ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқи Нақшаи стратегии Ҷумҳурии Тоҷикистон оид ба солимии репродуктивии аҳолӣ дар давраи то соли 2014

Бо дарназардошти вазъи имрӯзаи солимии репродуктивии аҳоли, баҳри таъмини бархӯрди маҷмӯии беҳтарсозии сифати амалҳо дар соҳаи солимии репродуктиви ва танзими оила, Ҳукумати Ҷумҳурии Тоҷикистон карор мекунад:

1. Нақшаи пешниҳодгардидаи стратегии Ҷумҳурии Тоҷикистон оид ба солимии репродуктивии аҳоли дар давраи то соли 2014 тасдиқ карда шавад.

2. Ҳамоҳангсози Нақшаи стратегии Ҷумҳурии Тоҷикистон оид ба солимии репродуктивии аҳоли дар давраи то соли 2014, Комиссияи назди Ҳукумати Ҷумҳурии Тоҷикистон оид ба масъалаҳои нуфус ва инкишоф, муқаррар карда шавад.

3. Вазорати тандурустии Ҷумҳурии Тоҷикистон, Вазорати меҳнат ва ҳифзи иҷтимоии аҳолии Ҷумҳурии Тоҷикистон, Вазорати маорифи Ҷумҳурии Тоҷикистон, Вазорати фарҳанги Ҷумҳурии Тоҷикистон, Кумитаи давлатии омори Ҷумҳурии Тоҷикистон, Академияи илмҳои Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи оид ба корҳои дини назди Ҳукумати Ҷумҳурии Тоҷикистон, Кумитаи кор 6о ҷавонони назди Ҳукумати Ҷумҳурии Тоҷикистон, Кумитаи телевизион ва радиои назди Ҳукумати Ҷумҳурии Тоҷикистон, Фонди ҳифзи иҷтимоии аҳолии Ҷумҳурии Тоҷикистон, мақомоти иҷроияи маҳаллии ҳокимияти давлати чорабиниҳои татбиқи Нақшаи стратегии Ҷумҳурии Тоҷикистон оид ба солимии репродуктивии аҳоли дар давраи то соли 2014-ро ба нақшаҳои кории худ дохил намоянд.

4. Вазорати тандурустии Ҷумҳурии Тоҷикистон, мақомоти иҷроияи маҳаллии ҳокимияти давлати аз ҳисоби маблағҳои буҷети ва донории созмонҳои байналмилали, ки барои соҳаи тандурусти пешбини шудаанд, татбиқи Нақшаи стратегии Ҷумҳурии Тоҷикистон оид ба солимии репродуктивии аҳоли дар давраи то соли 2014-ро таъмин намоянд.

5. Вазорати тандурустии Ҷумҳурии Тоҷикистон якҷоя бо Кумитаи давлатии омори Ҷумҳурии Тоҷикистон ва дигар вазорату идораҳои дахлдор, тартиби ягонаи бақайдгири ва ҳисоботро дар соҳаи солимии репродуктиви ва танзими оила таҳия, тасдиқ ва ҷори намояд.