Бо қарори Ҳукумати ҶТ аз 31.03.2014 № 215 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи баъзе масъалаҳои мактаби таҳсилоти ҳамагонӣ

Ҳукумати Ҷумҳурии Тоҷикистон қарор мекунад:

1 .Сархати сеюми банди 10-и Низомномаи мактаби таҳсилоти ҳамагонӣ, ки бо қарори Ҳукумати Ҷумҳурии Тоҷикистон аз 12 октябри соли 1995 бо № 626 "Дар бораи тасдиқ намудани Низомномаи мактаби таҳсилоти ҳамагонӣ" тасдиқ карда шудааст, ба таври зайл ифода гардад:

"Хонандагони ҳамаи намуди мактабҳои таҳсилоти ҳамагонӣ, ки ҳангоми таҳсил ба муваффақиятҳои махсус ноил гашта, аз тамоми фанҳои таълимӣ баҳои солонаи "5"(аъло) доранду, дорои рафтори намунавианд ва дар ҳаёти ҷамъиятии мактаб фаъолона иштирок карда, ҳамаи имтиҳонҳои хатмкуниро бо баҳои "5" (аъло) супоридааш, бо медали тилло мукофотонида шуда, ба онҳо гувоҳномаи намунаи махсус дода мешавад,.

2.Вазорати маорифи Ҷумҳурии Тоҷикистон :

-лоиҳаи Низомномаи бо медали тилло мукофотонидани хатмкунандагони мактабҳои миёнаи таҳсилоти ҳамагониро дар муддати ду моҳ таҳия намуда, ба Ҳукумати Ҷумҳурии Тоҷикистон барои тасдиқ пешниҳод намояд;

-санадҳои меъёрию ҳуқуқиро бо қарори мазкур мутобиқ намояд:

-аз ҳисоби маблағҳои дар буҷет ба ин мақсад пешбинишуда мувофиқи тартиботи муқарраргардида ба миқдори зарурӣ медалҳои тилло ва гувоҳномаи намунаи махсусро омода намояд.