Ҳукумати Ҷумҳурии Тоҷикистон

ҚАРОР

Дар бораи тасдиқи Низомномаи сертификатсияи воситаҳои ҳифзи иттилоот тибқи талаботи амнияти иттилоотӣ, аттестатсияи объектҳои иттилоотонӣ, тартиби бақайдгирии давлатии онҳо

Мутобиқи моддаҳои 15 ва 16 Қонуни Ҷумҳурии Тоҷикистон "Дар бораи ҳифзи иттилоот" Ҳукумати Ҷумҳурии Тоҷикистон қарор мекунад:

Низомномаи замимагардидаи сертификатсияи воситаҳои ҳифзи иттилоот тибқи талаботи амнияти иттилоотӣ, аттестатсияи объектҳои иттилоотонӣ, тартиби бақайдгирии давлатии онҳо тасдиқ карда шавад.

НИЗОМНОМАИ СЕРТИФИКАТСИЯИ ВОСИТАҲОИ ҲИФЗИ ИТТИЛООТ ТИБҚИ ТАЛАБОТИ АМНИЯТИ ИТТИЛООТӢ, АТТЕСТАТСИЯИ ОБЪЕКТҲОИ ИТТИЛООТОНӢ, ТАРТИБИ БАҚАЙДГИРИИ ДАВЛАТИИ ОНҲО

Низомномаи сертификатсияи воситаҳои ҳифзи иттилоот тибқи талаботи амнияти иттилооти, аттестатсияи объектҳои иттилоотони, тартиби бақайдгирии давлатии онҳо (минбаъд - Низомнома) дар асоси Қонуни Ҷумҳурии Тоҷикистон "Дар бораи сирри давлатӣ", Қонуни Ҷумҳурии Тоҷикистон "Дар бораи ҳифзи иттилоот", Қонуни Ҷумҳурии Тоҷикистон "Дар бораи сертификатсияи маҳсулот ва хизматрасонӣ" таҳия гардида, муносибатҳоро дар соҳаи мазкур ба танзим медарорад.

Мақоми ваколатдори давлатии сертификатсияи воситаҳои ҳифзи иттилоот тибқи талаботи амнияти иттилооти, аттестатсияи объектҳои иттилоотони, тартиби бақайдгирии давлатии онҳо, ҳамоҳангсозии фаъолият оид ба додани иҷозат ва ташкили сертификатсия Сарраёсати ҳифзи сирри давлатии назди Ҳукумати Ҷумҳурии Тоҷикистон (минбаъд-Мақоми ваколатдор) мебошад.

Фасли I. Сертификатсияи воситаҳои ҳифзи иттилоот тибқи талаботи амнияти иттилоотони

1. Муқаррароти умумӣ

1. Ин Низомнома принсипҳои асоси, сохтори ташкилии сертификатсияи ҳатмии воситаҳои ҳифзи иттилоот, тартиби гузаронидани сертификатсияи ин воситаҳоро тибқи талаботи амнияти иттилооти, инчунин назорати давлатии сертификатсия ва воситаҳои сертификатсияшавандаи ҳифзи иттилоотро муқаррар менамояд.

Амали ин Низомнома нисбати воситаҳои техники, барномави ва дигар воситаҳои ҳифзи иттилоот, ки барои ҳифзи иттилооти маълумоти дорои сирри давлатиро ташкилкунанда аз ихроҷ, таъсири беиҷозат ва беғаразона, дастрасии беиҷозат ва аз иктишофи техники, инчунин воситаҳои назорати самарабахшии ҳифзи иттилоот пешбини шудаанд, татбиқ карда мешавад.

Зери мафҳуми сертификятсияи воситаҳои ҳифзи иттилоот тибқи талаботи амнияти иттилооти (минбаъд- сертификатсия) фаъолият оид ба тасдиқи тавсияҳои воситаҳои ҳифзи иттилоот ба талаботи стандартҳои давлати ё дигар ҳуҷҷатҳои меъёри оид ба ҳифзи иттилоот, ки аз ҷониби Мақоми ваколатдор мутобиқи Қонуни Ҷумҳурии Тоҷикистон "Дар бораи сертификатсияи маҳсулот ва хизматрасони" тасдиқ шудаанд, фаҳмида мешавад ва он самтҳои асосии фаъолияти иштирокчиёни сертификатсия, сохтор, функсия, ҳуқуқ, ӯҳладори ва масъулияти онҳоро дар ин соҳа муайян месозад.

2. Мутобиқи моддаи 16 Қонуни Ҷумҳурии Тоҷикистон "Дар бораи ҳифзи иттилоот" воситаҳо, аз ҷумла воситаҳои истеҳсоли хориҷи, ки барои ҳифзи иттилооти дорои сирри давлати, ва дигар иттилооти дастрасиашон маҳдуд, ки мутобиқи қонунгузории амалкунанда бояд ҳифз карда шаванд, инчунин воситаҳои дар системаи идораи истеҳсолоти аз ҷиҳати экологи хатарнок истифодашаванда, иншооти дорои аҳамияти мудофиави ё иқтисоди ва воситаҳои истифодаи умумии ба муқобили иктишофи техники пешбинигардида, ки ба амнияти давлат таъсир мерасонанд бояд ҳатман сертификатсия карда шаванд. Номгӯи воситаҳои ҳифзи иттилоот, ки бояд ҳатман сертификатсия карда шаванд, ба ҳамин Низомнома замима мегардад. Дар ҳолатҳои дигар сертификатсия хусусияти ихтиёри (сертификатсияи ихтиёри) дошта, бо ташаббуси таҳиякунанда, истеҳсолкунанда ё истифодабарандаи воситаҳои ҳифзи иттилоот амали мегардад.

Санҷиши воситаҳои ҳифзи итилоот аз тарафи марказҳои (лабораторияҳои) озмоишии аккредитатсияшуда дар заминаи моддию техникии онҳо ё бо мувофиқаи Мақоми ваколатдор дар заминаи дархосткунанда гузаронида мешавад.

Асос барои гузаронидани кор оид ба сертитфикатсия шартнома байни иштирокчиёни сертификатсия, ки аз ҷумла андозаи музди меҳнатро барои баргузории он муқаррар менамояд, маҳсуб меёбад. Маблағҳои аз ҷониби дархосткунанда барои гузаронидани сертификатсияи воситаҳои ҳифзи иттилоот харҷ гардида, ба арзиши аслии он дохил карда мешаванд.

3. Мақоми ваколатдор дар фаъолияти худ Конститутсияи (Сарқонуни) Ҷумҳурии Тоҷикистон, қонунҳои Ҷумҳурии Тоҷикистон, қарорҳои якҷояи Маҷлиси милли ва Маҷлиси намояндагони Маҷлиси Олии Ҷумҳурии Тоҷикистон, қарорҳои Маҷлиси милли ва Маҷлиси намояндагони Маҷлиси Олии Ҷумҳурии Тоҷикистон, фармонҳо ва амрҳои Президенти Ҷумҳурии Тоҷикистон, қарор ва фармоишҳои Ҳукумати Ҷумҳурии Тоҷикисгон, санадҳои ҳуқуқии байналмилалии эътирофнамудаи Ҷумҳурии Тоҷикистон, санадҳои меъёрии ҳуқуқии Саридораи ҳифзи сирри давлатии назди Ҳукумати Ҷумҳурии Тоҷикистон, тавсияҳои Тоҷикстандарт, низомномаҳо ва дастурамалҳои қабулнамудаи Комиссияи давлатии мавҷҳои радио ва ҳамин Низомномаро ба роҳбари мегирад.

4. Мақоми ваколатдор мутобиқи ваколати худ бо Агентии стандартизатсия, метрология, сертификатсия ва инспексияи савдои Вазорати иқтисод ва савдои Ҷумҳурии Тоҷикистон (Тоҷикстандарт) ва мақомоти байналмилалии сертификатсия, инчунин оид ба ин масъалаҳо дар кори созмонҳои байналмилали иштирок менамояд.

5. Сертификати мутобиқат, ки аз ҷониби Мақоми ваколатдор дода шудааст, ба мақомоти гумруки Ҷумҳурии Тоҷикистон якҷоя бо эъломияи бори гумруки пешниҳод гардида, барои гирифтани иҷозати ба қаламрави Ҷумҳурии Тоҷикистон ворид намудани воситаҳои ҳифзи иттилооти ҳатман сертификатсияшаванда, мутобиқи Номгӯи дар ин Замима овардашуда пешниҳод карда мешаванд.

6. Мақомоти назорати гумруки ҳангоми мавҷуд набудани ҳуҷҷати тасдиқкунандаи ҳифзи техникии амнияти иттилоотии воситаҳои мазкури воридшаванда дар Замимаи Низомномаи мазкури сертификатсияи воситаҳои ҳифзи иттилоот то ҳалли масъалаи гузаронидани сертификатсия ё эътирофи стандарти хориҷи воридоти онро манъ намуда, Мақоми ваколатдорро огоҳ месозанд.

II. Вазифаҳои Мақоми ваколатдор

7. Вазифаҳои асосии Мақоми ваколатдор аз инҳо иборатанд:

назорати давлати, назорати инспексиони барои риояи қоидаҳои сертификатсияи ҳатми ва воситаҳои сертификатсияшудаи ҳифзи иттилоот;

назорати давлатии аз ҷониби дархосткунандагон, марказҳои (лабораторияҳои) озмоиши, мақомот оид ба сертификатсия риоя намудани қоидаҳои сертификатсияи ҳатми ва воситаҳои сертификатсияшудаи ҳифз. Муайян кардани ҳаҷм, мӯҳтаво ва тартиби назорати давлатии ҳуҷҷатҳои меъёрию методи, ки дар системаи сертификатсияи аз ҷонииби Мақоми ваколатдор тасдиқ шудааст;

назорати инспексионии воситаҳои сертификатсияшудаи ҳифзи иттилоот ва фаъолняти марказҳои (лабораторияҳои) озмоиши, ки озмоишҳои сертификатсиониро гузаронидаанд; муқаррар намудани қоидаҳои умумии назорати инспексионии воситаҳои сертификатсияшудаи ҳифзи иттилоот дар ҳуҷҷатҳои меъёри ва методии системаи сертификатсияи воситаҳои ҳифзи иттилоот тибқи талаботи амнияти иттилоот; муайян намудани давра ва ҳаҷми озмоишҳо дар доираи назорати инспексионии воситаҳои сертификатсияшудаи ҳифзи иттилоотро дар марказҳои (лабораторияҳои) озмоиши муайян мекунад;

қатъ ё бекор намудани амали сертификат ва аттестати аккредитатсия аз рӯи натиҷаи назорат. Қарор дар бораи бекор намудани амали сертификат танҳо дар он ҳолат қабул карда мешавад, ки агар дар натиҷаи чораҳои андешидашудаи бетаъхир мутобиқати воситаҳои ҳифзи иттилоот ба талаботи муқарраргардида барқарор карда нашавад.

Иттилоот ва боздоштани (бекор намудани) амали сертификат ё аттестат аккредитатсия аз ҷониби Мақоми ваколатдор ба маълумоти таҳиякунандагон, истифодабарандагони воситаҳои ҳифзи иттилоот, мақомоти сертификатсия ва марказҳои (лаборатогрияҳои) озмоиши расонида мешавад.

Сабабҳое, ки қабули чунин қарорро водор месозанд, инҳоянд:

- тағйири ҳуҷҷатҳои меъёрию методии ҳифзи иттилоот дар бахши талабот нисбат ба воситаҳои ҳифзи иттилоот, методҳои озмоиш ва назорат;

- тағйири технологияи таҳия, сохт (таркиб), маҷмӯи воситаҳои ҳифзи иттилоот ва системаи назорати сифати онҳо;

- иҷро накардани талаботи технологияи таҳия, назорат ва озмоиши воситаҳои ҳифзи иттилоот;

- номутобиқатии воситаҳои сертификатсияшудаи ҳифзи иттилоот ба шароити техники ё формуляри дар ҷараёни назорати давлати ё инспексиони ошкоршуда;

- радкунии дархосткунанда барои иҷозати даромадани (қабули) шахсони Мақоми ваколатдор ҷиҳати анҷом додани назорати давлати, назорати инспексиони ҷиҳати риояи қоидаҳои сертификатсия ва назорати воситаҳои сертификатсияшудаи ҳифзи иттилоот;

- таҳияи асосҳои консептуалии сиёсати ягонаи давлати дар соҳаи сертификатсияи воситаҳои ҳифзи иттилоот, ки ҳифзи онро тибқи талаботи амнияти иттилооти таъмин намуда, дар ин соҳа хизматрасониро (минбаъд-маҳсулот ва хизматрасони) анҷом медиҳанд;

- ҳамоҳангсози ва роҳбарии методии корҳо оид ба сертификатсияи воситаҳои ҳифзи иттилоот тибқи талаботи амнияти иттилооти;

- ташкил, гузаронидан ва иштирок дар расмиёти сертификатсияи воситаҳои ҳифзи иттилоот ва хизматрасоние, ки ҳифзи онро таъмин мекунад, инчунин аттестатсияи иншооти иттилоотони тибқи талаботи амнияти иттилооти ва пешбурди системаи бақайдгирии давлати.

III. Функсияҳои Мақоми ваколатдор

8. Мақоми ваколатдор мутобиқи моддаи 15 Қонуни Ҷумҳурии Тоҷикистон "Дар бораи ҳифзи иттилоот" ва функсияҳои ба зиммааш гузошташуда иҷрои вазифаҳои зайлро таъмин менамояд:

ташкил ва ҳамоҳангсозии системаи сертификатсияи воситаҳои ҳифзи иттилоот тибқи талаботи амнияти иттилооти ва муқаррар намудани қоидаҳои гузаронидани сертификатсияи воситаҳои ҳифзи иттилоот;

ташкил ва пешбурди маҳзани ҳуҷҷатҳои меъёрие, ки фаъолиятро дар соҳаи сертификатсияи воситаҳои техникии ҳифзи иттилоот танзим менамояд;

муайян намудани номгӯйи воситаҳои ҳифзе, ки бояд ҳатман сертификатсия шаванд;

муқаррар намудани қоидаҳои аккредитатсия ва додани литсензия ва аттестатҳо барои гузаронидани корҳо оид ба сертификатсия;

аккредитатсияи мақомот оид ба сертификатсия, марказҳои (лабораторияҳои) озмоиши ва мақомот оид ба аттестатсияи иншооти иттилоотони;

таҳия ва тасдиқи ҳуҷҷатҳои меъёри ва методии системаҳои сертификатсияи воситаҳои ҳифзи иттилоот ба мутобиқати талаботе, ки аз рӯи онҳо сертификатсияи воситаҳои ҳифзи иттилоот дар система ва ҳуҷҷатҳои методи оид ба баргузории озмоишҳои сертификатсиони гузаронида мешавад;

пешбурди Феҳристи давлатии иштирокчиён ва объектҳои иттилоотони;

бо Шӯрои ҳамоҳангсози оид ба масъалаҳои гузаронидани сиёсати давлати дар соҳаи ҳифзи техникии иттилооти дастрасиашон маҳдуд, мувофиқа намудани ҳуҷҷатҳои меъёри барои мутобиқат ба талаботе, ки аз рӯи онҳо сертификатсияи воситаҳои ҳифзи иттилоот гузаронида мешавад.

анҷом додани назорати давлатии (аз ҷумла инспексионии) риояи қоидаҳои сертификатсия ва воситаҳои иттилооти сертификатсияшуда;

баррасии эътирозҳо оид ба масъалаҳои сертификатсия, инчунин баррасии иншооти аттестатсияшудаи иттилоотони, аттестатсия ва бақайдгирии давлатии онҳо;

нашри давравии маълумот оид ба системаи сертификатсия, талабот ва қоидаҳои он бо зикри номгӯйи воситаҳои ҳифзи иттилооте, ки бояд ҳатман сертификатсия шаванд ва параметрҳои сертификатсионии онҳо; номгӯйи мақомот оид ба сертификатсияи навъҳои мушаххаси воситаҳои ҳифзи иттилоот; номгӯйи ҳуҷҷатҳои меъёри оид ба мутобиқат ба талабот, ки тибқи он сертификатсияи воситаҳои ҳифзи иттилоот анҷом дода мешавад ва ҳуҷҷатҳои методи ҷиҳати гузаронидани озмоишҳои сертификатсиони ва марказҳои (лабораторияҳои) тадқиқоти, ки ба системаи сертификатсияи воситаҳои ҳифзи иттилоот дохил мешаванд.

Мақоми ваколатдор мақоми марказии сертификатсияи воситаҳои ҳифзи иттилоотро муайян менамояд ё функсияҳои зерини ин мақомро иҷро мекунад:

бақайдгири ва баррасии дархостҳо ҷиҳати гузаронидани сертификатсияи молу маҳсулот (маҷмӯи ҳуҷҷатҳои пешниҳодшуда, дуруст пур кардани дархостҳо), ҷамъовари ва таҳлили иттилоот дар бораи дархосткунанда;

экспертизаи техники ва истифодабарии ҳуҷҷатҳоро барои воситаҳои ҳифзи иттилоот ва маводи озмоишҳои сертификатсиони гузаронида, ҳангоми гузаронидани сертификатсияи воситаҳои ҳифзи иттилоот хулосаҳои экспертиро мураттаб месозад;

интихоби нақшаи сертификатсияи ҳатмии воситаҳои ҳифзи иттилоот вобаста ба шароити истеҳсол (иҷро), озмоишҳо, таҳвил, инчунин таҳия ва ба тартиб даровардани қарор оид ба сертификатсия;

интихоби нақша, усули гузаронидани озмоишҳои воситаҳои техники ҷамъовари, коркард, нигаҳдошт ва ҳифзи он, намунаҳои маҳсулот, супурдани намунаҳои интихобшуда ба лабораторияи таҷрибави (ё гузаронидани озмоиш ҳангоми баррасии сифати хизматрасони ва салоҳиятнокии иҷрокунанда);

ташхиси экспертии объектҳои иттилоотони;

ташкил ва гузаронидани сертификатсияи объектҳои иттилоотони ва маҳсулот (хизматрасониҳо) ҷиҳати мутобиқат ба ҳуҷҷатҳои меъёри;

барасмиятдарори ва додани сертификати мутобиқат, аттестатҳои аккредитатсия ё гувоҳномаҳо ва пешбурди Феҳристи давлатии иштирокчиён ва объектҳои иттилоотони ва сертификатсия, аккредитатсия танҳо ҳангоми мавҷуд будани литсензияҳои дахлдори аз ҷониби Сарраёсати ҳифзи сирри давлатии назди Ҳукумати Ҷумҳурии Тоҷикистон додашуда;

тамдиди мӯҳлати амали сертификатҳои мутобиқат, аттестатҳои аккредитатсия, гувоҳномаҳо;

барасмиятдарории дубликатиҳои сертификати мутобиқат (ҳангоми зарурат);

таҳияи мавод ҷиҳати баррасии комиссияи апеллятсиони;

назорати пешгирикунандаи инспексиони оид ба маҳсулот (хизматрасони) ё иншооти сертификатсияшуда;

назорати аз ҷониби таҳиякунанда (фурӯшанда) иҷро шудани чораҳои тасҳеҳоти ҳангоми риоя нагардидани мутобиқати маҳсулот (хизматрасони) ё ҳангоми баистифодадиҳии иншоот;

иштирок дар таҳия ва назорати аз ҷониби таҳиякунанда (фурӯшанда) анҷом додани корҳои тасҳеҳоти ҳангоми вайрон кардани мутобиқати маҳсулот (хизматрасони) ё истифодаи иншоот;

бекоркуни ё боздоштани амали сертификатҳои мутобиқат, аттестатҳо ва гувоҳномаҳои додашуда;

такмили ҳуҷҷатҳои меъёри оид ба стандартизатсия дар бахши номенклатураи нишондиҳандаҳое, ки ҳангоми сертификатсия, аттестатсия ё ташхис санҷида мешаванд;

таҳия ва манзур доштани пешниҳодот оид ба номенклатура, маҳсулоти муқарраргардида ва хизматрасони ҷиҳати тавсеа ва татбиқи он;

ташкил ва гузаронидани аудити дохили ва арзёбии системаи амалкунандаи сифат, таҳияи тадбирҳои тасҳеҳоти (ҳангоми зарурат) оид ба натиҷаҳои гузаронидани аудити дохили;

таҳия ва такмили ҳуҷҷатҳои ташкилию методие, ки қоидаҳо, расмиёт, ташкил ва тартиби гузаронидани сертификатсияи воситаҳои ҳифзи иттилоот ва хизматрасонии таъмини ҳифзи иттилоотро муқаррар менамоянд;

тасдиқи барномаҳо ва методикаи озмоишҳои сертификатсиони ва экспертизаи объектҳои иттилоотони;

ҳамкори бо Агентии стандартизатсия, метрология, сертификатсия ва инспексияи савдои назди Вазорати иқтисод ва савдои Ҷумҳурии Тоҷикистон (Тоҷикстандарт) оид ба масъалаҳои методии сертификатсия;

ҳамкории мутақобила бо мақомоти дахлдори дигар кишварҳо оид ба расмиёти сертификатсия дар соҳаи аккредитатсияи марказҳои (лабораторияҳои) озмоиши;

анҷом додани назорати қоидаҳо ва расмиёти корҳо оид ба сертификатсияи маҳсулот ва хизматрасони, аттестатсияи объектҳои иттиллоотони, ки аз ҷониби марказҳои (лабораторияҳои) озмоиши гузаронида мешаванд;

барраси ва таҳияи мавод оид ба натиҷаҳои озмоишҳои сертификатсиони ва экспертизаҳои объектҳои иттилоотони;

тибқи талаби дархосткунандагон ба онҳо фароҳам овардани иттилооти зарури дар доираи салоҳияти худ;

ташаккул (такмил), татбиқ, пешбурди маҳзани ҳуҷҷатҳои меъёри, ки ҳангоми сертификатсияи воситаҳо ва хизматрасониҳо истифода бурда мешаванд;

таҳияи ҳуҷҷатҳои меъёри ва методи оид ба сертификатсия ва аттестатсияи объектҳо;

эътирофи (аз нав бақайдгирии) сертификатҳои хориҷи ва дигар гувоҳномаҳои мутобиқат, ба маълумоти дархосткунандагон расонидани қарорҳои қабулгардида;

андешидани чораҳои оперативи тибқи иттилоот дар мавриди вайрон кардани талаботе, ки нисбати маҳсулот ва хизматрасониҳои сертификатсияшаванда пешниҳод мегардад ва тибқи ҳуҷҷатҳои меъёри муайян карда шудааст;

фароҳам овардани маводи иттилооти оид ба сертификатсияи воситаҳои ахбори умум;

пешбурди фаъолияти ҷори ва коргузори;

ташкили такмили ихтисос ва аттестатсияи кормандони мақомоти сертификатсия, бо додани сертификат ва гувоҳномаҳои инфироди;

оид ба натиҷаҳои назорати инспексиони мақоми сертификатсия метавонад амали сертификати мутобиқат ё аттестати объекти иттилоотониро то иҷрои ҳатмии чораҳои тасҳеҳоти боздорад ё бекор кунад.

Системаи сертификатсияи воситаҳои ҳифзи иттилоот тибқи талаботи амнияти иттилооти аттестатсияи объектҳои иттилоотони, сертификатсияи ҳама гуна воситаҳои техники ва воқеи ва техникаи маишии дар биноҳо ва шабакаҳои инженери ҷойгиршударо, ки аз назди воситаҳои техникии коркарди иттилоот мегузаранд, дар бар мегирад.

9. Ҳуқуқ, ӯҳдадори ва масъулияти дархосткунандагон:

мутобиқати воситаҳои ҳифзи иттилоотро ба талаботи ҳуҷҷатҳои меъёри дар системаи сертификатсия таъмин менамоянд;

истеҳсолотро омода сохта, ҷиҳати устувории тавсифоти ҳуҷҷатҳои меъёрии воситаҳои ҳифзи иттилооти сертификатсияшаванда, ки иҷрои талаботро оид ба ҳифзи иттилоот таъмин (муайян) менамоянд, тадбирҳо меандешанд;

маълумотро дар бораи техникаи ҳифзи иттилооти сертификатсияшаванда ва ҳуҷҷатҳои меъёри, ки ба онҳо бояд мутобиқат намояд, зикр намуда, расонидани ин иттилоъро то ба истифодабаранда таъмин менамоянд;

техникаи истеҳсолнамудаи сертификатсияшудаи ҳифзи иттилоотро бо аломати мутобиқат бо тартиби муқаррарнамудаи қоидаҳои системаи сертификатсия нишонгузори менамоянд;

санадҳои қонунгузории Ҷумҳурии Тоҷикистон ва қоидаҳои системаи сертификатсияро ба роҳбари гирифта, аз сертификат истифода мебаранд;

мақоми сертификатсия ва маркази (лабораторияи) озмоиширо, ки сертификатсияро гузаронидаанд, дар хусуси тамоми тағйирот дар технология, сохти (таркиби) воситаҳои сертификатсияшудаи ҳифзи иттилоот ҷиҳати қабули қарор дар бораи зарурати гузаронидани сертификатсияи такрори огоҳ месозанд;

дастрасии шахсони мансабдорро ба ҳуҷҷатҳои техники ва технологи, ҷараёнҳои технологи, ҷойҳои нигаҳдошти маҳсулоти сертификатсияшуда, ки назорати давлати, назорати инспексионии воситаҳои ҳифзи иттилооти сертификатсияшударо тибқи талаботи ҳуҷҷатҳои меъёри анҷом медиҳанд, таъмин намуда, дар мавриди зарурат такмили тавсифоти ин воситаҳоро анҷом дода, онҳоро барои сертификатсияи такрори пешниҳод менамоянд.

Таҳиякунандагон, тайёркунандагон ва таҳвилкунандагони воситаҳои ҳифзи иттилоот бояд литсензияи дахлдори Сарраёсати ҳифзи сирри давлатии назди Ҳукумати Ҷумҳурии Тоҷикистонро дошта бошанд.

Фасли II. Аттестатсияи иншоотҳои иттилоотони ва тартиби бақайдгирии давлатии онҳо

IV. Муқаррароти умуми

10. Аттестатсияи иншоотҳои иттилоотони маҷмӯи сертификатсияи воситаҳои инженерию техники, биноҳои маъмури, истеҳсоли ва дигар биноҳои ба фаъолияти махфи вобастаро ба ҳифозати каналҳои иттилооти ва техники дар бар гирифта, барои мақомоти давлати, мақомоти худидоракунии маҳалли, мақомоти идораи Қувваҳои Мусаллаҳи Ҷумҳурии Тоҷикистон ва дигар воҳидҳои ҳарби, корхонаю ташкилотҳо, муассисаҳо, ки фаъолияти онҳо ҳифзи иттилооти пешбининамудаи қонунгузории Ҷумҳурии Тоҷикистонро талаб менамояд ё ба он вобаста аст, дар назар дошта шудааст.

11. Методикаи гузаронидан ва намунаҳои варақаҳои аттестатсияи объектҳои иттилоотро Сардори Сарраёсати ҳифзи сирри давлатии назди Ҳукумати Ҷумҳурии Тоҷикистон тасдиқ менамояд.

Объектҳои нав тарҳрезишавандаи иттилоотони бояд Супориши техникиро барои лоиҳакаши дар бахши ҳифзи техникии иттилоот гиранд. Пас аз баитмомрасии корҳои лоиҳави Мақоми ваколатдор экспертизаи ҳуҷҷатҳои таҳияшудаи лоиҳави ва ҳангоми амалисозии (сохтмон, васл ва танзиму бакорандози) он бошад, назорати муаллифиро анҷом медиҳад.

12. Барои салоҳиятнокии ҳифозати техникии иттилоот паспорти техникии аттестатсияи объекти иттилоотони мавриди бақайдгирии давлати қарор мегирад.

13. Аттестатсияи объекти иттилоотони ва бақайдгирии давлатии онҳоро Мақоми ваколатдор дар асоси шартнома анҷом медиҳад.

V. Ҳуқуқ, ӯҳдадори ва масъулияти Мақоми ваколатдори сертификатсияи воситаҳои ҳифзи иттилоот

14. Мақоми ваколатдор ҳуқуқ дорад:

дар бораи расмиёт ва ташкили сертификатсияи маҳсулот (хизматрасони) ва аттестатсияи объектҳои иттилоотони қарор қабул кунад;

ҳайати (бригадаи) кормандонро, ки сертификатсияи навъҳои мушаххаси маҳсулотро (хизматрасониро) анҷом медиҳанд, ташкил намояд;

дар таҳияи принсипҳои умумимиллии сертификатсияи маҳсулот ва хизматрасони дар Ҷумҳурии Тоҷикистон иштирок намояд, оид ба такмили онҳо пешниҳод манзур дорад;

сертификати мутобиқат, литсензия, аттестат ё гувоҳнома диҳад (ё додани онро рад намояд);

амали сертификатҳои мутобиқат, литсензия, аттестати аккредитатсия ё гувоҳномаро оид ба маҳсулоти (хизматрасонии) онҳо бекор намояд ё боздорад;

назорати инспексионии маҳсулот ва хизматрасонии сертификатсияшударо анҷом диҳад;

кормандони Мақоми ваколатдор тибқи тартиби муқарраргардида ба корхонаҳо, муассисаҳо ва ташкилот барои иҷрои вазифаҳои хизматии худ ташриф оварад;

аз корхонаю муассиса ва ташкилот, сарфи назар аз шакли моликият оид ба сифати маҳсулоти сертификатсияшуда маълумот ба даст орад;

кормандони ташкилотҳои дигарро, ки дорои иҷозат мебошанд, бо мувофиқаи роҳбари Мақоми ваколатдор барои гузаронидани корҳо оид ба сертификатсия ҷалб намояд, (ҳангоми зарурат).

15. Мақоми ваколатдор вазифадор аст:

қонунҳо ва дигар санадҳои меъёрии ҳуқуқиро дар соҳаи стандартизатсия, метрология ва сертификатсия риоя намояд;

татбиқи сиёсати қабулгардидаро дар соҳаи сертификатсияи маҳсулот ва хизматрасони таъмин кунад;

тартиб, қоидаҳо ва расмиёти дар системаи сертификатсияи воситаҳои техникии ҳифзи иттилоот, объектҳои иттилоотони ва воситаҳои техникии коркарди иттилоот муқарраргардидаро риоя намояд;

объективи ва саҳеҳ будани кордон вобаста ба сертификатсияро таъмин намояд;

ҳифзи мавод ва махфияти иттилоотро оид ба ҳамаи масъалаҳои сертификатсияи маҳсулот ва хизматрасони таъмин кунад;

баҳисобгири, нигаҳдошти ҳуҷҷатҳо ва маводи кориро таъмин намояд;

тибқи тартиби муқарраргардида корҳоро ҷиҳати эътироф намудани сертификатҳои мутобиқати кишварҳои хориҷи анҷом диҳад;

ҷиҳати тамдиди сертификатҳои мутобиқат корҳоро анҷом диҳад;

маҷмӯи мукаммали ҳуҷҷатҳои меъёриро оид ба сертификатсия, ки нисбат ба маҳсулот (хизматрасони) усули назорат ва озмоишро муқаррар менамояд, дошта бошад;

оид ба таҳияи будани ҳуҷҷатҳои муҳими ташкилию методии мақоми сертификатсия корҳоро анҷом диҳад;

экспертизаи ҳуҷҷатҳои меъёри ва ворид намудани тағйирот ба маҳсулоти (хизматрасонии) сертификатсияшавандаро доир намояд;

лабораторияҳои (марказҳои) озмоиширо барои гузаронидани навъҳои мушаххаси озмоиши маҳсулоти сертификатсияшаванда намояндаги кунад;

баҳисобгирии маълумотро оид ба тахассус, таълим ва таҷрибаи касбии ҳар як мутахассис анҷом диҳад. Маълумот дар мавриди таҷрибаи касби ва тарбияи мутахассисон бояд мунтазам нав карда шавад.

16. Мақоми ваколатдори давлатии сертификатсияи воситаҳои ҳифзи иттилоот барои инҳо масъулият дорад:

риояи қоида ва расмиёти дар системаи сертификатсияи воситаҳои техникии ҳифзи иттилоот ва объектҳои иттилоот муқарраргардида;

дурустии барасмиятдарори ва бақайдгирии ҳуҷҷатҳо оид ба натиҷаҳои сертификатсия;

ҳолат, татбиқ ва нигаҳдории ҳуҷҷатҳои меъёри;

мутобиқати тахассусии кормандони штатии мақомоти сертификатсия вобаста ба талаботи нисбати онҳо пешниҳодшуда;

дурустии муносибат ҷиҳати ҷалби мутахассисон барои сертификатсияи маҳсулот ва хизматрасони;

махфи нигоҳ доштани иттилоот оид ба ҳамаи масъалаҳои сертификатсияи маҳсулот ва хизматрасони;

саҳеҳи ва дурустии арзёби ҳангоми сертификатсияи маҳсулот ва хизматрасони, самарабахшии назорати минбаъдаи инспексионии маҳсулот ва хизматрасонии сертификатсияшуда ва ҳолати истеҳсолот;

вайрон кардани қоидаҳои сертификатсия;

дар мӯҳлати як моҳ аппелятсияро оид ба сертификатсияи ба фаъолияти марказҳои (лабораторияҳои) озмоиши ё мақомоти сертификатсия вобастабуда бо ҷалби тарафҳои манфиатдор ва коршиносони мустақил барраси намуда, ба таври хатти шахси аппелятсия пешниҳод кардаро огоҳ намояд.

VI. Роҳбарияти Мақоми ваколатдори давлатии сертификатсияи воситаҳои ҳифзи иттилоот

17. Роҳбарии фаъолиятро оид ба сертификатсияи давлатии воситаҳои ҳифзи иттилоот Сардори Сарраёсати ҳифзи сирри давлатии назди Ҳукумати Ҷумҳурии Тоҷикистон анҷом медиҳад, ки:

пешбурди сиёсати мақоми сертификатсия ва иҷрои вазифаҳоеро, ки қонунгузори ва ҳамин Низомнома муқаррар намудааст, таъмин менамояд;

роҳбарии умуми ва ҳамоҳангсозии фаъолияти Мақоми ваколатдорро анҷом медиҳад.

18. Муовини Роҳбари Мақоми ваколатдор директори Маркази ҳифзи техникии иттилоот ва экспертизаи Сарраёсати ҳифзи сирри давлатии назди Ҳукумати Ҷумҳурии Тоҷикистон мебошад. Ҳангоми ғайриҳозири ё бо иҷозати Роҳбар директори марказ ӯро иваз намуда, вазифаҳои ба зиммааш гузошташударо анҷом медиҳад.

19. Мақоми иҷроияи сертификатсия, ки бевосита ин корро амали менамояд, Маркази ҳифзи техникии иттилоот ва экспертизаи Сарраёсати ҳифзи сирри давлатии назди Ҳукумати Ҷумҳурии Тоҷикистон (минбаъд-Марказ) мебошад, ки фаъолияти худро мутобиқи Низомномаи тасдиқнамудаи Сардори Сарраёсат дар бораи Марказ анҷом медиҳад.

Марказ дар фаъолияти худ бо воҳидҳои сохтории Дастгоҳи марказии Сарраёсати ҳифзи сирри давлатии назди Ҳукумати Ҷумҳурии Тоҷикистон ва дигар мақомоти ваколатдор дар доираи салоҳияташ ҳамкори намуда, дар назди Роҳбар барои иҷрои тамоми корҳо оид ба гузаронидани сертификатсия масъул мебошад.

20. Корҳо оид ба сертификатсия ва назорати инспексионии маҳсулот ва хизматрасонии сертификатсияшуда бояд аз ҷониби мутахассисонэкспертҳои системаи сертификатсия анҷом дода шавад.

VII. Ҳамкории Маркази ҳифзи техникии иттилоот ва экспертиза бо ташкилотҳои дигар

21. Марказ кори худро дар ҳамкории зич бо дигар ташкилотҳои манфиатдор ва дар ин соҳаи фаъолият иштирокдошта анҷом медиҳад, аз ҷумла:

бо мувофиқаи роҳбарони онҳо барои гузаронидани сертификатсия мутахассисонро ҷалб менамояд;

дар таҳияи муштараки ҳуҷҷатҳои методию ҳуқуқии системаи сертификатсия иштирок менамояд;

дар бораи фаъолияти Мақоми ваколатдор маълумот фароҳам меорад;

экспертизаи ҳуҷҷатҳои меъёриро оид ба сертификатсия анҷом медиҳад;

таҷрибаи андӯхта ва нерӯи техникиро барои рушд ва такмили заминаи меъёрию техникии системаи сертификатсия истифода мебарад.

Зимни ҳамкори бо лабораторияҳои аккредитатсияшудаи озмоиши тибқи тартиби муқарраргардида, Марказ корҳои зеринро ба анҷом мерасонад:

намунаҳои маҳсулотро барои гузаронидани озмоиши сертификатсиони бо акти интихоби намуна ирсол медорад;

протоколҳои пешниҳодшудаи озмоишро таҳлил менамояд;

дар татбиқи назорати инспексионии фаъолияти лабораторияҳои озмоишии аккредитатсияшуда иштирок мекунад;

лабораторияҳои аккредитатсияшудаи озмоиши протоколҳои озмоишҳои сертификатсионии маҳсулот ва маълумоти зарури, инчунин тибқи дархости Марказ маводро фароҳам меоранд.

22. Ҳамкории Марказ бо дархосткунандагони маҳсулот бо дарназардошти чунин хусусиятҳо сурат мегирад:

а) истеҳсолкунанда, таҳвилкунанда, истифодабарандаи маҳсулот ва хизматрасони ба мақоми сертификатсия:

барои гузаронидани сертификатсияи маҳсулот ва хизматрасони ба Мақоми ваколатдор дархост ирсол менамояд, дархост дар варақаи дархосткунанда ба расмият дароварда шуда, шакли варақа бо мӯҳр тасдиқ карда мешавад ва онро Мақоми ваколатдор тасдиқ менамояд;

бо талаби Мақоми ваколатдор ҳамаи ҳуҷҷатҳои техники ва истифодабарии заруриро ба ин восита тибқи ЕСКД ё ЕСПД пешниҳод мекунад;

ба корхонаи (ташкилоти) худ барои иҷрои ӯҳдадориҳои хизмати бемонеа ворид шудани мутахассисони Мақоми ваколатдор шароит фароҳам меорад;

ба Мақоми ваколатдор дар мавриди ҳама гуна тағйирот дар ҳуҷҷатҳои меъёрии техники, истеҳсолот, шароити хизматрасони ва сифати маҳсулоти (хизматрасонии) сертификатсияшудаи истеҳсолшаванда иттилоъ медиҳад;

ҳангоми натиҷаҳои манфии назорати инспексиони дар мӯҳлати муқарраргардида тадбирҳои тасҳеҳотиро таҳия ва амали менамояд;

истеъмолкунандагон ва корхонаҳои манфиатдорро дар мавриди истифодаи номатлуби маҳсулот (хизматрасони), ки нисбати онҳо вайронкуниҳо сурат гирифтааст, огоҳ намуда, номутобиқатиро бартараф мекунад ё агар рафъи вайронкуниҳои ошкоршуда муқаррар нагардида бошад, маҳсулоти назди истеъмолкунанда қарордоштаро иваз менамояд;

ҳамаи маҷмӯи корҳои вобаста ба гузаронидани сертификатсияи маҳсулотро (хизматрасони) маблағгузори менамояд.

б) Мақоми ваколатдор:

барои гузаронидани сертифткатсияи ё барои тамдиди мӯҳлати сертификати маҳсулот (хизматрасони) дархост қабул менамояд;

дар бораи гузаронидани сертификатсияи маҳсулот (хизматрасони) қарор қабул мекунад, шакли варақаи "Қарор"-ро Мақоми ваколатдор тасдиқ менамояд;

ҷамъоварии намунаҳои маҳсулотро барои гузаронидани озмоиш анҷом медиҳад;

нақшаи сертификатсияи маҳсулотро (хизматрасониро) муайян менамояд;

сертификатсияи мутобиқат, аттестат ё гувоҳномаро ба расмият медарорад, ба қайди давлати мегирад ва медиҳад (ё намедиҳад) рад мекунад;

шакли сертификати мутобиқат, аттестат ва гувоҳномаро Мақоми ваколатдор тасдиқ мекунад;

оид ба маҳсулоти (хизматрасонии) сертификатсияшуда назорати инспексиониро анҷом медиҳад;

оид ба масъалаҳои сертификатсия, аттестатсия ё муоина машварат мегузаронад.

Аккредитатсияи марказҳо ва лабораторияҳои озмоиши барои ҳуқуқи пешбурди корҳо оид ба сертификатсия ё аттестатсияи объектҳои иттилоотони дар ҳолатҳои махсус бо иҷозати Сардори Сарраёсати ҳифзи сирри давлатии назди Ҳукумати Ҷумҳурии Тоҷикистон якҷоя бо Тоҷикстандарт анҷом дода мешавад.

Забонҳои тоҷики ва руси, забонҳои расмии системаи сертификатсияи воситаҳои ҳифзи иттилоот тибқи талаботи амнияти иттилооти мебошанд. Тамоми ҳуҷҷатҳои меъёри ва методии системаи сертификатсия ба забонҳои тоҷики ва руси ба расмият дароварда мешаванд.

VIII. Таъминоти моддию молиявии фаъолияти Мақоми ваколатдори сертификатсияи воситаҳои ҳифзи иттилоот

23. Мақоми ваколатдор тибқи талаботи амнияти иттилоот, ҳамоҳангсозии фаъолиятро ҷиҳати додани иҷозатнома ва ташкили сертификатсия, ҳамаи корҳо доир ба сертификатсия ва назорати инспексиони, инчунин хизматрасонии иттилооти дар асоси шартномави бо дарназардошти муқаррароти моддаҳои 132, 313-316 Кодекси граждании Ҷумҳурии Тоҷикистон, моддаи 8 ва 19 Кодекси андози Ҷумҳурии Тоҷикистон иҷро менамояд.

Мутобиқи моддаи 12 Қонуни Ҷумҳурии Тоҷикистон "Дар бораи ҳифзи иттилоот" корҳои вобаста ба иҷрои талаботи иловаги оид ба ҳифзи иттилоот, ки аз фаъолияти сертификатсиони фарқ мекунанд, аз ҷониби шахсони ҳуқуқи ё воқеи, ки онро муайян кардаанд, ё дар асоси шартномави, маблағгузори мегардад.

Даромади аз фаъолияти сертификатсияи воситаҳои ҳифзи иттилоот бадастомада, бояд ба ҳисоби махсуси барои ин мақсад дар Хазинадории марказии Вазорати молияи Ҷумҳурии Тоҷикистон кушодашаванда гузаронида шавад. Воситаҳои мазкур барои таҳкими заминаи моддию техники ва амалисозии фаъолияти Маркази ҳифзи техникии иттилоот ва экспертизаи назди Саррраёсати ҳифзи сирри давлатии назди Ҳукумати Ҷумҳурии Тоҷикистон истифода бурда мешаванд.