе, ки Муассис ба он ҷиҳати пешбурди хоҷагидорӣ таҳвил намудааст, аз ҷумла маҳсулоти дар натиҷаи фаъолияти хоҷагидорӣ истеҳсолнамудаи Корхона, даромадҳои гирифта, саҳмгузории ихтиёрӣ ва хайрияи шахсони ҳуқуҷӣ, маблағҳои дигари дар натиҷаи фаъолияти Корхона бадастомада иборат мебошад.
39. Амволе, ки ба Корхона дар асоси ҳуқуқи пешбурди хоҷагидорӣ марбут аст, моликияти давлатӣ мебошад. Амволи мазкур ҷудонашаванда аст ва наметавонад ба саҳмҳо (ҳиссаҳо, пайҳо) тақсим карда шавад. Корхона ҳуқуқ надорад моликияти ғайриманқули зикршударо фурӯшад, ба гарав монад, ҳамчун саҳм ба сармояи оинномавии ҷамъиятҳои хоҷагидорӣ ва рафоқатҳ гузорад ё бе розигии Муассис онро бо тартиби дигар ихтёрдорӣ намояд. Амволи боқимондаи марбути Корхонаро, ба истиснои ҳолатҳое, ки қонунгузорӣ ё дигар санадҳои ҳуқуқӣ муайян кардаанд, он метавонад мустақилона ихтиёрдорӣ намояд.
40. Даромади Корхона аз ҳисоби фоидаи фаъолияти хоҷагидорӣ, баъд аз супоридани ҳамаи андозҳо ва пардохтҳои ҳатмӣ, хароҷоти истеҳсолӣ, дигар намуди хароҷоти ғайринақшавӣ ташаккул меёбад.
41. Тафтиши ҳолати молиявию хоҷагии Корхона тибқи тартиби муқарраргардида гузаронида мешавад.
42. Корхона ҳуқуқ дорад дар асоси шартномаҳои хоҷагидорӣ фаъолияти истеҳсолию хоҷагидории худро ба роҳ монад.
43.Корхона ва аъзои он метавонанд бино, иморат, таҷҳизот ва дигар амволро барои истифода иҷора гиранд, онҳоро харидорӣ намоянд.
44.Маблағҳои истифоданашуда вобаста ба таъминоти Корхона дар ҷамъбасти кори семоҳа (солона) ҷиҳати пурра намудани фондҳои Корхона (Фонди ҳавасмандгардонии моддӣ, Фонди рушди истеҳсолот, Фонди рушди иҷтимоӣ ва ғайра) ба семоҳаи (соли) оянда гузаронида мешаванд.
45. Фондҳои таъминоти махсуси истифоданашуда (фондҳои истифодабарӣ, ҷамъшаванда ва соҳаи иҷтимоӣ), инчунин фондҳои истифоданашуда (Фонди ҳавасмандгардонии моддӣ, Фонди рушди истеҳсолот, Фонди рушди иҷтимоӣ ва ғ.) оид ба натиҷаи сол ба соли оянда гузаронида мешаванд.
46. Амволи Корхона аз маблағҳои асосӣ ва гардони марбута, инчунин аз фондҳои дигар амволи ба корхона вобасташуда иборат буда, дар мувозинаи (баланси) он инъикос меёбад.
47. Корхона метавонад кредитҳои бонкиро истифода барад ва барои дар мӯҳлати муқарраргардида баргардонидани он ҷавобгар аст.
48. Корхона барои қарзҳои дохилӣ ва беруна, ки дар натиҷаи фаъолияташ ба вуҷуд омадаанд. ҷавобгар буда, пардохт онҳоро таъмин менамояд.
ҚАТЪ ГАРДИДАНИ ФАЪОЛИЯТИ КОРХОНА
49. Қатъ гардидани фаъолияти Корхона дар натиҷаи азнавташкилдиҳӣ ё барҳамдиҳии он рух медиҳад.
50. Азнавташкилдиҳии Корхона метавонад бо қарори Муассис мувофиқи Кодекси граждании Ҷумҳурии Тоҷикистон ба амал бароварда шавад. Ҳангоми азнавташкилдиҳии Корхона ҳамаи ҳуҷҷатҳо тибқи тартиби муайянгардида ба вориси ҳуқуқӣ интиқол дода мешаванд.
51. Барҳамдиҳии Корхона тибқи ҳолат ва тартиби муқаррарнамудаи Кодекси граждании Ҷумҳурии Тоҷикистон сурат мегирад.
52. Амволе, ки баъди қонеъ гардонидани талаботҳои қарздиҳандагон боқӣ мондааст, аз ҷумла аз ҳисоби воситаҳои худӣ харидоришуда, ба баланси Муассис гузаронида мешаванд.
53. Ҳангоми барҳамдиҳии Корхона ҳуҷҷатҳое, ки бояд доимо маҳфуз бошанд, ҳуҷҷатҳои дорои арзиши таърихӣ ва ҳуҷҷатҳо оид ба ҳайати шахсии кормандон тибқи тартиби муқарраргардида барои нигоҳдорӣ ба Бойгонии давлатӣ супорида мешаванд.
