Бо қарори Ҳукумати ҶТ аз 5.07.2014 № 463 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи тадбирҳои иловагии афзоиши минбаъдаи истеҳсоли тамоку ва беҳбуди сифати он

Бо мақсади афзоиши истеҳсоли тамоку ва беҳбуди сифати он Ҳукумати Ҷумҳурии Тоҷикистон қарор мекунад:

1. Раисони Вилояти Мухтори Кӯҳистони Бадахшон, вилоятҳо ва ноҳияҳои тамокупарвар ҷиҳати рушди минбаъдаи ин соҳа чораҳои мушаххас андешанд.

2. Корпоратсияи саноати озуқа ва боғу токпарварии "Хӯрокворӣ", Вазорати кишоварзии Ҷумҳурии Тоҷикистон, Кумитаи давлатии оморӣ Ҷумҳурии Тоҷикистон, Раисони Вилояти Мухтори Кӯҳистони Бадахшон, вилоятҳо ва ноҳияҳо:

ҷиҳати таъмини ҳавасмандкунии фурӯш ва супоридани ҳамаи тамокуи парваришшуда ба корхонаҳои ферментатсионӣ чораҳои зарури андешанд;

корхонаҳои ферментатсионӣ аз истеҳсолкунандагони тамоку дар асоси созишномаҳои дутарафа қабул намудани ашёи тамокуро таъмин намоянд;

аз ҷониби корхонаҳои ферментатсионӣ қабул, захира, нигоҳдошт ва коркарди аввалияи тамокуро мутобиқи талаботи стандартҳои давлатӣ ва дигар ҳуҷҷатҳои меъёрию техникӣ дар алоҳидагӣ, вобаста ба истеҳсолкунандагони тамоку ва навъҳои саноатӣ, таъмин намоянд;

тибқи тартиби муқарраргардида аз ҷониби ҳар як истеҳсолкунандаи тамоку саривақт пешниҳод намудани ҳисоботи омориро оид ба ҳаҷми тамокуи супоридашуда, коркарди он, фурӯш ва бақия таъмин намоянд.

3. Ба тамокуистеҳсолкунандагон ва корхонаҳои ферментатсионии дорои ашёи худӣ ҳуқуқ дода шавад, ки маҳсулоташонро дар асоси созишномаҳои баимзорасида тибқи тартиби муқарраргардида фурӯшанд.

4. Агентии стандартизатсия, метрология, сертификатсия ва бозрасии савдои назди Вазорати иқтисод ва савдои Ҷумҳурии Тоҷикистон дар мӯҳлати як моҳ санҷиши таҷҳизоти технологии корхонаҳои ферментатсиониро анҷом дода, ҳангоми мутобиқати онҳо ба Стандартҳои давлатӣ ба истифодаи чунин корхонаҳо иҷозат диҳад.

Мухтори Кӯистони Бадахшони, вилоятҳо ва ноҳияҳо;

чорабиниҳоро, ки ба зиёд намудани майдони кишти тамоку дар минтақаҳои истеҳсоли тамоку дар давраи то соли 2015 нигаронида шудааст баррасӣ ва дар амал татбиқ намоянд;

якҷоя бо Академияи илмҳои кишоварзӣ оид ба беҳбуди селексия, тухмипарварӣ ва агротехникаи парвариши тамоку корҳоро тақвият бахшанд.

6. Корпоратсияи саноати озуқа ва боғу токпарварии "Хӯрокворӣ", Вазорати кишоварзии Ҷумҳурии Тоҷикистон бо мувофиқаи Вазорати иқтисод ва савдои Ҷумҳурии Тоҷикистон дар мӯҳлати як моҳ:

меъёрҳои ҳисобии хароҷоти (хизматрасонӣ) корхонаҳои ферментатсиониро вобаста ба захира, нигаҳдошт, коркард ва интиқоли як тонна тамоку таҳия ва тасдиқ намоянд;

оид ба муайянсозии нархҳои харидории пешакӣ барои ашё ва тамокуи ферметонидашуда тавсияҳо таҳия намоянд;

меъёри барориши тамокуро пас аз ферментатсия, инчунин муайян намудани навъҳои саноатӣ ва талафи истеҳсолии онро таҳия ва тасдиқ намоянд.

7. Ба қарори Ҳукумати Ҷумҳурии Тоҷикистон аз 27 октябри соли 1999 № 453 "Дар бораи маҷмӯи тадбирҳои давлатии танзими захира, коркард, воридоту содирот ва фурӯши яклухти тамоку ва маҳсулоти он" тағйиротҳои зерин ворид карда шаванд:

а) дар ном, муқаддима ва бандҳои 1, 3 калимаҳои "захира, коркард" хориҷ карда шуда, калимаҳои "тамоку ва маҳсулоти он", "тамоку ва маҳсулоти онро" ва "тамокуи ферментонидашуда ва маҳсулоти он" бо калимаҳои "маҳсулоти тамоку" иваз карда шаванд;

дар банди 2 калимаҳои "захира, коркард," хориҷ карда шуда, калимаҳои "тамоку ва маҳсулоти онро" ба калимаҳои "маҳсулоти тамокуро" иваз карда шавад; банди 4 хориҷ карда шавад;

б) дар Дастурамали тартиби додани литсензияҳо барои захира, коркард, воридоту содирот ва фурӯши яклухти тамоку ва маҳсулоти он, ки бо қарори Ҳукумати Ҷумҳурии Тоҷикистон аз 27 октябри соли 1999 № 453 тасдиқ шудааст:

дар ном, сархатҳои дуюм ва сеюми банди 1 калимаҳои "захира, коркард," хориҷ карда шуда, калимаҳои "тамоку ва маҳсулоти он", "тамоку ва маҳсулоти онро" мутобиқан ба калимаҳои "маҳсулоти тамоку", "маҳсулоти тамокуро" иваз карда шавад;

бандҳои 3,5 хориҷ карда шаванд;

дар бандҳои 8, 9 калимаҳои "захира, коркард," хориҷ карда шуда, калимаҳои "тамокуи ферментонидашуда ва маҳсулоти он" ба калимаҳои " маҳсулоти тамоку" иваз карда шавад; сархати ёздаҳуми банди 9 хориҷ карда шавад;

аз бандҳои ҒҒҒҒҒҒҒҒҒҒҒҒҒҒҒҒ,,,,,,,,,,,,, калимаҳои "захира, коркард,", "коркард,", "тамокуи ферментонидашуда ва" хориҷ карда шаванд;

дар банди 24:

аз сархати шашум калимаҳои "захира, коркард ва", "тамокуи ферментонидашуда ва" хориҷ карда шавад;

дар сархати ҳаштум калимаҳои "технологияи истеҳсолот,", ,захира, коркард," хориҷ карда шуда, калимаҳои "тамокуи ферментонидашуда ва маҳсулоти он" ба калимаҳои "маҳсулоти тамоку" ивазкарда шавад;

дар банди 26 калимаҳои "захира, коркард," хориҷ карда шуда, калимаҳои "тамокуи ферментонидашударо" ба калимаҳои "маҳсулоти тамоку" иваз карда шавад;

в) дар Тартиби муқаррар намудани квотаҳо барои воридоту содироти тамоку ва маҳсулоти он, ки бо қарори Ҳукумати Ҷумҳурии Тоҷикистон аз 27 октябри соли 1999 № 453 тасдиқ шудааст:

дар номи он калимаҳои "тамоку ва маҳсулоти он" ба калимаҳои "маҳсулоти тамоку" иваз карда шавад;

аз сархати якум калимаҳои "тамоку ва", "коркард,", "тамокуи ферментонидашуда ва" хориҷ карда шавад;

дар сархати дуюм калимаҳои "тамокуи ферментонидашуда ва маҳсулоти онро" ба калимаҳои "маҳсулоти тамокуро" иваз карда шавад.

г) дар Тартиб ва шартҳои ба Феҳристи ягонаи давлатӣ ворид намудани ташкилоте, ки ба содироту воридот, захира, коркард ва фурӯши яклухти тамоку ва махсулоти он машғуланд, ки бо қарори Ҳукумати Ҷумҳурии Тоҷикистон аз 27 октябри соли 1999 № 453 тасдиқ шудааст:

дар номи он калимаҳои ", захира, коркард" хориҷ карда шуда, калимаҳои "тамоку ва маҳсулоти он" ба калимаҳои "маҳсулоти тамоку" иваз карда шавад;

аз банди 4 калимаҳои ",захира, коркард", "тамокуи ферментонидашуда ва" хориҷ карда шавад;

д) дар Тартиби декларатсиякунонии ҳаҷми захира, коркард, воридоту содироти тамокуи ферментонидашуда ва маҳсулоти он, ки бо қарори Ҳукумати Ҷумхурии Тоҷикистон аз 27 октябри соли 1999 № 453 тасдиқ шудааст:

дар номи он калимаҳои "захира, коркард", "тамокуи ферментонидашуда ва маҳсулоти он" мутаносибан ба калимаҳои "харид", "маҳсулоти тамоку" иваз карда шаванд.

дар бандҳои 1 ва 2 калимаи "коркард," хориҷ карда шуда калимаҳои "тамокуи ферментонидашуда ва маҳсулоти он" ба калимаҳои "маҳсулоти тамокуро" иваз карда шавад; сархати дуюми банди 2 хориҷ карда шавад;

аз бандҳои 3,4,5,6 калимаҳои "коркард,", "тамокуи ферментонидашуда ва" хориҷ карда шавад;

дар банди 7:

аз ҷумлаи якум калимаҳои "коркард", тамокуи ферментонидашуда хориҷ карда шавад;

дар ҷумлаи дуюм калимаи "коркард" хориҷ карда шуда, калимаҳои "тамокуи ферментонидашуда ва маҳсулоти онро" ба калимаҳон "маҳсулоти тамокуро" иваз карда шавад;

е) дар номи Андозаи боҷҳо ҷиҳати додани литсензия барои захира, коркард, фурӯши яклухти тамоку ва маҳсулоти он, ки бо қарори Ҳукумати Ҷумҳурии Тоҷикистон аз 27 октябри соли 1999 № 453 тасдиқ шудааст калимаҳои "захира, коркард," хориҷ карда шуда, калимаҳои "тамоку ва маҳсулоти он" ба калимаҳои "маҳсулоти тамоку" иваз карда шавад.