ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ БОНКИ МИЛЛИИ ТОҶИКИСТОН"

Моддаи 1.

Ба Қонуни Ҷумҳурии Тоҷикистон "Дар бораи Бонки миллии Тоҷикистон" аз 14 декабри соли 1996 (Ахбори Маҷлиси Олии Ҷумҳурии Тоҷикистон, соли 1996, №24, моддаи 410; соли 2001, №4, моддаи 173; соли 2002, №11, моддаи 672) тағйиру иловаҳои зайл ворид карда шаванд:

1. Дар сархати дуюми қисми дуюми моддаи 2 рақамҳои "69 ва 70" ба рақамҳои "70 ва 79" иваз карда шаванд.

2. Қисми дуюми моддаи 67 дар таҳрири зайл ифода карда шавад: "Бонки миллии Тоҷикистон вазифадор аст ҳисобдори ва таҳияи ҳисоботи молиявии худро мувофиқи стандартҳои байналмилалии ҳисоботи молиявӣ ба роҳ монад".

3. Моддаи 69 хориҷ карда шавад.

4. Ба қисми якуми моддаи 79 ҷумлаи дуюм бо мазмуни зайл илова карда шавад: "Аудити берунии Бонки миллии Тоҷикистон мутобиқи стандартҳои байналмилалии аудит гузаронида мешавад".

Моддаи 2.

Қонуни мазкур пас аз интишори расмӣ мавриди амал қарор дода шавад.