бо қарори Ҳукумати ҶТ аз 25.10.2022 № 509 аз эътибор соқит дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқи Низомномаи танзими давлатӣ дар соҳаи таъмини бехатарии радиатсионӣ

Мувофиқи моддаи 6 Қонуни Ҷумҳурии Тоҷикистон "Оид ба бехатарии радиатсионӣ" Ҳукумати Ҷумҳурии Тоҷикистон қарор мекунад:

1. Низомномаи замимагардидаи танзими давлати дар соҳаи таъмини бехатарии радиатсионӣ тасдиқ карда шавад.

2. Агентии бехатарии ядрои ва радиатсионии назди Академияи илмҳои Ҷумҳурии Тоҷикистон иҷрои ин Низомномаро таъмин созад ва дар мӯҳлати се моҳ ба Ҳукумати Ҷумҳурии Тоҷикистон лоиҳаи Низомномаи шӯрои байниидорави доир ба таъмини бехатарии радиатсиони ва ҳайати онро барои тасдиқ пешниҳод намояд.