ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ИҶРОИ ҶАЗОИ ҶИНОЯТИИ ҶУМҲУРИИ ТОҶИКИСТОН

Моддаи 1. Ба Кодекси иҷрои ҷазои ҷиноятии Ҷумҳурии Тоҷикистон аз 6 августи соли 2001 (Ахбори Маҷлиси Олии Ҷумҳурии Тоҷикистон, соли 2001, №7, мод. 505; соли 2003, №12, мод. 683) тағйиру иловаҳои зайл ворид карда шаванд:

1. Дар тамоми матни Кодекс калимаҳои "мақомоти ҳокимияти давлатӣ дар маҳалҳо" ба калимаҳои "мақомоти маҳаллии ҳокимияти давлатӣ" иваз карда шаванд.

2. Дар моддаи 9, қисми дуюми моддаи 14, қисми дуюми моддаи 56, номи Боби 12, ном ва қисмҳои сеюм ва чоруми моддаи 113, ном ва қисмҳои якум, дуюм, чорум, панҷум ва шашуми моддаи 117, қисмн чоруми моддаи 126 ва қисмҳои якум ва дуюми моддаи 149 калимаҳои "маълумот" ва "маълумоти" мутобиқан ба калимаҳои "таҳсилот" ва "таҳсилоти" иваз карда шаванд.

3. Дар қисми дуюми моддаи 16 калимаи "муомилаи" ба калимаи "муносибати" иваз карда шавад.

4. Аз қисми дуюми моддаи 18, қисмҳои сеюм ва чоруми моддаи 19, қисми дуюми моддаи 20 калимаи "ҳабс" хориҷ карда шавад.

5. Аз қисми сеюм моддаи 21 калимаҳои "ҳабс ё" хориҷ карда шаванд.

6. Дар моддаи 23:

қисми сеюм дар таҳрири зайл ифода карда шавад:

"3. Ҷазо дар намуди маҳрум кардан аз рутбаҳои ҳарбӣ, дипломатӣ, рутбаҳо, унвонҳои махсус, мукофотҳои давлатӣ ва унвонҳои ифтихории Тоҷикистон аз ҷониби суде, ки ҳукм баровардааст, иҷро карда мешавад. Талаботи ҳукм оид ба маҳрум кардан аз рутбаҳои ҳарбӣ, дппломатӣ, рутбаҳо, унвонҳои махсус, мукофотҳои давлати ва унвонҳои ифтихории Тоҷикистон аз ҷониби шахси мансабдор ё мақоме, ки ин рутбаҳои ҳарбӣ, дипломатӣ, рутбаҳо, унвонҳои махсус, мукофотҳои давлатӣ ва унвонҳои ифтнхории Тоҷикистонро додааст, иҷро карда мешавад.";

дар қисми чорум баъд аз калимаҳои "ҷазо дар намуди" калимаҳои "корҳои ҳатмӣ ва " илова карда шаванд;

аз қисми панҷум калимаи "ҳабс" хориҷ карда шавад;

аз қисми шашум калимаи "ҳабс" ва калимаҳои "ҷазои ҳабс аз ҷониби фармондеҳи гарнизонҳо дар гауптвахтҳо барои хизматчиёни ҳарбии маҳкумшуда;" хориҷ карда шаванд.

7. Дар моддаи 24:

аз қисми якум калимаи "ҳабс" хориҷ карда шавад;

дар қисми сеюм калимаҳои "моддаҳои 96-103 Кодекси ҷиноятии" ба калимаҳои "санадҳои меъёрии ҳуқуқии" иваз карда шаванд.

8. Аз қисми якуми моддаи 25 калимаи "ҳабс" хориҷ карда шуда, баъд аз калимаҳои "ҷазо дар намуди" калимаҳои "корҳои ҳатмӣ," илова карда, калимаҳои "унвонҳои махсус ва мукофотҳои давлати" ба калимаҳои "рутбаҳо, унвонҳои махсус, мукофотҳои давлатӣ ва унвонҳои ифтихории Тоҷикистон." иваз карда шаванд.

9. Ба Фасли II Кодекс, Боби 3.1 дар таҳрири зайл илова карда шавад:

"Боби 3.1 Иҷрои ҷазо дар намуди корҳои ҳатмӣ

Моддаи 29.1 Тартиби иҷрои ҷазо дар намуди корҳои ҳатми

1. Иҷрои ҷазо дар намуди корҳои ҳатмӣ аз ҷониби нозироти корҳои ислоҳии маҳалли истиқоматӣ маҳкумшуда дар ҷойҳое, ки мақомоти маҳаллии ҳокимияти давлатӣ бо розигии нозироти корҳои ислоҳи муайян менамоянд, ба амал бароварда мешавад.

2. Ба ҷазои корҳои ҳатмӣ маҳкумшудагон дар мӯҳлати на дертар аз 15 рӯзи ба нозироти корҳои ислоҳи расидани фармоиши дахлдори суд бо нусхаи ҳукм (таъинот, қарор) барои адо кардани ҷазо ҷалб карда мешаванд.

3. Нозироти корҳои ислоҳи баҳисобгирии маҳкумшудагонро анҷом медиҳанд; тартиб ва шартҳои адои ҷазоро тавзеҳ медиҳанд; бо мақомоти маҳаллии ҳокимияти давлатӣ феҳристи ҷойҳое, ки маҳкумшудагон ҷазои корҳои ҳатмиро адо менамоянд, мувофиқа мекунанд; рафтори маҳкумшудагонро назорат менамоянд; вақти коркарди умумии маҳкумшудагонро ба ҳисоб мегиранд.

Моддаи 29.2 Шартҳои иҷро ва адои ҷазо дар намуди корҳои ҳатмӣ

1. Ба корҳои ҳатмӣ маҳкумшудагон вазифадоранд: қоидаҳои тартиботи дохилаи ташкилотеро, ки дар он ҷо корҳои ҳатмиро адо менамоянд, риоя намуда, ба меҳнат софдилона муносибат кунанд; дар ҷойҳои барои онҳо муайяншуда кор карда, мӯҳлати ҳатмиро, ки суд муқаррар намудааст, иҷро кунанд; нозироти корҳои ислоҳиро оиди тағйир додани ҷои истиқоматашон хабардор намоянд.

2. Ба маҳкумшудагон додани рухсатии ҳарсолаи навбати аз ҷои кори асоси иҷрои ҷазоро дар намуди корҳои ҳатмӣ бознамедорад.

3. Дар давраи адои ҷазо дар намуди корҳои ҳатмӣ ҳангоми маъюби гурӯҳи якум ё дуюм эътироф гардидан ё ба синну соли нафақа расидан ва ё ҳомиладор гардидани маҳкумшуда нозироти корҳои ислоҳӣ дар хусуси озод намудан аз адои ҷазо ба суд пешниҳоднома мефиристанд.

Моддаи 29.3 Баҳисобгирии мӯҳлати ҷазо дар намуди корҳои ҳатмӣ

1. Мӯҳлати адои ҷазои корҳои ҳатмӣ ба соатҳое, ки дар давоми он маҳкумшуда адои ҷазо намудааст, ба ҳисоб гирифта мешавад.

2. Вақти корҳои ҳатмӣ дар рӯзҳои истироҳат ва рӯзҳое, ки маҳкумшуда ба корҳои асосӣ, хизмат ё таълим машғул нест, аз чор соат зиёд буда наметавонад, дар рӯзҳои кори ду соат пас аз адои кор, хизмат ё таълим, дар ҳолати рози будани маҳкумшуда чор соат муқаррар шуданаш мумкин аст. Вақти корҳои ҳатми дар давоми як ҳафта аз 12 соат кам буда наметавонад. Ҳангоми мавҷуд будани сабабҳои узрнок нозироти корҳои ислоҳи ҳуқуқ доранд ба маҳкумшуда як ҳафта коркарди миқдори соатҳои камтарро иҷозат диҳад.

Моддаи 29.4 Вазифаҳои маъмурияти ташкилоте, ки дар он ҷо маҳкумшуда ҷазои корҳои ҳатмиро адо мекунад

1. Ба зиммаи маъмурияти ташкилоте, ки дар он ҷо маҳкумшуда ҷазои корҳои ҳатмиро адо мекунад, вазифаҳои зерин гузошта мешаванд: назорат аз болои иҷрои корҳое, ки барои маҳкумшудагон муайян гардидааст, огоҳ намудани нозироти корҳои ислоҳӣ оиди миқдори соатҳои коркард ё саркаши намудани маҳкумшудагон аз адои ҷазо.

2. Пардохт намудани товони зарар ба саломатии маҳкумшуда, ки вобаста ба иҷрои корҳои ҳатмӣ расонида шудааст, тибқи қонунгузории Ҷумҳурии Тоҷикистон оид ба меҳнат ба амал бароварда мешавад.

Моддаи 29.5 Ашадди саркаши намудан аз адои ҷазои корҳои ҳатмӣ

1. Саркаши кардан аз адои ҷазои корҳои ҳатмӣ ҳамон вақт ашадди ҳисобида мешавад, ки агар маҳкумшуда:

а) зиёда аз ду маротиба дар давоми як моҳ барои адои ҷазои корҳои ҳатмӣ бе сабабҳои узрнок набаромада бошад;

б) зиёда аз ду маротиба дар давоми як ҳафта интизоми меҳнатро вайрон карда бошад;

в) бо мақсади саркаши намудан аз адои ҷазо пинҳон шавад

2. Нисбати маҳкумшудагоне, ки аз адои ҷазои корҳои ҳатми ашадди саркаши менамоянд, нозироти корҳои ислоҳӣ оиди иваз намудани ҷазои корҳои ҳатмӣ бо дигар намуди ҷазо тибқи талаботи қисми панҷуми моддаи 481. Кодекси ҷиноятии Ҷумҳурии Тоҷикистон ба суд пешниҳоднома мефиристад".

10. Аз қисми дуюми моддаи 33 калимаи "ҳабс" ва аз қисми дуюми моддаи 34 калимаҳои "ҳабс" ва "аз ҳабсхона" хориҷ карда шаванд.

11. Аз Кодекс Фасли IV хориҷ карда шавад.

12. Аз номи Фасли VI калимаи "ҳабс" хориҷ карда шавад.

13. Боби 17 хориҷ карда шавад.

14. Дар номи Боби 19, ном ва матни моддаи 197 калимаҳои "рутбаҳои ҳарбӣ, дипломатӣ, унвонҳои махсус ва мукофотҳои давлатӣ" ба калимаҳои "рутбаҳои ҳарбӣ, дипломатӣ, рутбаҳо, унвонҳои махсус, мукофотҳои давлатӣ ва унвонҳои ифтихории Тоҷикистон" иваз карда шаванд.

15. Аз қисмҳои якум, дуюм, панҷуми моддаи 206 ва қисми якуми моддаи 207 калимаи "ҳабс" хориҷ карда шавад.

16. Дар қисми даҳуми моддаи 208 баъд аз калимаҳои "зане, ки ба" калимаҳои "корҳои ҳатмӣ," илова карда шаванд.

17. Дар моддаи 209:

Номи модда дар таҳрири зайл ифода карда шавад:

"Моддаи 209. Мавқуф гузоштани адои ҷазо нисбати занони ҳомиладори маҳкумшуда ва занони маҳкумшудае, ки кӯдакони то синни ҳаштсола доранд";

дар қисми якум калимаҳои "сесола" ба калимаҳои "синни ҳаштсола" ва калимаҳои "онҳоро аз адои минбаъдаи ҷазо озод кунад." ба калимаҳои "адои ҷазоро нисбати онҳо мавқуф гузорад." иваз карда шаванд;

дар қисми сеюм калимаҳои "озод намудан аз" ба калимаҳои "мавқуф гузоштани" иваз карда шаванд;

дар қисми даҳум калимаҳои "аз адои ҷазо озод кардан" ба калимаҳои "мавқуф гузоштани адои ҷазо" иваз карда шаванд;

дар қисми дувоздаҳум калимаи "сесолагӣ" ба калимаи "ҳаштсолагӣ" иваз карда шавад.

18. Аз қисми ҳаштуми моддаи 211 калимаи "ҳабс " хориҷ карда шавад.

19. Дар моддаи 218 калимаҳои "аз озоди маҳрумшуда" ба калимаҳои "ба маҳрум сохтан аз озоди маҳкумшуда" иваз карда шаванд.

Моддаи 2.

Қонуни мазкур пас аз интишори расмӣ мавриди амал қарор дода шавад.