Тартиби гузаронидани бақайдгирии давлатии дактилоскопӣ

I. Муқаррароти умумӣ

1. Мутобиқи Қонуни Ҷумҳурии Тоҷикистон "Дар бораи бақайдгирии давлатии дактилоскопӣ" Тартиби мазкур бақайдгирии давлатии дактилоскопӣ, техникаи дактилоскопия кунонидан ва тартиби пур кардани картаҳои дактилоскопи баҳисобгирӣ, нигоҳдори коркард, систематизатсиякунонӣ ва нобуд сохтани ҳомилҳои моддии дорои маълумоти дактилоскопиро муқаррар мекунад.

2. Гузаронидани бақайдгирии давлатии дактилоскопиро Маркази бақайдгирии давлатии дактилоскопии Вазорати корҳои дохилии Ҷумҳурии Тоҷикистон (минбаъд Марказ номида мешавад) мутобиқи моддаи 8 Қонуни Ҷумҳурии Тоҷикистон "Дар бораи бақайдгирии давлатии дактилоскопӣ" анҷом медиҳад.

3. Тартиби мазкур принсипҳои асосии ҳамкории мутақобилаи байниидории ахбороти, ҳамчунин таъсисёби ва истифодабарии маҳалҳои маълумоти дактилоскопиро, ки дар доираи бақайдгирии давлатии дактилоскопи ба даст оварда мешаванд, тасвият мекунад

Вазифаҳои асосии чорабиниҳои дар боло зикршуда ин таъсис додани заминаҳои меъёрию ҳуқуқӣ ва технологӣ барои ташаккулёбӣ ва пешбурди бақайдгирии давлатии дактилоскопӣ, таҳияи пешниҳодҳо доир ба ташаккули сохторҳои идорие мебошанд, ки барои гузаронидани бақайдгирии дактилоскопи, ташаккулёби, коркард нигоҳдори ва истифодабарии маълумоти дактилоскопи ҷавобгӯ ҳастанд.

II. Ба даст овардани маълумоти дактилоскопӣ ва гузаронидани бақайдгирии дактилоскопӣ

4. Бақайдгирии давлатии дактилоскопии ихтиёрии шаҳрвандони Ҷумҳурии Тоҷикистон, ё ин ки намояндагони қонунии онҳо сарфи назар аз маҳдудияти синну сол, дар асоси аризаи хатии онҳо аз ҷониби мақомоти корҳои дохилии ҷойи истиқомат гузаронида мешавад.

5. Шахсони катеторияҳои зерин бояд ба таври ҳатми бақайдгирии давлатии дактилоскопиро гузаранд:

а) шахсоне. ки барои содир намудани ҷиноят гумонбар ва боздошт шудаанд, ба ҳабс гирифта шудаанд, дар содир намудани ҷиноятҳои барқасдона айбдор карда мешаванд, ҳамчунин шахсоне, ки дар ҳолати аз ҷониби онҳо содир шудани қонуншикани ба муайян намудани шахсияташон мамоният мекунанд;

б) шахсоне, ки ба хизмати ҳатмии ҳарби даъват мешаванд;

в) шахсоне, ки дар мақомоти тибқи қонунгузории Ҷумҳурии Тоҷикистон дар онҳо хизмати ҳарби пешбини шуда, ба хизмати ҳарби қабул карда мешаванд;

г) шаҳрвандони Ҷумҳурии Тоҷикистон, ки дар мақомоти зерин хизмат мекунаид:

мақомоти корҳои дохили;

мақомоти амният;

мақомоти полиси андоз;

мақомоти гумрук;

қӯшунҳои мудофиаи граждани;

мақомоти назорати маводи нашъаовар;

мақомоти прокуратура;

д) ба хавфи зиёд барои ҳаёт ё низоми махсуси махфият мутобиқи номгӯе, ки Ҳукумати Ҷумҳурии Тоҷикистон тасдиқ намудааст алоқаманд аст;

е) шахсоне, ки барои гирифтани литсензияи истифодабарии силоҳи оташфишон ба мақомоти корҳои дохилии ҷойи истиқомат муроcиат мекунанд;

ж) шахсоне, ки бо тартиби муқарраршуда гирифтори бемории рӯҳи эътироф шудаанд ва дар бораи худ қобилияти маълумот доданро надоранд;

з) шаҳрвандони хориҷи ва шахсони бешаҳрванд, ки ба Ҷумҳурии Тоҷикистон дар ҷустуҷӯи, паноҳгоҳ меоянд;

и) ҷасадҳои шаҳрвандони шинохтанашуда.

6. Гирифтани маълумоти дактилоскопи аз категорияи муайяни шахсони зерин анҷом мешавад:

- аз шахсоне, ки дар зербанди "а", банди 5 нишон дода шудаанд, сохторҳое, ки тибқи қонунгузории Ҷумхурии Тоҷикистон дар онҳо мақомоти тафтишоти пешаки, мақомоти таҳқиқ пешбини шудаанд;

- аз шахсоне, ки дар зербандҳои "б", "в", банди 5 нишон дода шудаанд, мақомоте, ки тибқи қонунгузори дар он хизмати ҳарби пешбини шудааст;

- аз шахсоне, ки дар зербанди "г", банди 5 нишон дода шудаанд, мутобиқаи мақомоти корҳои дохили, амният хадамоти андозу гумрук, қӯшунҳои мудофиаи граждани, мақомоти назорати маводи нашъаовар ва мақомоти прокуратура;

- аз шахсоне, ки дар зербанди "д", банди 5 нишон дода шудаанд, корхонаҳо, муассисаҳо ва ташкилотҳо, ё ин ки воҳидҳои сохтории онҳо тибқи номгӯе, ки Ҳукумати Ҷумҳурии Тоҷикистон тасдиқ намудааст;

- аз шахсоне, ки дар зербандҳои "е", "ж", "и", банди 5 нишон дода шудаанд, мақомоти корҳои дохили;

- аз шахсоне, ки дар зербанди "з", банди 5 нишон дода шудаанд, мақомоти хадамоти муҳоcират.

7. Картаҳои дактилоскопи, ҳомилҳои дорои сабти магнити ё дигар намуди сабт, ки дорои ҳомилҳои маълумоти дактилоскопи мебошанд, ҳамчун ҳомилҳои дорои маълумоти дактилоскопи истифода мешаванд.

Шакл ва тартиби пур кардании ҳомилҳои модди, аз ҷониби Вазорати корҳои дохилии Ҷумҳурии Тоҷикистон мукаррар карда мешавад.

8. Ҳомилҳои моддие, ки ба Марказ фиристода мешаванд, бояд дар асоси технологияи иттилооти, ки ҳангоми амали намудани бақайдгирии ҳисоботи фаври - маълумоти дар мақомоти корҳои дохили истифода мешаванд, таҳия карда шаванд.

9. ҳомилҳои модди бояд дар худ маълумоти зеринро дошта бошанд:

- насаб, ном ва номи падар шаҳрванди, ҷинс, сана ва cоли таваллуд, маълумот оид ба бақайдгирии ҷойи истиқомат ё тибқи ҷойи иқомати шахсоне, ки аз бақайдгирии давлатии дактилоскопи гузаштаанд;

- номи мақомоте, ки маълумоти дактилоскопиро гирифтаанд;

- асос ва санаи гузаронидани бақайдгирии давлатии дактилоскопии ҳатми.

10. Ҳомилҳои модди (бо мактуби ҳамроҳикунанда) ба Марказ, дар як нусха, дар муддати як моҳ фиристонида мешаванд.

III. Нигоҳдори, коркард, систематизатсия ва нест кардани ҳомилҳои моддии бақайдгирии давлатии дактилоскопӣ

11. Шартҳои нигоҳдори ва истифодабарии маълумоти дактилоскопи имконияти гумшавии он, таҳриф, бидуни иҷозат дастрас намудани онро бояд инкор намояд.

12. Нигоҳдори, коркард, систематизатсия ва нест кардани маълумоти дактилоскопие, ки дар ҳомилҳои модди мавҷуд мебошад, дар Марказ амали мешавад.

13. Мақомоти давлатие, ки дар бандҳои 6 ва 15 нишон дода шудаанд, нигоҳдории ахбороте, ки маълумоти ташкилдиҳандаи дактилоскопиро дар низоми сирри давлати таъмин месозад ва шахсони мансабдори онҳо бошад, барои вайрон кардани қоидаҳои нигоҳдори ва истифодабарии гайриқонунии ин маълумот ба ҷавобгари кашида мешаванд.

14. Марказ дар бораи шахсони зерин ҳомилҳои моддии маълумоти дактилоскопи доштаро нигоҳ медорад:

- дар банди 5 ба истиснои зербандҳои "а", "и" нишон дода шудаанд, то ба синни 80 расидани онҳо муқаррар кардани далели фавти онҳо;

- дар банди 5 зербанди "а" нишон дода шудаанд, то ба синни 80 расидании онҳо Марказ ҳомилҳои моддии дактилоскопидоштаро дар бораи ҷасадҳои шинохтанашуда, то муайян намудани шахсияти онҳо, вале на зиёда аз 10 сол.

15. Ҳуқуки истифодабарии маълумоти дактилоскопиро судҳо, мақомоти прокуратура, мақомоти тафтишоти пешаки, мақомоти таҳқиқот, мақомоте, ки фаъолияти фаврию ҷустуҷӯиро анҷом медиҳанд, мақомоте, ки фаъолияти системаи ҷиноию иҷроия ва мақомоти хадамоти муҳоcират доранд.

16. Ҳуқуқи гирифтани маълумоти дактилоскопи имкон дорад ба давлатҳои хориҷи мувофиқи шартномаҳои байналмилалии Ҷумҳурии Тоҷикистон дода шавад.

17. Маълумоти дактилоскопие, ки дар натиҷаи бақайдгирии давлатии дактилоскопии ихтиёри дастрас гардидааст аз ҷониби Марказ тибқи дархости мақомоти корҳои дохили нест карда мешавад. Асоси нест кардани маълумоти дактилоскопии мазкур, аризаи хаттии шаҳрвандони Ҷумҳурии Тоҷикистон ё намояндагони қонунии онҳо мебошад.

Марказ маълумоти дактилоскопии мазкурро нест карда дар бораи ин мақомоти корҳои дохилии дахлдорро дар муддати на дертар аз 30 шабонарӯз хабардор месозад. Мақомоти корҳои дохилии дахлдор аризадиҳандаро дар мӯҳлати на дертар аз 10 шабонарӯз хабардор месозад.

18. Назорати риояи ҳуқуқҳои қонунии шаҳрвандон ҳангоми гузаронидани бақайдгирии давлатии дактилоскопи ба зиммаи воҳидҳои дахлдори мақомоти прокуратураи Ҷумҳурии Тоҷикистон гузошта мешавад.