Сархатҳои 3 ва 4 банди 2 бо Қарори Ҳукумати ҶТ аз 04.02.2002с. № 43 беэътибор дониста шуд.

Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи Қонуни Ҷумҳурии Тоҷикистон аз 14 декабри соли1996 "Дар хусуси ворид намудани баъзе тағйироту иловаҳо ба Қонуни Ҷумҳурии Тоҷикистон "Дар бораи Регистрҳои давлатӣ" Ҳукумати Ҷумҳурии Тоҷикистон қарор мекунад:

1. Ба қарори Девони Вазирони Ҷумҳурии Тоҷикистон аз 30 декабри соли 1991 № 387 "Дар бораи таъсиси регистри корхонаҳои Ҷумҳурии Тоҷикистон " тағьиротҳои зерин ворид карда шаванд:

дар сархати якум ва сеюми банди 1, бандҳои 4 ва 5 калимаҳои "Кумитаи давлатии омор" бо калимаҳои "Агентии давлатии омори назди Ҳукумати Ҷумҳурии Тоҷикистон" иваз карда шаванд;

дар банди 3 калимаҳои "Кумитаҳои иҷроияи Шӯроҳои депутатҳои халқи ноҳиявию шаҳрӣ" бо калимаҳои "Мақомоти ҳокимияти иҷроияи маҳалӣ (ҳукуматҳо)" иваз карда шаванд;

зербанди "б"-и банди 5 дар таҳрири зайл ифода гардад:

"б) ҳар сол дар ибтидои моҳи март шартҳои додани маълумотҳои регистрҳои корхонаҳо ва маблағи пардохти онҳоро таҳия намуда, ба баррасии Ҳукумати Ҷумҳурии Тоҷикистон пешниҳод кунад;

2. Ба Низомномаи регистри корхонаю муассисаҳо ва ташкилотҳои Ҷумҳурии Тоҷикистон, ки бо қарори Девони Вазирони Ҷумҳурии Тоҷикистон аз 30 декабри соли 1991 № 387 тасдиқ шудааст, тағьирот ва иловаҳои зерин ворид карда шаванд:

дар сархати дуюми банди 5, сархати якуми банди 16, калимаҳои "Кумитаи давлатии омор" бо калимаҳои "Агентии давлатии омори назди Ҳукумати Ҷумҳурии Тоҷиқистон " иваз карда шаванд;

Ба боби II Низомнома банди 9 дорои мазмуни зайл илова карда шавад:

"9. Баъди бақайдгирии субъекти хоҷагӣ мувофиқи тартиби муқаррарнамудаи қонун муассисаҳои бонкҳо дар сурати мавҷуд будани варақаи бақайдгирии дорои коди ОКПО-и мақомоти давлатии омор, ки регистри корхонаҳо, ташкилоту муассисаҳо, фирмаҳо, сарфи назар аз шакли моликият, инчунин соҳибкорони инфиродиро пеш мебаранд, ҳисобномаи пардохт ва ҳисобномаҳои дигар мекушоянд. Барои додани коди ОКПО ва супурдани варақаи қайд арзиши хароҷот ба андозаи бист маоши ҳадди ақал ва барои тасдиқи кодҳо - ба андозаи даҳ маоши ҳадди ақал пардохт ситонида мешавад.";

дар бандҳои 17 ва 18 калимаҳои "Девони Вазирон" ба калимаи "Ҳукумат" иваз карда шаванд.