Бо қарори Ҳукумати ҶТ аз 1.11.2019 № 549 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 18 июли соли 1996 № 332

Бо мақсади татбиқи пурраи ҳифзи иҷтимоии кормандони Агентии назорати маводи нашъаовари назди Президенти Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 18 июли соли 1996 № 332 "Дар бораи тартиби ҳисоби собиқаи хизмат, таъин ва пардохти нафақаю ёрдампулӣ ба ашхоси дар Ҷумҳурии Тоҷикистон хизмати ҳарбиро адонамуда, шахсони дар мақомоти корҳои дохилӣ, гумрук, воҳидҳои полицияи андоз, мақомоти прокуратура ва дар вазифаи судя хизматнамуда ва аъзои оилаҳои онҳо" тағйироту иловаҳои зайл ворид карда шаванд:

1. Дар номи қарор баъди калимаҳои "полицияи андоз" калимаҳои "Агентии назорати маводи нашъаовар" илова карда шавад.

2. Дар бандҳои 1-3, 6-13, 15-22, 25 ва 26 баъд аз калимаҳои "воҳидҳои полицияи андоз" калимаҳои "воҳидҳои Агентии назорати маводи нашъаовари назди Президенти Ҷумҳурии Тоҷикистон" илова карда шаванд.

3. Ба банди 1 сархати ҳафтум бо мазмуни зайл илова карда шавад:

"Хизмат дар воҳидҳои Агентии назорати маводи нашъаовари назди Президенти Ҷумҳурии Тоҷикистон ба сифати кормандони дорои рутбаҳои махсус".

Сархатҳои ҳафтум, бисту якум мутобиқан сархатҳои ҳаштум, бисту дуюм ҳисобида шаванд.

4. Дар сархати ҳафтуми зербанди "в" банди 3 баъд аз калимаҳои "барои ашхоси дорои рутбаҳои махсус дар полицияи андоз аз 1 феврали соли 1996" калимаҳои "барои ашхоси дорои рутбаҳои махсус дар Агентии назорати маводи нашъаовар аз 1 июни соли 1999" илова карда шаванд.

5. Дар сархати дуюми зербанди "б" банди 8 баъди калимаҳои "полковники хизмати дохилӣ", калимаҳои "полковники хизмати назорати маводи нашъаовар" илова карда шаванд.