Бо қарори Ҳукумати ҶТ аз 25.01.2017 № 43 аз эътибор соқит дониста шуд.  

Ҳукумати Ҷумҳурии Тоҷикистон

ҚАРОР

Дар бораи ҷорӣ кардани шиносномаҳои хориҷии шаҳрвандони Ҷумҳурии Тоҷикистон

Ҳукумати Ҷумҳурии Тоҷикистон қарор мекунад:

1. Дар Ҷумҳурии Тоҷикистон се навъи шиносномаҳои хориҷии шаҳрвандони Ҷумҳурии Тоҷикистон муқаррар карда шавад: дипломатӣ, хидматӣ ва умумишаҳрвандӣ.

2. Намунаҳои замимашудаи ин шиносномаҳо тавсиф, таснифоти техникӣ ва ҳимояи технологии онҳо тасдиқ ва истифодаи онҳо аз 1 апрели соли 1998 ҷорӣ карда шавад.

Додани шиносномаҳо бо рамзи ИҶШС аз лаҳзаи ҷорӣ намудани шиносномаҳои хориҷии шаҳрвандони Ҷумҳурии Тоҷикистон қатъ мегардад.

3. Шиносномҳои дипломатӣ хидматӣ ва умумишаҳрвандии бо рамзи ИҶШС додашуда то 31 декабри соли 1998 дорои эътибор дониста шаванд.

4. Ҳамаи навъҳои шиносномаҳои хориҷӣ, ки ба шаҳрвандони Ҷумҳурии Тоҷикистон дода шудаанд ва дар хориҷа қарор дорад то бозгашти онҳо ба Ҷумҳурии Тоҷикистон дорои эътибор дониста шаванд,

5. Низомномаи замимашудаи шиносномаҳои хориҷии шаҳрвандони Ҷумҳурии Тоҷикистон тасдиқ карда шавад.

6. Вазорати корҳои хориҷӣ ва Вазорати корҳои дохилии Ҷумҳурии Тоҷикистон дар мӯҳлати як моҳ лоиҳаи дастуруламал дар бораи тартиби додани шиносномаҳои хориҷиро барои тасдиқ ба Ҳукумати Ҷумҳурии Тоҷикистон пешниҳод намоянд.

7. Бо мақсади пушонидани хароҷоти истеҳсоли шиносномаҳои хориҷӣ шаҳрвандони Ҷумҳурии Тоҷикистон Вазорати корҳои хориҷии Ҷумҳурии Тоҷикистон ин хароҷотро давра ба давра, вобаста ба Фурӯши шиносномаҳо пардохт кунад.

8. Муқаррар карда шавад, ки Вазорати корҳои Ҷумҳурии Тоҷикистон шиносномаҳои хориҷии умумишаҳрвандиро ба Вазорати корҳои дохилии Ҷумҳурии Тоҷикистон бо арзиши аслии онҳо мефурӯшад.

Вазорати корҳои дохилии Ҷумҳурии Тоҷикистон маблағи аз фурӯши ин шиносномаҳо воридшударо пурра ба суратҳисоби махсус ташкилкардашудаи Вазорати корҳои хориҷии Ҷумҳурии Тоҷикистон гузаронад (қарори Ҳукумати ҶТ аз 27.02.2010 № 104).

9. Вазорати молияи Ҷумҳурии Тоҷикистон аз ҳисоби маблағҳои дар буҷети ҷумҳурӣ аз фурӯши шиносномаҳои умумишаҳрвандии хориҷӣ ҷамъшуда ба Вазорати корҳои хориҷии Ҷумҳурии Тоҷикистон ва Вазорати корҳои дохилии Ҷумҳурии Тоҷикистон, инчунин ба Кумитаи ҳифзи сарҳади давлатии назди Ҳукумати Ҷумҳурии Тоҷикистон барои харидории техникаи махсуси компютерӣ бо мақсади персонализацияи шиносномаҳои хориҷӣ ва таъсиси бонки маълумот барои додани онҳо ва назорат маблағҳои молиявии зарури иҷро намояд.

Тавсифи шиносномаи дипломатии Ҷумҳурии Тоҷикистон

Шиносномаи дипломатии Ҷумҳурии Тоҷикистон аз коғази ҳифозатии махсус, ки аломатҳои маҳдуди обии шакли "Эпициклоид" дорад тайёр карда мешавад.

Муқоваи шиноснома ранги сабзу кунҷҳои бурида дошта, аз моддаи пластикии ба хурдашавӣ, даридан ва харошида шудан тобовар тайёр карда мешавад.

Андозаи шиноснома 88 х 125 мм, миқдори саҳифаҳо - 32.

Дар муқоваи рӯй (дар марказ) Нишони тиллоранги давлатии Ҷумҳурии Тоҷикистон тасвир ёфта, дар болои нишон бо забонҳон тоҷикию англисӣ "Ҷумҳурии Тоҷикистон" ва дар зери нишон "Шиносномаи дипломатӣ " навишта шудааст.

Дар тарафи дохилии муқоваи рӯи шиноснома (дар марказ) тасвири рангини Нишони давлатии Ҷумҳурии Тоҷикистон акс ёфтааст. Атрофи Нишони давлатӣ бо нақшу нигори миллӣ ороиш дода шудааст. Дар дохили нақш, аз мобайн сар карда ба поён, ба таври уфуқӣ, бо микроҳуруф, бо забони тоҷикӣ навиштаҷоти "Ҷумҳурии Тоҷикистон", ки бо асбоби махсус хонда мешавад, сабт шудааст.

Дар саҳифаи якум бо забонҳои тоҷикӣ, русӣ ва англисӣ ба ҳукуматҳои ҳамаи кишварҳои ҷаҳон ҷиҳати ба соҳиби шиноснома таъмин намудани рафту омади озоду расонидани кӯмакҳои ҳамаҷониба муроҷиатнома ҷойгир шудааст. Дар қисми болоии муроҷиатнома аломати силсила ва рақами шиноснома, ки аз як ҳарфи "D" ва шаш рақами арабӣ иборат буда, тавасути нурҳои лазерӣ ҳамаи саҳифаҳои дохилии шиноснома бо мувофиқати дақиқ сӯрох карда шудааст, дарҷ гардидааст. Дар охири саҳифаи якум, дар зери муроҷиатнома навиштаҷоти "Шиноснома 32 саҳифа дорад" бо забонҳои тоҷикию англисӣ ҷой гирифтааст.

Дар саҳифаҳои аз якум то бистунуҳум, чун дар қисми дохилии муқова, ба таври уфуқӣ, аз мобайн сар карда ба поён навиштаҷоти "Ҷумҳурии Тоҷикистон " бо забони тоҷикӣ, ки бо асбоби махсус хонда мешавад, ҷойгир карда шудааст. Дар боло, дар зери силсила ва рақами шиноснома навиштаҷоти "Раводид" бо забонҳои тоҷикию англисӣ сабт гаштааст.

Дар саҳифаи сиюм ба таври уфуқӣ шаш росткунчаи рақамдор бо андозаи 25 х34 мм ҷойгир шудаанд, ки барои часпонидани аксҳои кӯдаконе, ки ҳамроҳи соҳиби шиноснома ба хориҷа мераванд, ҷой дода шудааст. Дар саҳифаи сиюякум дар боло, ба таври уфуқӣ дар марказ навиштаҷоти "Фарзандон" бо забонҳои тоҷикию англисӣ дарҷ гардидааст. Дар зери ин навиштаҷот (шаш) хати уфуқии рақамдор ( барои нигоштани маълумот дар бораи кӯдакон), ки ба се сутунча ҷудо карда шудааст, ҷой гирифтаанд. Аз тарафи чап (аз боло) дар болои сутунчаи аввал навиштаҳоти "Номи хонаводагӣ" ва "Ном" бо забонҳои тоҷикию англисӣ, дар болои сутунчаи дуюм - "Таърихи таваллуд" ва дар болои сутунчаи сеюм - "ҷинс" дарҷ гардидаанд.

Дар саҳифаи сиюдуюм ба таври уфуқи дар ооло (дар марказ) тасвири рангини хурдкаршудаи Нишони давлатии Ҷумҳурии Тоҷикистон ҷой гирифтааст. Аз тарафи чапи он ( яке зери дигаре) навиштаҷоти "Ҷумҳурии Тоҷикистон " ва "Шиносномаи дипломатӣ" аз тарафи чап бо забони тоҷикӣ ва аз рост бо забони англисӣ дарҷ гардидааст.

Дар маркази саҳифа ба таври уфуқӣ се рахҳои сафед ба андозаи 100 x10 мм ҷойгиранд, ки барои сабти ном ва номи хонаводагӣ бо забони тоҷикӣ пешбинӣ шудаанд. Дар поён дар тарафи чап ба таври уфуқи навиштаҷоти "Имзои соҳиби шиноснома" бо забонҳои тоҷикию англисӣ ва дар тарафи рост - росткунҷаи 57x15 мм (барои имзои соҳиби шиноснома) воқеъ гардидаанд.

Дар қисми дохилии муқоваи ақиб дар боло ба таври уфуқӣ: аз чап бо забони тоҷикӣ ва аз рост бо забони англисӣ навиштаҷоти "Ҷумҳурии Тоҷикистон" дарҷ гардидааст. Дар поёнтари ин навиштаҷот хати уфуқӣ кашида шудааст. Дар зери хат, дар тарафи чап росткунҷаи андозааш 35 х-45 мм барои часпондани акси соҳиби шиноснома воқеъ гардидааст. Дар болои чорчӯба барои акс навиштаҷоти "Шиносномаи дипломатӣ" бо забонҳои тоҷикию англисӣ дарҷ гардидааст, ки сарҳади болои ин чорчӯба мебошад. Аз тарафи рости навиштаҷоти "Шиносномаи дипломатӣ" ба таври уфуқӣ навиштаҳоти "Навъ", "Рамзи мамлакат" ва "Рақами шиноснома" ҷойгиранд. Навъи шиноснома ва рамзи мамлакат аллакай бо навиштаҷоти "DP" ва "ТK" пурра карда шудаанд, аммо рақами шиноснома ҳангоми пур кардани шиноснома гузошта мешавад. Дар тарафи рости чорчӯба барои акси соҳиби шиноснома навиштаҷоти зерин бо забонҳои тоҷикӣ, англисӣ ҷой дода шудаанд:

дар сутунчаи аввал - "Номи хонаводагӣ’, "Ном", "Шаҳрвандӣ", "Таърихи таваллуд", "Ҷинс", "Таърихи судур" ва "Мақоме, ки шиноснома додааст" ва дар сутунчаи дуюм - "Ҷои таваллуд" ва "Таърихи ниҳояти эътибор".

Дар байни саҳифаи сиюдуюми ва қисми дохилии муқоваи ақиб пардачаи рӯйкашшаванда, ки барои ҳифзи акси соҳиби шиноснома ва маълумоти дар кисми дохилии муқова буда хизмат мекунад, гузошта шудааст.

Шиноснома воситаҳои ҳифозатиро дорост, ки калбақӣ сохта шудани онро ғайриимкон мегардонад.

Тавсифи шиносномаи хидматии Ҷумҳурии Тоҷикистон

Шиносномаи хидматии Ҷумҳурии Тоҷикистон аз коғази ҳифозатии махсус, ки аломатҳои маҳдуди обии шакли "Эпициклоид" дорад тайёр карда мешавад.

Муқоваи шиноснома ранги кабуди баланд ва кунҷҳои бурида дошта, аз моддаи пластикии ба хӯрдашавӣ, даридан ва харошидан тобовар тайёр карда мешавад.

Андозаи шиноснома 88 х 125 мм, миқдори саҳифаҳо - 32.

Дар муқоваи рӯй (дар марказ) Нишони тиллоранги давлатии Ҷумҳурии Тоҷикистон тасвир ёфта, дар болои он бо забонҳои тоҷикию англисӣ "Ҷумҳурии Тоҷикистон " ва дар зераш "Шиносномаи хидматӣ" навишта шудааст.

Дар тарафи дохилии муқоваи рӯи шиноснома (дар марказ) тасвири рангини Нишони давлатии Ҷумҳурии Тоҷикистон акс ёфтааст. Атрофи Нишони давлатӣ бо нақшу нигори миллӣ ороиш дода шудааст. Дар дохили нақш, аз мобайн сар карда ба поён, бо микроҳуруф , бо забони тоҷикӣ навиштаҷоти " Ҷумҳурии Тоҷикистон " , ки бо асбоби махсус хонда мешавад, ба таври уфуқи сабт шудааст.

Дар саҳифаи якум бо забонҳои тоҷикӣ, русӣ ва англисӣ ба ҳукуматҳои хидмаи кишварҳои ҷаҳон ҷиҳати ба соҳиби шиносномаи хидматӣ расонидани кӯмакҳои ҳамаҷониба муроҷиатнома дарҷ гардидааст. Дар қисми болои муроҷиатнома аломати силсила ва рақами шиноснома, ки аз як ҳарфи "S" ва шаш рақами арабӣ иборат буда, бо мувофиқати дақиқ тавассути нурҳои лазерӣ ҳамаи саҳифаҳои дохилии шиноснома сӯрох карда шудааст, дарҷ гардидааст. Дар охири саҳифаи якум, дар зери муроҷиатнома навиштаҷоти "Шиноснома 32 саҳифа дорад" бо забонҳои тоҷикию англисӣ ҷой гирифтааст.

Дар саҳифаҳои аз якум то бистунуҳум, чун дар қисми дохилии муқова, аз мобайн сар карда ба поён навиштаҷоти "Ҷумҳурии Тоҷикистон " бо забони точикӣ, ки бо асбоби махсус хонда мешава, ба таври уфуқӣ ҷойгир шудааст. Дар боло, дар зери силсила ва рақами шиноснома навиштаҷоти "Раводид" бо забонҳои тоҷикию англисӣ таҷассум гаштааст.

Дар саҳифаи сиюм ба таври уфуқи шаш росткунҷаи рақамдор бо андозаи 25x34 мм ҷойгир шудааст, ки барои часпонидани аксҳои кӯдаконе, ки ҳамроҳи соҳиби шиноснома ба хориҷа мераванд, пешбинӣ шудаанд.

Дар саҳифаи сиюякум дар боло, ба таври уфуқӣ, дар марказ навиштаҷоти "Фарзандон" бо забонҳои тоҷикию англисӣ дарҷ гардидааст. Дар зери ин навиштаҷот (шаш) хати уфуқии рақамдор ( барои сабти маълумот дар бораи кӯдакон), ки ба се сутунча ҷудо карда шудааст, ҷой гирифтаанд. Аз тарафи чап (аз боло) дар болои сутунчаи аввал навиштаҷоти "Номи хонаводагӣ" ва "Ном" бо забонҳои тоҷикию англисӣ, дар болои сутунчаи дуюм - "Таърихи таваллуд" ва дар болои сутунчаи сеюм - "ҷинс" дарҷ гардидаанд.

Дар саҳифаи сиюдуюм ба таври уфуқӣ дар боло (дар марказ) тасвири рангини хурдкардашудаи Нишони давла тии Ҷумҳурии Тоҷикистон ҷой гирифтааст. Аз тарафи чапи он (яке зери дигаре) навиштаҷоти "Ҷумҳурии Тоҷикистон " ва "Шиносномаи хидматӣ" бо забони тоҷикӣ аз тарафи чап ва аз рост бо забони англисӣ дарҷ гардидааст. Дар маркази саҳифа, ба таври уфуқӣ се рахҳои сафед бо андозаи 100x10 мм ҷойгиранд, ки ба он ном ва номи хонаводагӣ бо забони тоҷикӣ навишта мешавад. Дар поён, дар тарафи чап ба таври уфуқӣ навиштаҳоти "Имзои соҳиби шиноснома" бо забонҳои тоҷикию англисӣ ва дар тарафи рост - росткунҷаи 57x15 мм (барои имзои соҳиби шиноснома) воқеъ гардидаанд.

Дар қисми дохилии муқоваи ақиб дар боло ба таври уфуқӣ: аз чап бо забони тоҷикӣ ва аз рост бо забони англисӣ навиштаҷоти "Ҷумҳурии Тоҷикистон" дарҷ гардидааст. Дар поёнтари ин навиштаҷот хати уфуқӣ кашида шудааст. Дар зери хат, дар тарафи чап росткунҷаи андозааш 35x45 мм барои часпонидани акси соҳиби шиноснома воқеъ гардидааст. Дар болои чорчӯба барои акс навиштаҷоти "Шиносномаи хидматӣ" бо забонҳои тоҷикию англисӣ сабт шудааст, ки сарҳади болоии ин чорчӯба мебошад. Аз тарафи рости навиштаҷоти "Шиносномаи хидматӣ" ба таври уфуқӣ навиштаҷоти "Навъ", "Рамзи мамлакат" ва "Рақами шиноснома" ҷойгиранд. Навъи шиноснома ва рамзи мамлакат аллакай бо навиштаҷоти "SР" ва "TJK" пурра карда шудаанд, аммо рақами шиноснома ҳангоми пур кардани шиноснома гузошта мешавад. Дар тарафи рости чорчӯба барои акси соҳиби шиноснома навиштаҷоти зерин бо забонҳои тоҷикию англисӣ ҷой дода шудаанд: дар сутунчаи аввал - "Номи хонаводагb", "Ном", "Шаҳрвандӣ", "Таърихи таваллуд", "ҷинс", "Таърихи судур" ва "Мақоме, ки шиноснома додааст" ва дар сутунчаи дуюм - "ҷои таваллуд" ва "Таърихи ниҳояти эътибор".

Дар байни саҳифаи сиюдуюм ва қисми дохилии муқоваи ақиб пардачаи руйкашшаванда, ки барои ҳифзи акси соҳиби шиноснома ва маълумоти дар қисми дохилии муқоваи ақиб буда хизмат мекунад, ҷойгир карда шудааст.

Шиноснома воситаҳои ҳифозатиро дорост, ки калбақӣ сохтани онро ғайриимкон мегардонад.

Тавсифи шиносномаи умумишаҳрвандии Ҷумҳурии Тоҷикистон

Шиносномаи умумишаҳрвандии Ҷумҳурии Тоҷикистон аз коғази ҳифозатии махсус, ки аломатҳои маҳдуди обии шакли "Эпициклоид" дорад тайёр карда мешавад.

Муқоваи шиноснома ранги осмонӣ ва кунҷҳои бурида дошта, аз моддаи пластикии ба хурдашав, даридан ва харошида шудан тобовар тайёр карда мешавад.

Андозаи шиноснома 88 х 125 мм, миқдори саҳифаҳо - 32.

Дар муқоваи рӯй (дар марказ) Нишони тиллоранги давлатии Ҷумҳурии Тоҷикистон тасвир ёфта, дар болои он бо забонҳои тоҷикию англисӣ "Ҷумҳурии Тоҷикистон " ва дар зераш "Шиноснома " навишта шудааст.

Дар тарафи дохилии муқоваи рӯи шиноснома (дар марказ) тасвири рангини Нишони давлатии Ҷумҳурии Тоҷикистон акс ёфтааст. Атрофи Нишони давлат бо нақшу нигори миллӣ ороиш дода шудааст. Дар дохили нақш, аз мобайн сар карда ба поён, бо микрохуруф, бо забони тоҷикӣ навиштаҷоти "Ҷумҳурии Тоҷикистон", ки бо асбоби махсус хонда мешавад, бо таври уфуқӣ сабт шудааст.

Дар саҳифаи якум бо забонҳои тоҷикӣ, русӣ ва англисӣ ба ҳукуматҳои ҳамаи кишварҳои ҷаҳон ҷиҳати ба соҳиби шиноснома расонидани кӯмакҳои ҳамаҷониба муроҷиатнома дарҷ гардидааст. Дар қисми болои муроҷиатнома аломати силсила ва рақами шиноснома, ки аз як ҳарф "14" ва шаш рақами арабӣ иборат буда, бо мувофиқати дақиқ тавассути нурҳои лазерӣ ҳамаи саҳифаҳои дохилии шиноснома сӯрох карда шудааст, дарҷ гардидааст. Дар охири саҳифаи якум, дар зери муроҷиатнома навиштаҷоти "Шиноснома 32 саҳифа дорад" бо забонҳои тоҷикию англисӣ ҷой гирифтааст.

Дар саҳифаҳои аз якум то бистунуҳум, чун дар қисми дохилии муқова, аз мобайн сар карда ба поён навиштаҷоти "Ҷумҳурии Тоҷикистон" бо забони тоҷикӣ, ки бо асбоби махсус хонда мешавад, ба таври уфуқӣ ҷойгир шудааст. Дар боло, дар зери силсила ва рақами шиноснома навиштаҷоти "Раводид" бо забонҳои тоҷикию англисӣ таҷассум гаштааст.

Дар саҳифаи сиюм ба таври уфуқӣ шаш росткунҷаи рақамдор ба андозаи 25x34 мм ҷойгир шудааст, ки барои часпонидани аксҳои кӯдаконе, ки ҳамроҳи соҳиби шиноснома ба хориҷа мераванд, пешбинӣ шудаанд.

Дар саҳифаи сиюякум дар боло, ба таври уфуқӣ, дар марказ навиштаҷоти "Фарзандон" бо забонҳои тоҷикию англисӣ дарҷ гардидааст. Дар зери ин навиштаҷот (шаш) хати уфуқии рақамдор (барои сабти маълумот дар бораи кӯдакон), ки ба се сутунча ҷудо карда шудааст, ҷой гирифтаанд. Аз тарафи чап (аз боло) дар болои сутунчаи аввал навиштаҷоти "Номи хонаводагӣ" ва "Ном" бо забонҳои тоҷикию англисӣ, дар болои сутунчаи дуюм - "Таърихи таваллуд" ва дар болои сутунчаи сеюм - "ҷинс" дарҷ гардидаанд.

Дар саҳифаи сиюдуюм ба таври уфуқӣ дар боло (дар марказ) тасвири рангини хурдкардашудаи Нишони давлатии Ҷумҳурии Тоҷикистон ҷой гирифтааст. Аз тарафи чапи он навиштаҷоти (яке зери дигаре) " Ҷумҳурии Тоҷикистон "ва "Шиноснома" бо забони тоҷикӣ аз тарафи чап ва аз рост бо забони англисӣ дарҷ гардидааст. Дар маркази саҳифа, ба таври уфуқӣ се рахҳои сафед бо андозаи 100x10 мм ҷойгиранд, ки ба он ном ва номи хонаводагӣ бо забони тоҷикӣ навишта мешавад. Дар поён, дар тарафи чап ба таври уфуқӣ навиштаҷоти "Имзои соҳиби шиноснома" бо забонҳои тоҷикию англисӣ ва дар тарафи рост - росткунҷаи 57x15 мм (барои имзои соҳиби шиноснома) воқеъ гардидаанд.

Дар қисми дохилии муқоваи ақиб, дар боло ба таври уфуқӣ: аз чап бо забони тоҷикӣ ва аз рост бо забони англисӣ навиштаҷоти "Ҷумҳурии Тоҷикистон " дарҷ гардидааст. Дар поёнтари ин навиштаҷот хати уфуқӣ кашида шудааст. Дар зери хат, дар тарафи чап росткунҷаи андозааш 35x45 мм барои часпонидани акси соҳиби шиноснома воқеъ гардидааст. Дар болои чорчӯба барои акс навиштаҷоти "Шиноснома" бо забонҳои тоҷикию англисӣ сабт шудааст, ки сарҳади болоии ин чорчӯба мебошад. Аз тарафи рости навиштаҷоти "Шиноснома" ба таври уфуқӣ навиштаҷоти "Навъ". "Рамзи мамлакат" ва "Рақами шиноснома" ҷойгиранд. Навъи шиноснома ва рамзи мамлакат аллакай бо навиштаҷоти "Р" ва "ТJK" пурра карда шудаанд, аммо рақами шиноснома ҳангоми пур кардани шиноснома гузошта мешавад. Дар тарафи рости чорчӯба барои акси соҳиби шиноснома навиштаҷоти зерин бо забонҳои тоҷикию англисӣ ҷон дода шудаанд: дар сутунчаи аввал - "Номи хонаводагӣ", "Ном", "Шаҳрвандӣ", "Таърихи таваллуд", "Ҷинс", "Таърихи судур" ва "Мақоме, ки шиноснома додааст" ва дар сутунчаи дуюм - "Ҷои таваллуд" ва "Таърихи ниҳояти эътибор".

Дар байни саҳифаи сиюдуюм ва қисми дохилии муқоваи ақиб пардачаи руйкашшаванда, ки барои ҳифзи акси соҳиби шиноснома ва маълумоти дар қисми дохилии муқоваи ақиб буда хизмат мекунад. Ҷойгир карда шудааст.

Шиноснома воситаҳои ҳифозатиро дорост, ки қалбакӣ сохтани онро ғайриимкон мегардонад.

Мушаххасоти техникии шиносномаҳои Ҷумҳурии Тоҷикистон ва муҳофизати технологии онҳо

1.Муқова Guafleх 4000

Коғази империзацияшудаи бадошти, ба фарсоиш тобовар ва акрили рангкардашуда, ки бо лакотекст рӯйпуш шудааст. Ҳангоми амалиёти кабатчинӣ ҳарорати саҳифаи қайди маълумоти шахсӣ ба гармӣ устувор мебошад.

Ранг: осмонӣ, сабз ва кабуди баланд. Барои ҳакокии тиллоии баландсифат. Ғафсӣ 12 рt = 0.30 мм ( барои шиносномаҳои андозаи меъёри байналхалқӣ IСАО).

2. Мавори мустаҳкамкунm (навори мукова)

матои пахтагин бо wабати қоғазӣ барои ҳифозати риштаи дӯхт.

3. Қабати аз гармӣ ҳифзкунанда (пардаи ҳифозатии Реf 2-2)

полистер полиэтилен ғафсиаш - 175 микрон.

4. Зарҳали қолабгирии гарм ( тиллои / Аlufin )

Зарҳали қолабгирии Аlufin барроқи равшани металдор барои муқоваи шиноснома.

Астар: полистер, ғафсияш 12 миллимикрон. Ҳарорати қолабгирӣ; дар ҳудуди 120 дараҷаи Цельсия, ҳангоми қабатбандии минбаъдаи шиноснома тобовариаш ба гармӣ то 180 дараҷаи.Цельсия.

5. Лентаи дӯхт

Торҳои болоӣ ва поёни барои дӯхтани гӯшаҳои қоғаз ба саҳифаҳои дохилӣ.

Мавод: 100 % полиамиди сафед, осмонии флюоресценти.

6. Ширеш

Навь: 1) Henkel Adhesin А 23 КI ( РV А )

2) Ширеши флюоресценти дар ҷойҳои дӯхт. Барои ширеш кардани маводи муқова ба брошюраи духтащудаи варақҳои дохилӣ.

7. Саҳифаҳои раводид

Реакцияи химиявӣ ба ишқорҳо туришкунандаҳои S 105 маҳлулкунандаҳои полярӣ ва ғайриполярӣ.

таркиб: 50 % пахта, 50 % целлюлоза, сафед, зичиаш 90 г/м(2). Дараҷаи муҳофизат: аломати обии "Эпициклоид", нахҳои диданашавандаи ранги сабз (20 дм 2) ва ранги сурх ( 10 дм 2).

Мӯҳр 7 ранг, аз ҷумла дар зери шуоъҳои UV дидашаванда микромӯҳр гильёш, шуморагузории перфорациони дар мавкеи болоӣ.

Форзаци 7 ранга, аз ҷумла мӯҳри зерч шӯоъҳои UV дидашаванда. Бо тасвири Нишони Ҷумҳурии Тоҷикистон бо майти 3-4-мм ба чап.

Дар болои форзац зери навори муҳофизати мӯҳри дидашаванда бо тасвири 3 аломати рамзҳои Ҷумҳурии Тоҷикистон.

Ҳаҷм: 2 саҳифаи муқова, 2 саҳифаи форзац ва 32 саҳифаҳои дохилӣ.

Андозаи шиноснома 88x125 мм.

Шиносномаи Ҷумҳурии Тоҷикистон ба меъёрҳои байналхалқии IСАО ва ISO 9002 мутобиқат мекунад.

Низомномаи шиносномаҳои хориҷии шаҳрвандони Ҷум

Бо Қарори Ҳукумати

Ҷумҳурии Тоҷикистон

аз 29 феврали соли 1998 № 69

тасдиқ карда шуд

ҳурии Тоҷикистон

1. Шиносномаҳои дипломатӣ, хидматӣ ва умумишаҳрвандӣ ҳуҷҷатҳои асосие мебошанд, ки тавассути онҳо шаҳрвандони Ҷумҳурии Тоҷикистон аз Ҷумҳурии Тоҷикистон бурун рафта ба Ҷумҳурии Тоҷикистон вуруд меоянд.

2. Шиносномаҳон хориҷӣ моликияти Ҷумҳурии Тоҷикистон буда, соҳибони онҳо, ки дар хориҷи Ҷумҳурии Тоҷикистон қарор доранд, аз ҷониби Ҷумҳурии Тоҷикистон ҳимоя ва пуштибонӣ карда мешаванд.

3. Намунаҳои шиносномаҳои хориҷӣ, тавсиф, мушаххасоти техникӣ ва ҳимояи технологии онҳо аз тарафи Ҳукумати Ҷумҳурии Тоҷикистон бо пешниҳоди Вазорати корҳои хориҷии Ҷумҳурии Тоҷикистон тасдиқ карда мешаванд.

4. Вазорати корҳои хориҷии Ҷумҳурии Тоҷикистон бо тартиби муқарраргардида ҳамаи кишварҳои хориҷиро аз ҷорӣ намудани шиносномаҳои Ҷумҳурии Тоҷикистон огоҳ месозад,

5. Шиносномаҳои хориҷӣ ба муддати 5 сол дода шуда бо тартиби муқарраргардида тамдид мегарданд.

6. Шиносномаҳои хориҷӣ аз тарафи:

- Вазорати корҳои хориҷии Ҷумҳурии Тоҷикистон ба шаҳрвандони Ҷумҳурии Тоҷикистон, ки бо сафарҳои хизматии хориҷӣ ва барои кор кардан тибқи созишномаҳои байниҳукуматӣ, ба хориҷи кишвар меравандшиносномаҳои дипломатӣ, хидматӣ ва умумишаҳрвандӣ дода мешаванд;

- Вазорати корҳои дохилии Ҷумҳурии Тоҷикистон ба шаҳрвандони Ҷумҳурии Тоҷикистон, ки ба хориҷи кишвар бо мақсади туризм, корҳои хусусӣ, барои иқомати доимӣ, барои кор кардан ва барои табобату истироҳат мераванд, шиносномаҳои умумишаҳрвандӣ дода мешаванд.

7. Шиносномаҳои хориҷӣи бо забонҳои давлатӣ ва англнсӣ навишта шуда, маълумоти зеринро дарбар мегирад:

- Номи хонаводагӣ ва ном,

- Таърих ва ҷои таваллуд,

- Шаҳрвандӣ,

- Ҷинс

- Мақоме, ки шиноснома додааст.

- Таърихи судур ва ниҳояти эътибори шиноснома.

- Имзои соҳиби шиноснома.

Акс: андозаи 35x45 мм, намуд аз пеш (анфас) бидуни айнакҳои (ҳифозатӣ) сиёҳ, хидматчиёни ҳарбӣ бо либосҳои ғайринизомӣ.

Кӯдаконе, ки ба шиноснома илова карда мешаванд, сарфи назар аз синну сол аз падару модар ҷудо акс гирифта мешаванд.

Акси кӯдак бо мӯҳри мақоме, ки шиносномаро додааст, тасдиқ карда мешавад.

Акси соҳиби шиноснома бо парда рӯкаш карда шуда, бо мӯҳр тасдиқ, карда мешавад.

8. Дар шиносномаҳои дипломатӣ ва хидматӣ қайди иҷозати сафар ба хориҷи кишвар гузошта намешавад.

Дар шиносномаҳои умумишаҳрванди қайди иҷозати сафар ба хориҷа "Иҷозати сафар то "_________" гузошта мешавад, ки дар он максади сафар "хусуси, туризм, барои иқомати доимӣ, хидматӣ," нишон дода шудааст ва ин қайд бо мӯҳр ва имзои мақоме, ки шиносномаро медиҳад, тасдиқ карда мешавад.

9. Шиносномаҳои хориҷӣ ба шаҳрвандони Ҷумҳурии Тоҷикистон, ки ба хориҷа мераванду ба синни 16 расидаанд бо тартиби муқарраргардида дода мешаванд.

Дар ҳолатҳое, ки кӯдакони то синни 16 сола мустақилона барои хондан, муолиҷа, ба ҷои кори падару модар инчунин дар дигар ҳолатҳои зарурӣ ба хориҷа раванд, ба онҳо шиносномаҳои алоҳида дода мешаванд. Дар сурати сафари кӯдакони ноболиғ ба хориҷа бе мушоият ба ғайр аз шиноснома, онҳо бояд ризоятномаи падару модар, падархонду модархонд, васияти парасторони хешро, ки дар нотариус ба расмият дароварда шудааст, дошта бошанд.

10. Ба шаҳрванди Ҷумҳурии Тоҷикистон, ки доимӣ дар хориҷи кишвар иқомат дорад, шиносномаи хориҷӣ аз тарафи намояндагии дипломатӣ ва ё муассисаи консулии Ҷумҳурии Тоҷикистон бо тартиби муқарраргардида ба расмият дароварда , дода мешавад.

Дар ҳолати гум кардани шиносномаи хориҷӣ дар хориҷи кишвар, соҳиби шиноснома бояд таъҷилан ба намояндагии дипломатии наздиктарин ва ё муассисаи консулии Ҷумҳурии Тоҷикистон иттилоъ диҳад, вале дар ҳолати талаф додани шиноснома дар қаламрави Ҷумҳурии Тоҷикистон соҳиби шиноснома бояд ба Вазорати корҳои хориҷии Ҷумҳурии Тоҷикистон иттилоъ диҳад. Пас аз расидани аризаи шаҳрванд дар хусуси гум кардани шиноснома ба ӯ аз тарафи намояндагии дипломати ва ё муассисаи консулии Ҷумҳурии Тоҷикистон гувоҳномаи бозгашти намунааш муқарраргардида барои муддате, ки барои ба Ҷумҳурӣ баргаштани ин шаҳрванд зарур аст (намунаи гувоҳномаи бозгашт замима шудааст), дода мешавад.

11. Бланкҳои шиносномаҳои дипломатӣ, хидматӣ ва умумишаҳрвандии хориҷӣ ҳуҷҷатҳои таҳти ҳисоботи қатъӣ мебошанд. Онҳо бо дархости Вазорати корҳои хориҷии Ҷумҳурии Тоҷикистон тайёр карда мешаванд.

Баҳисобгирӣ, ҳифз ва нобуд сохтани шиносномаҳои дипломатӣ, хидматӣ ва умумишаҳрвандӣ, ки аз тарафи Вазорати корҳои хориҷии Ҷумҳурии Тоҷикистон дода шудааст, бо тартиби муқарраргардида аз ҷониби Вазорати корҳои хориҷии Ҷумҳурии Тоҷикистон анҷом дода мешавад.

Баҳисобгирӣ, ҳифз ва нобуд сохтани шиносномаҳои умумишаҳрвандии хориҷӣ, ки аз тарафи Вазорати корҳои дохилии Ҷумҳурии Тоҷикистон дода шудааст, бо тартиби муқарраргардида аз ҷониби Вазорати корҳои дохилии Ҷумҳурии Тоҷикистон анҷом дода мешавад.

12. Шиносномаи хориҷӣ, ки ба шаҳрванди Ҷумҳурии Тоҷикистон дода шудааст, дар ҳолатҳои қалбақӣ сохтан ба расмият даровардани ғайриқонунии он, истифодаи он бо мақсади содир намудани ҷиноят, ҳангоми қатъ намудани шаҳрвандони Ҷумҳурии Тоҷикистон ва дигар ҳолатҳое, ки тибқи қонунҳои Ҷумҳурии Тоҷикистон пешбинӣ шудаанд, мумкин аст мусодира карда шавад.

Дар сурати мусодира гардидани шиносномаи хориҷа аз тарафи консулии Вазорати корҳои хориҷии Ҷумҳурии Тоҷикистон ва муассисаҳои дар хориҷа будаи он, соҳиби он метавонад бо тартиби судӣ аз болои онҳо шикоят намояд.

13. Соҳиби шиносномаи хориҷии Ҷумҳурии Тоҷикистон ҳақ надорад онро дар қаламрави ҷумҳурӣ ҳангоми ба расмият даровардани муомилоти шаҳрвандию ҳуқуқӣ, амалиёти бонкӣ ва ба расмият даровардани ваколатномаҳо истифода барад.

14. Вазорати корҳои хориҷӣ, Вазорати корҳои дохилӣ, Вазорати амният ва Кумитаи ҳифзи сарҳади давлатии Ҷумҳурии Тоҷикистон бо мақсади ҳисобу китоби зарурии шиносномаҳои хориҷӣ ва назорати оперативии хуруҷу вуруди шаҳрвандони Ҷумҳурии Тоҷикистон, корҳои заруриро ҷиҳати ҷорӣ кардани низоми ягонаи компьютерӣ ва ташкил додани хазинаи маълумот дар бораи шахсоне, ки шиносномаҳои хориҷӣ доранд, анҷом диҳанд,

15. Барои ғайриқонунӣ ба расмият даровардан ва додани шиносномаҳои хориҷии Ҷумҳурии Тоҷикистон шахсони вазифадори идораҳои дахлдори Ҷумҳурии Тоҷикистон тибқи қонунгузории ҷории Ҷумҳурии Тоҷикистон ба ҷавобгарӣ кашида мешаванд.