Бо Қарори Ҳукумати ҶТ аз 31.08.2007с. № 454 бе эътибор дониста шуд

ҲУКУМАТИ ҶУМҲУРИИ ТОҶИКИСТОН

ҚAPOP

Дар бораи таъсиси Ҷамъияти саҳомии кушодаи "Роғун"

Бо мақсади тезонидани сохтмон ва мавриди баҳрабардори қарор додани нерӯгоҳи обии барқии "Роғун", дар асоси моддаи 14 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои Созишнома дар бораи ҳамкории дарозмӯҳлат байни Ҳукумати Ҷумҳурии Тоҷикистон ва Ҷамъияти саҳомии кушодаи "Русский алюминий"-и Федератсияи Россия, Ҳукумати Ҷумҳурии Тоҷикистон қарор мекунад:

1. Ҷамъияти саҳомии кушодаи "Роғун" таъсис дода шавад.

2. Вазорати энергетикаи Ҷумҳурии Тоҷикистон, Кумитаи давлатии идораи амволи давлатии Ҷумҳурии Тоҷикистон, Вазорати молияи Ҷумҳурии Тоҷикистон дар мӯҳлати ду моҳ баҳисобгири ва нархгузории амволи сохтмони нерӯгоҳи обии барқии Роғунро анҷом диҳанд.

3. Вазорати энергетикаи Ҷумҳурии Тоҷикистон, Кумитаи давлатии идораи амволи давлатии Ҷумҳурии Тоҷикистон ҳиссаи маблағи оинномавии Ҷамъияти саҳомии кушодаи "Роғун"-ро муайян намуда, мувофиқи тартиби муқарраргардида ҳуҷҷатҳои таъсисиро таҳия сохта, ба Ҳукумати Ҷумҳурии Тоҷикистон барои тасдиқ, пешниҳод намоянд.

Раиси Ҳукумати

Ҷумҳурии Тоҷикистон Э. Раҳмонов

аз 31 январи соли 2005 № 49 ш. Душанбе